ဆောင်းပါးများ

မည်သို့ပင်ဖြစ်စေ ဆုံဆည်းခွင့်ရှိသည် Written by ရွှေကိုယ်နတ်(UCSM)    Friday, 26 October 2012 17:24 More Sharing ServicesShare | Share on facebook Share on myspace Share on google Share on twitter အဲကွန်း အကူအညီဖြင့် စိမ့်နေအောင် အေးသော အရောင်းဆိုင် အတွင်းတွင် ငြိမ်သက်ခြင်းကသာ လွှမ်းမိုးလျက်ရှိသည်။ တပ်ဆင်ထားသော တိုင်ကပ်နာရီမှ နေ့လယ် နာရီတိတိ ဆိုသော အချိန်ကို ညွှန်ပြ လျက်ရှိပြီဖြစ်၏။ အခန်း၏ အပြင်ဘက် လမ်းမကြီးနှင့် ၀န်းကျင် အနီးတစ်ဝိုက်တွင်တော့ ပူပြင်းလှသည့် အရှိန်အဟုန်ကို ခံစားနိုင်မည် ထင်သည်။ စင်ပေါ်တွင် ဈေးဝယ်တချို့ ကြည့်သွား၍ နေသားတကျ မဟုတ်တော့သော ဖိနပ်များကို စနစ်တကျဖြစ်အောင် စီလိုက်မိသည်။ အပြင်ဘက်သို့ ကျွန်တော်တစ်ချက် ဝေ့ကြည့်မိ၏။ လမ်းမထက်တွင် ဥဒဟို သွားလာနေသည့် ယာဉ်ပေါင်းစုံကို အမြင်အာရုံတွင်တွေ့ရ၏။ သူမများ ရောက်လာမလားဟု လျော့ရဲရဲ မျှော်လင့်မှုဖြင့် စိတ်ကူးကြည့်မိသည်။ ဤနေ့သည် လဆန်း ၈ ရက်နေ့ဖြစ်၏။ သူမ ရောက်လာဖို့ သည်မည်သို့မျှ မဖြစ်နိုင်ပါ။ သို့ပေမဲ့ မသေချာသည့် မျှော်လင့်မှုတချို့ဖြင့် ကျွန်တော် မကြာမကြာ တံခါးပေါက်သို့ မျက်လုံးဝေ့ကြည့်မိသည်။ မြင်ရသည့် ဈေးဝယ်သူတချို့တွင် သူမနှင့် တူသူဟူ၍ ယောင်လို့တောင် ပါမလာခဲ့ပါ။ နွေရာသီ၏ ပူပြင်းလှသော ယခုလိုနေ့လယ်ခင်းမျိုးတွင် သူမအပြင် ထွက်ပါမည်ဟု အပိုင်ပြော၍ ရနိုင်မည်လား။ ထိုသို့ တွေးလိုက်မိပြန်တော့ ဖြူဝင်းလှသော သူမ၏ အသားအရေ ခပ်စိုစိုကိုသာ ကျွန်တော့် မျက်လုံးထဲတွင် ပေါ်လာလေသည်။ စိတ်ထဲတွင် အေးလွန်းလှသည်ထင်သည်မို့ အဲကွန်းကို အနည်းငယ်လျှော့လိုက်၏။ “ကျွန်မက အပူဒဏ်မခံနိုင်ဘူး။ နေပူထဲဆို မဖြစ်လောက်မှ သာထွက်ဖြစ်တာ၊ အေးတာကို ဘယ်လောက်ဖြစ်ဖြစ် ခံနိုင်ရည်ရှိတယ်”ဟု သူမပြောခဲ့သေးသည်ကို အမှတ်ရသည်။ အပူအပင်မရှိ ပြည့်စုံစွာ ကြီးပြင်းလာသော  လူကုံထံ အသိုက်အ၀န်း တစ်ခုမှ သူမလို မိန်းကလေး တစ်ယောက်နှင့် နိုင်ငံခြားဖြစ် ဖိနပ်ဆိုင်တစ်ခုတွင် အရောင်းစာရေး အဆင့်သာဖြစ်သော ကျွန်တော်သည် ခံနိုင်ရည်ချင်းကွာခြား မည်ပင်။ လောကတွင် ထင်မှတ်မထားသော အဖြစ်အပျက်များ ဖြစ်ပျက်တတ်သည်ဟု ကျွန်တော် ယခင်အချိန်က မတွေးမိခဲ့။ အယုံအကြည်မဲ့လွန်းသည် မဟုတ်ဘဲ ကျွန်တော် ကြုံတွေ့ခဲ့သမျှ ကိစ္စများသည် မထူးဆန်းလှသော သာမန်ဖြစ်စဉ်များသာ။ သူသာ ကျွန်တော်ရှိသော STRANGE ဆိုသည့်ဖိနပ် ဆိုင်သို့ ၀ယ်သူအဖြစ်နှင့် ရောက်ရှိမလာခဲ့လျှင် မနက်ခင်းကိုးနာရီမှ ညနေငါး နာရီအထိ ဖိနပ်ဆိုင်တွင် အရောင်းစာရေး တာဝန်ကို ထမ်းဆောင်ရင်း ဖိနပ်ဆိုင် နှင့် ကျွန်တော်နေထိုင်ရာ အဆောင်သို့ သွားလိုက်     ပြန်လိုက်လုပ်ခြင်းနှင့်သာ ကျွန်တော်၏ နေ့ရက်တိုင်းကို ကုန်လွန်ရသည်သာ များခဲ့လေသည်။ အဆောင်သို့ ပြန်ရောက်ချိန်၊ ညစာစားပြီးသည့်နောက် တစ်ခါတစ်ရံ ဇာတ်လမ်းကြည့်ဖြစ်၏။ အချို့ရက်တွင် လက်ဖက်ရည်ဆိုင်၏ များပြားလှ သော စကားဝိုင်းများအကြားတွင် သူငယ်ချင်းတချို့နှင့် ခေတ်၏ထင်ပေါ်မှု ပြယုဂ်များကို အမြင်ချင်းရှုမြင်သုံးသပ်ကြ၏။ သို့သော် ဘယ်အခါမှလည်း တစ်ယောက်နှင့်တစ်ယောက် တူညီစွာသဘောထား တိုက်ဆိုင်ခြင်းမရှိခဲ့ပေ။ တစ်ယောက်က ချစ်သုဝေ၏ ဒီဇိုင်းအကြောင်း စကားစ မေးမြန်းမိလျှင် အခြား တစ်ယောက်က Lady Gaga အကြောင်း စကားဝိုင်းထဲဆွဲသွင်းချင်သွင်းမည်။ တစ်ယောက်က သူ၏ အလုပ်မှ အခက်အခဲအား ရင်ဖွင့် တိုင်ပင်လာလျှင် အခြား တစ်ဦးက ရန်ကုန်မြို့ရှိ Shopping Center များတွင် ပူးတွဲ ဖွင့်လှစ်လာကြသော IT Mall များအကြောင်း ရောက်ချင်လည်း ရောက်သွားနိုင်သည်။ အနည်းအကျဉ်းတော့ ဟာသဆန်မည်ထင်၏။ သို့သော်အဆောင်မှ သူငယ်ချင်းတချို့ နှင့် လက်ဖက်ရည်ဆိုင်ထိုင် ဆွေးနွေးဖြစ်ကြသည်မှာ အစီအစဉ်တကျမရှိ သော ရောက်တတ်ရာရာ ခေါင်းစဉ်များသာဖြစ်ပါသည်။ အလုပ်နားရက်ဖြစ်သော အချို့ ညနေခင်းများတွင် တက္ကသိုလ် လမ်းမကြီး အနီးရှိ နာမည်ကြီးလှသော မုန်ဟင်းခါးဆိုင်တစ်ခုတွင် သူငယ်ချင်းတစ် ယောက်ယောက်နှင့် မုန့်ဟင်းခါးသွားစားဖြစ်သည်။ ထိုဆိုင်သို့ အဖော်နှင့် သွားစားဖြစ်သည့် အကြိမ်အရေအတွက်သည် သတိတရ ဖြစ်စေလောက်အောင် ပင် နည်းပါး၏။ အဆောင်မှ သူငယ်ချင်း အများစုသည် မုန့်ဟင်းခါး မကြိုက်ကြပါ။ သို့ပေမဲ့ ရံဖန်ရံခါ အချိန်တွင်တော့ စားတတ်၏။ ထိုအချိန်သည် လည်း အတိအကျ ရည်ညွှန်း၍ မရတတ်။ သူတို့ စိတ်ကူးပေါက်မှသာ ဖြစ် ၏။ ထိုတစ်ရက်သည် သူငယ်ချင်းတစ်ယောက် မုန့်ဟင်းခါး စားချင်စိတ် ပေါက်၍အဆောင်နှင့် မုန့်ဟင်းခါးဆိုင်သို့ လမ်းလျှောက်လာပြီး ထိုင်နေခဲ့ သောနေ့တစ်နေ့ဖြစ်သည်။ အနည်းငယ်တော့ ထူးဆန်းသည်ဟု ကျွန်တော်ထင် ပါသည်။ ဘေးစားပွဲမှ ကောင်မလေး နှစ်ယောက်၏စကားသံသည် ကျွန်တော့် သိလိုစိတ်ကို နှိုးဆွပေးခဲ့သည်ဖြစ်၏။ သူမတို့ ဆွေးနွေးနေခဲ့သည့် အကြောင်း အရာသည် သူမတို့နှစ်ဦးထဲမှ ချစ်စဖွယ် ကောင်မလေးတစ်ယောက်၏ ချစ်သူ အတွက် မွေးနေ့လက်ဆောင် ဘာပေးရမည်နည်းဟူသော ခေါင်းစဉ်ပင်ဖြစ် သည်။ ချစ်စဖွယ်ဖြစ်သော ကောင်မလေး၏ပုံစံသည် အနည်းအကျဉ်းခေတ် ဆန်သည်ဟု ပြော၍ရ၏။ နောက်ဆုံး သူမတို့နှစ်ယောက် ရွေးချယ်လိုက်သော အရာသည် နိုင်ငံခြားဖြစ် အမျိုးသားစီး ဖိနပ်တစ်ရံပင်ဖြစ်လေသည်။ အလွန်ပူလောင်သည် မဟုတ်သော်လည်း အပြင်ထွက်လျှင် ပူသည်ဟု ပြော၍ရနိုင်သော နွေ ရာသီ၏ နေ့ခင်းအချိန်တွင် ကျွန်တော့်အတွက် အမှတ်တရ ဖြစ်စရာများနှင့် သွယ်ဝိုက်စွာပတ် သက်သော ဖိနပ်တစ်ရံကို ရောင်းချခွင့်ရခဲ့၏။ ထိုဖိနပ်ကို သူမလာရောက် ၀ယ်ယူလိမ့်မည်၊ ကျွန်တော် အလုပ်လုပ်ရာ ဖိနပ်ဆိုင်သို့ ရောက်လာ ခဲ့လိမ့်မည်ဟုလည်း ကျွန်တော်အတွေးထဲတွင် မရှိ ခဲ့။ မုန့်ဟင်းခါးဆိုင်တွင် တွေ့ဆုံပြီး မကြာလှ သောရက်ပိုင်းအတွင်း ပြန်လည် တွေ့ဆုံကြခြင်း ဖြစ်လေသည်။။“သူ ကြိုက်မှာပါနော်”ဆိုသော သူမ၏ချိုလွင်သည့် စကားသံသည် သူငယ်ချင်း နှင့်ကျွန်တော် မည်သူ့ကို ရည်ရွယ် ပြောဆိုခဲ့သည် လည်း မတွေးတတ်ခဲ့ပါ။ ထိုနေ့တွင် နောက်တစ် ခေါက် သူမကိုမြင်ခဲ့လျှင် မှတ်မိနိုင်လောက်အောင် အထိ ကျွန်တော်၏ မှတ်ဉာဏ်က စွဲထင်သွားခဲ့ သည်။ နောက်တစ်ကြိမ် ပြန်လည်တွေ့ဆုံသော အခါ သူမကို ကျွန်တော် ကောင်းစွာ မှတ်မိနေခဲ့ပြီ ဖြစ်သည်။ "အစ်ကိုတစ်ဝမ်းကွဲအတွက် လက်ဆောင်ပေးချင်လို့ပါ၊ ယောက်ျားလေးတွေ အခုနောက် ပိုင်း ဘယ်လိုပုံစံစီးနေကြတာလဲ သိပ်မသိတော့ အဆင်ပြေမဲ့အထဲကပဲ ပြပေးပါ”ဟုတောင်းဆိုသော စကားစု အတွက် ကျွန်တော် ရွေးချယ်ပေးခဲ့ သည်မှာ အင်ဒိုနီးရှားနိုင်ငံဖြစ် ခပ်ပါးပါးဖိနပ် တစ်ရံသာဖြစ်၏။ သူမအစ်ကို ဆိုသူကြိုက်မကြိုက် မသိပေမဲ့ သူမ ရွေးချယ်ခဲ့သော ဖိနပ်အရောင် သည် ကျွန်တော်စီးထားသော FLAGIO တံဆိပ် ဖိနပ်၏ အနက်ရောင်ခပ်ပြေပြေပင်။ မိုးသက်လေ အနည်းငယ်ရောနှောသည့် ညနေခင်းတစ်ခုတွင် ကျွန်တော်နှင့် သူမမိတ်ဆွေ အဆင့်သို့ ရောက်ရှိခဲ့သည်။ အဆောင်နှင့် ၁၀ ပြ မျှသာ ဝေးသောဖိနပ်ဆိုင်မှ အပြန်ခရီးအတွက် အချို့ရက်များတွင် ယခင်ကလည်း လမ်းလျှောက် ပြန်နေကျဖြစ်၏။ စက်ဘီးနှင့် လာသည့်အခါ ဒါမှ မဟုတ် သူငယ်ချင်းတစ်ယောက် လိုက်ပို့သည် အခါမှ လွဲလျှင် လိုင်းကားမစီးဘဲ လမ်းလျှောက် ပြန်ရသည်ကို ကျွန်တော် နှစ်သက်ပါသည်။ မကြာခဏလည်း ကျွန်တော် လုပ်နေကျ အကျင့် တစ်ခုပင်။ ခပ်ဖွဲဖွဲ မိုးစက်တချို့ ရွာသွန်းလျက်၊ ဖုန်နှင့်သဲများ လွင့်စဉ်သွားအောင် တိုက်ခတ်လျက် ရှိသည့် လေခပ်ပြင်းပြင်း အခြေအနေတွင် ကျွန်တော် လျှောက်လျက်ရှိသော လမ်းဘေးသို့ တောက်ပသော ခေတ်မီကားတစ်စင်း လာရပ်လေ သည်။ “ကိုမင်းညီချို၊ အဆောင်ကို ကျွန်မလိုက်ပို့ ပေးပါရစေ” သူမ၏ ထိုစကားသံသည် ကျွန်တော့် အကြားအာရုံတွင် လှိုင်းတစ်ခု အဖြစ်ဖြတ်သန်း သွားသည့်တိုင် အချိန်ခဏလေးတော့ သူမကို ကျွန်တော် ငေးကြည့်နေမိ ခဲ့သေး၏။ ထိုဖြစ်စဉ် များ၏ နောက်ပိုင်းတွင် ကျွန်တော့် အတွက်အံ့သြ စရာချည်း။ ကျွန်တော့် အလုပ်နားရက်များတွင် အဆောင်သို့ သူမလာရောက် တွေ့ဆုံရင်း တစ်နေ ရာရာသို့ သွားဖြစ်ကြ၏။ ထို့ထက်ပို၍ထူးခြား သည်မှာ လတစ်လ၏ ၁၅ ရက်နေ့ ၀န်းကျင်တွင် ကျွန်တော့်ဖိနပ်ဆိုင်သို့ ပုံမှန်လာရောက် ၀ယ်ယူ တတ်လေသည်။ ၀ယ်ယူသောပုံစံသည် ၂ လ ကြာလျှင် တစ်ကြိမ်ဖြစ်၏။ ကျွန်တော် အလုပ်ရှိ ရာဖိနပ်ဆိုင်သို့ သူမ အကြောင်းအရာတစ်ခုဖြင့် လာရင်း အဆောင်သို့ အခြေအနေတစ်မျိုးဖြင့် တွေ့ဆုံရင်း ရင်းနှီးမှုသည် အတော်ပင်ခိုင်မာခဲ့ပြီ။ ကျွန်တော် နှစ်သက်မိ သည်မှာ ခပ်ရှည်ရှည်နှင့် အလွန်ကြည်စင်နေသော သူမ၏မျက်လုံးများပင်။ ထိုမျက် ၀န်းများတွင် မိန်းကလေး တစ်ယောက်၏ မာနဖြင့် တလူလူလွင့်လိုသော အရိပ်အယောင် များ မတွေ့ရသလိုရိုးသားအေးချမ်းမှုဖြင့် အတိပြီးသော အရိပ်အယောင်များလည်း မတွေ့ရပါ။ သေ ချာပါသည်။ တိကျစွာ အမည်တပ်၍ မရသော် လည်း ထိုမျက်ဝန်းများကိုတော့ ကျွန်တော် သဘောကျပါသည်။ ကျွန်တော်နှင့်သူမ၏ အခြေအနေသည် အတိအကျ အမည်တပ်မရသော ခပ်ဝါးဝါးအခြေ အနေတစ်ခု သာဖြစ်နိုင်သည်။ တွေ့ဖြစ်ကြသော နေ့ရက်များ၊ ၂ လ ကြာ တစ်ကြိမ် လာတတ်သော လတစ်လ၏ ၁၅ ရက်နေ့ ရောက်လျှင်တော့ သူမကို ကျွန်တော် မမေ့မလျော့ သတိရနေတတ်ခဲ့၏။ ထို့ထက်ပိုချင်ပိုနိုင်သော်လည်း သူမနှင့် ပတ်သက်၍ သေချာသောအဖြေတစ်ခု ထွက်ရှိ သည်အထိ ကျွန်တော် မတွေးဖူး သည့်အတွက် ထိုမျှသာဖြစ်နိုင် သည်ဟု ကောက်ချက်ချနိုင်ပါ သည်။ သူမ၏ ကိုယ်ရေးအကျဉ်းနှင့်အချက် အလက်တချို့အား သယ်ဆောင်လာ ပေးခဲ့သူသည် ကျွန်တော့် အလုပ်မှဖိနပ်ဆိုင်ရှင်လည်း ဖြစ်သော သူငယ်ချင်းလိုလည်း ခင်မင်စွာပေါင်းသင်းသော ကိုကြီးသန့်ပင် ဖြစ်သည်။ “မင်းတော့ သတိလေးနဲ့သာနေတော့၊ မဟုတ်ရင် သူ့ရဲ့ တခြားကောင် လေးတွေမျိုးလိုပဲ အဆုံးသတ် ထားခဲ့မယ်ထင်တယ်”ဟူ၍ အစချီလျက်ပြော ပြခဲ့သော သူမ၏ အကြောင်းအရာသည် အနည်းငယ်တော့ ဆိုးကွက်များနှင့် ဖြစ်၏။ ရတနာပုံတက္ကသိုလ် သင်္ချာမေဂျာ နောက်ဆုံးနှစ် တက်ရောက်နေသော ကြွယ်ဝသည့် မိန်းကလေးတစ်ဦး။ ရည်းစားများလှသည် မဟုတ်လှဘဲ ခေတ် ဆန်သော မိန်းကလေးများလို ယောက်ျားလေး သူငယ်ချင်းများစွာ ထားရှိသူ။ သူမစိတ်ဝင်စားသော ကောင်လေးတချို့နှင့် ဇာတ်လမ်းများစွာထား ရှိခဲ့၍ သူမဘက်မှသာ အကုန်အကျများခြင်း၊ ပစ္စည်းတချို့ကို လက်ဆောင် အဖြစ် ပေးတတ်သောအကျင့် ရှိတတ်သည်တဲ့။ “မင်းက အေးအေးဆေးဆေးနဲ့ ရုပ်ကလေးကလည်း ရှိတော့ လာတွဲ ကြည့်ချင်တယ်နဲ့ တူပါတယ်ကွာ၊ မင်း စဉ်းစားပေါ့။ ကိုကြီးကတော့ သိပ် သဘောမကျဘူး” ဟုတ်ပါသည်။ ကိုကြီးသန့်ပြောသလိုပင် ကျွန်တော် သည် လည်း သူမ၏ ထိုအကျင့်စရိုက်များနှင့် အမူအကျင့်တချို့ကို ဘ၀င်မတွေ့ပါ။ ထို့နောက်ပိုင်း ကာလများ တွင် ကျွန်တော်သူမကိုမတွေ့မိအောင် ရှောင်နေခဲ့ သည်။ အလုပ်မှ ၂ လ ခွင့်ယူရင်းအဝေးသင် နောက်ဆုံးနှစ် စာမေးပွဲဖြေခဲ့သည် က ကျွန်တော့်အတွက် သူမနှင့်မတွေ့စေရလောက်သော အဖြစ်အပျက်တစ်ခု ဖြစ်သွား စေခဲ့၏။ သူမကို အထူးအထွေ ရှောင်စရာမလို တော့သည်နှင့်အတူ ဖိနပ် ဆိုင်သို့ သူမ လာရှာတိုင်းလည်း သူမ ရရှိသွားခဲ့သော အဖြေသည်ကျွန်တော် မရှိပါဟူ၍ ဖြစ်သည်။ ဖိနပ်ဆိုင်တွင် လတိုင်းလိုလိုပင် သူမ လာရောက် ၀ယ် ယူတတ်သည့် အကြောင်းရင်းသည် သူမ၏ဇာတ်လမ်းများမှ ဇာတ်ကောင်များ စွာအတွက် အဆောင် အယောင်အဖြစ် လက်ဆောင် သဘောမျိုးပေးအပ်ခြင်း သာဖြစ်လေမည်။ ထိုအကြောင်းအရာများ၏ နောက်ဆက်တွဲအဖြစ် တိုက်ဆိုင်သည့်အချိန် များ၊ နေ့ရက်များတွင် ကျွန်တော် သူမကို အမှတ်ရနေခဲ့ပါသည်။ ပြင်းပြင်းပြပြ မဟုတ်သည့်တိုင် နေ့လယ်ခင်းအချိန်၊ ဖိနပ်ဆိုင်ထဲသို့ ၀ယ်သူ ၀င်ရောက်လာလျှင် လှိုက်ခနဲ ခုန်လှုပ်တတ်သော ရင်ခုန်မှုဖြင့် ကျွန်တော်မျှော်နေမိတတ်သည်။ သို့သော်အချိန် ၆ လ ဟူသော ကာလတွင် သူမ၏ဇာတ်လမ်းတွဲများမှဇာတ် ရံမျှသာဖြစ်သော ကျွန်တော့်ဆီသို့ သူမ ရောက်မလာခဲ့တော့ပေ။ သူမ ပေးချင် သော၊ ပေးလေ့ရှိသော လက်ဆောင်များသည် ယခင်အချိန်ကလို ဖိနပ်များပင်  ဖြစ်နေဦးမည်လား။ လူတစ်ယောက်၏ အကြိုက်သည်အချိန်ကာလကို လိုက် ၍ပြောင်းလဲသည် ရှိခဲ့သော် သူမသည် အရင်အချိန်များကလို ဖိနပ်လက်ဆောင် ပေးချင်မှ ပေးတော့မည်ဖြစ်ပါသည်။ တကယ်တမ်းတော့ သူမနှင့်ကျွန်တော်၏ အဆင့်အတန်း၊ အခြေအနေ သည် ပေါင်းစပ်၍ မရလောက်အောင် ဝေးကွာလွန်း လှပါသည်။ ပြန်လည် တွေးတောကြည့်  မိသောအခါ စိတ်ကူးယဉ်ဖွယ် ကောင်းသော ခပ်ကြောင် ကြောင် ဇာတ်လမ်းတစ်ပုဒ်များ ဖြစ်နေမည်လားဟု ကျွန်တော် သံသယ၀င်မိ သေး၏။ ထိုဖြစ်စဉ်တစ်ခု၏ အဆုံးတွင်- မဝေးတော့သော ကာလတစ်ခု၏ နေ့ရက်တစ်ရက်တွင် ကျွန်တော်တစ် ယောက်တည်းအတွက်သာ ရည်စူး၍ ပေးမည်ဖြစ်သော သူမထံမှ ဖိနပ်တစ် ရံအား ကျွန်တော် လက်ခံရလိမ့်မည်ဟု မျှော်လင့်ပါသည်။  ရွှေကိုယ်နတ်၊UCSM၊ (Teen Magazine October 2012)

ဆုံမှတ်တစ်ခုဆီမှ Written by သတိုး    Friday, 26 October 2012 18:16 More Sharing ServicesShare | Share on facebook Share on myspace Share on google Share on twitter တကယ်တော့ ဒီနေရာလေးမှာ မ တစ်ယောက်ရှိ နေနှင့်ခဲ့လို့သာ ကျွန်မတုိ့တစ်တွေ နေပျော်ခဲ့ ကြခြင်းဖြစ်ပါသည်။ မဟုတ်လျှင်တော့ သည်နေရာလေးမှာ အကျယ်ချုပ် အကျဉ်းကျ နေသည်နှင့် မခြား စိတ်လေ ချောက်ချားစရာ ကောင်းနေမည်လားမသိ။ စရောက်သည့်နေ့ကစလို့ ကျင့်ကြံ လိုက်နာစရာ စည်းမျဉ်းများ၊ ရှောင်ရှားရမည့် အမူအကျင့်များ၊ အပြုအမူများ၊ အချိန်ဇယားများ စသည်ဖြင့် ခေါင်းနောက် စိတ်လေချင် စရာချည်းပင်။ ဆယ်တန်း စာမေးပွဲကြီးကို ထူးထူးချွန်ချွန် အောင်ချင်စိတ် တစ်ခုကြောင့်သာ သည်နေရာသို့ ရောက်လာခဲ့ခြင်းဖြစ်သည်။ တကယ်ဆို ကျွန်မ မေမေနှင့် ခွဲချင်ခဲ့သည် မဟုတ်။ အတူနေစဉ်က သိပ်မတည့်လှသော ညီမလေးကိုလည်း ခုတော့ လွမ်းရ ကောင်းမှန်းသိနေပြီ။ “တို့တွေက အရင်ဘ၀တုန်းက ရေစက်ရှိခဲ့ကြလို့သာ တစ်နေရာစီကနေ ရောက်လာပြီး သည်မှာတစုတဝေးကြီး နေရဖို့ အကြောင်းဖန်လာတာပေါ့။ ဒါပေမဲ့ ခုလိုနေခွင့်ရမှာက အကြာကြီးလည်း မဟုတ်ဘူး။ သည်စာသင်နှစ် တစ်နှစ်တည်းပဲ။ ပျော်စရာတွေလည်း ရှိမယ်။ စိတ်ညစ် စိတ်ရှုပ်စရာတွေလည်း ရှိမှာပေါ့။ ဒါပေမဲ့ တို့ညီအစ်မ တစ်တွေ စုစုစည်းစည်း တိုင်တိုင်ပင်ပင်၊ ညီညီညွတ်ညွတ်နဲ့ ရင်ဆိုင်ကြမယ်”သူမ၏ အရပ်အမောင်းက ကျွန်မတို့တွေထက် အနည်းငယ်မျှသာ မြင့် ပေလိမ့်မည်။ အသားဖြူဖြူ ပိန်သွယ်သွယ်ကလေးမို့ ကျောင်းသူမတွေနှင့် သိ သာစွာ မခြားနားလှ။ ကျောလယ်ထိရှည်သော ဆံပင်ကို နောက်သို့စုသိမ်း ကာ ကလစ်တစ်ခု၊ သို့မဟုတ် ခေါင်းစည်းကြိုးတစ်ချောင်းနှင့် ထာဝစဉ် စည်းနှောင်ထားတတ်သည်။ သူမ၏ မျက်ဝန်းကြည်ကြည်လေးတွေက နူးညံ့ ခြင်း အရိပ်တစ်မျိုး ယှက်သန်းနေလျက်။ ပန်းသွေးရောင် နှုတ်ခမ်းပါးများက တော့ နွေးထွေးစွာ ပြုံးနေခဲ့လေသည်။ ကျွန်မတို့အားလုံးက သူမကို မ ဟု တစ်လုံးတည်း အဖျားဆွတ်ကာ ချစ် မြတ်နိုးစွာ ခေါ်ခဲ့ကြပါသည်။ မကလည်း ကျွန်မတို့ အားလုံးကို လိုအပ်သော တစ်ခါတစ်ရံမှ လွဲလျှင် နာမည် အရင်းအတိုင်း ခေါ်ခဲလှသည်ပင်။ ဘယ်သူ့ကို မဆို ညီမလေးဟုသာ ကြင်နာနွေးထွေးစွာ နူးနူးညံ့ညံ့ ခေါ်ပြောဆက်ဆံ တတ် ခဲ့သည်ဖြစ်သည်။ “ဘာအကြောင်းပဲရှိရှိ မကို အသိပေးပါ။ တိုင်ပင်ပါနော်။ မ ညီမလေး တို့ကို ကိုယ့်ညီမလေး အရင်းတွေလို တစ်နှစ်လုံးစောင့်ရှောက်မှာ” မိန်းကလေးတချို့ နှာခေါင်းရှုံ့လိုက်ကြသည်ကို သူမလည်းမြင်လိုက်ရပါ လျက် မသိသလို မျက်နှာလွှဲလိုက်လေသည်။ ကျွန်မလည်း ရောက်စကတော့ သူမကို သိပ်ပြီး ယုံကြည်လို့မရခဲ့ပေ။ သူမသည် Study Guide တစ်ယောက် အဖြစ် ကျွန်မတို့နှင့် နေ့နေ့ညည တစ်နှစ်တာလုံး အနီးကပ် ရှိနေမည့်သူဖြစ် သည်။ ဘာသာရပ်တွေကို သင်ယူရာမှာ အခက်အခဲတွေ့လျှင် သူမက လမ်းညွှန် ပြသနိုင်ပေလိမ့်မည်။ အချိန်ဇယားအတိုင်း နေ့စဉ်ပုံမှန် စာစစ်ပေးဦးမည်။ သို့သော် ကျွန်မတို့တစ်တွေ ဆရာများ၏ အလစ်မှာ တစ်စုံတစ်ရာ စည်းကမ်း ဖောက်ဖျက်မိလျှင်၊ အပြစ်လုပ်မိလျှင်တော့ အုပ်ချုပ်သူ ဆရာမကြီးထံ အသိ ပေးတိုင်ကြားဦးမည် မဟုတ်လား။ သို့ပေမဲ့ ဒီနေရာသို့ ရောက်ပြီး ရက်အနည်းငယ်အတွင်းမှာပင် ကျွန်မတို့ အားလုံး အသားတကျ နေပျော်သွားကြတော့ပြီ။ ရောက်စကည အိပ်ရာဝင်လျှင် စောင်ခေါင်းမြီးခြုံကာ တိတ်တိတ်ကျိတ်ငို တတ်ကြသူတွေတောင် ခုတော့ အိပ်ရာထဲမှာ ရေပက်မ၀င် တွတ်ထိုးရင်း တခစ်ခစ် လုပ်နေတတ်ပြန်သည်မို့ မက ခဏခဏ သတိပေးရင်း ဟန့်တား ခြောက်လှန့်နေရပြီ။ မကို ရောက်စ ကလောက် မရှိန်တော့သော်လည်း သူ့စကားတော့ နားထောင်မှ ဖြစ်မည်ဟု အားလုံးက စိတ်ဝမ်းလက်ညီ နားလည်လက်ခံမိနေပြီ။ ကိုယ့်ဘာသာရပ် ဆိုင်ရာ သင်ခန်းစာ အခက်အခဲများ၊ တစ်ကိုယ်စာ လိုအပ်ချက် အသေးအမွှား ကလေးများမှသည် နာဖျားမကျန်း ကိစ္စအထိ ချက်ချင်းရင်ဖွင့် ပြောပြနိုင်သော သူက မတစ်ယောက်တည်းသာ မဟုတ်လား။ ပြီး လိုအပ်သလို အလေးဂရုပြု ဖြည့်ဆည်း ပြုစုတတ်သူကလည်း မ ပဲ ဖြစ်နေပြန်ပါသည်။ အုပ်ချုပ်သူဆရာမ ကြီးနှင့် ဘာသာရပ် သင်ဆရာများကို စကားတစ်ခွန်း တိုက်ရိုက်ပြောဖို့ ရန်ကျ တော့ ကျွန်မတို့ ကျောင်းသူမတွေက နှုတ်နှေး တွန့်ဆုတ်နေကြသေးသည်။  လိုအပ်လျှင် မက သူကိုယ်တိုင် သက်ဆိုင်ရာ ဆရာတို့ထံအသိပေးလေ့ ရှိ ပါသည်။ အခါများစွာကတော့ သူသာတာဝန်ခံကာ လူစေ့တက်စေ့ကို ထောင့် စေ့အောင် တာဝန်ယူပေး တတ်လေမြဲ။ မကိုတော့ ကျွန်မတို့တစ်တွေက အချိန်တို အတွင်းမှာပင် ရင်းနှီးကျွမ်း ၀င်နေမိကြတော့သည်။ လိုအပ်တာ၊ လိုချင်တာမှန်သမျှ သူမထံတွင်သာရင်ဖွင့် အရေးဆိုနေမိကြတော့သည်။ သူမကလည်း ကျွန်မတို့မိန်းကလေးတွေ အားလုံးကို ချော့တစ်ခါ၊ ခြောက်တစ်လှည်ဖြင့် သူလိုရာရောက်အောင် အလျှော့ အတင်းညီညီ ကိုင်တွယ်နိုင်သူ ဖြစ်လေသည်။ မက အင်္ဂလိပ်စာ အဓိကဖြင့် ကျောင်းပြီးခဲ့သူ ဟု သိရပါသည်။ နောက်ဆုံးနှစ်မှာ ကွာလီဖိုင်း တောင် ၀င်ခဲ့သေးသည်တဲ့။ “မကလည်း မဟာ ဆက်တက်ပြီး တက္ကသိုလ်မှာ ဆရာမ ပြန်လုပ်ပါတော့လား” ကိုယ်ဖြစ်စေချင်သည်ကို ဇွတ်တရွတ်ပြော နေမိသော ကျွန်မကို အရိပ်အကဲ နားမလည်တတ် သူဟု ကျွန်မ၏သူငယ်ချင်း မဆွေက စွပ်စွဲခဲ့လေ သည်။ “ဟိုမှာ မျက်နှာပျက်သွားတာ နင် မတွေ့ လိုက်ဘူးလား။ သူလည်း မတက်ချင်ဘဲနေမ လား။ အကြောင်းအမျိုးမျိုးကြောင့် ဒီကိုရောက် လာတာ ရှိမှာပေါ့” ကျွန်မသာဆို လျှင်တော့ ကိုယ်လုပ်ချင်သည့် အရာကိုသာ နောက်မဆုတ်တမ်း မငဲ့မကွက်လုပ် မှာပင်။ မလွှဲကင်းသာစွာ လုပ်ရသော အလုပ်မျိုး တော့ စိတ်ကိုမ၀င်စား။ “ဟဲ့ မိုး နင် တယ်ခက်ပါလား။ ဒါ မရှိရင် နင်လုပ်ချင်တာ ဘာမှ လုပ်လို့ မရဘူးဟဲ့” ဆွေက အရန်ကောဟူသည့် အမူအရာအပြည့် ဖြင့် ကျွန်မကို သူငယ်နှပ်စား လိုကြည့်ကာ လက်မ နှင့် လက်ညှိုးကလေးကို ကွေးဝိုင်းပြလေသည်။ “မက ဆယ်တန်းတုန်းကလည်း ဂုဏ်ထူး သုံးခုပါခဲ့သေးတာတဲ့။ ဆရာဝန်ဖြစ်ဖို့လည်း စိတ်ကူးယဉ် ခဲ့သေးတယ် ထင်တယ်။ ဒါပေမဲ့ သူကတော့ ဆရာဝန် မဖြစ်ချင်ပါဘူးတဲ့။ စာသင် ရတာပဲ ပျော်တယ်။ ဆရာမပဲ ဖြစ်ချင်တယ်တဲ့” “စပျစ်သီးချဉ်တယ် ပြောနေတာ နေမှာပေါ့ ဟယ်” တကယ်တမ်းမှာ မတစ်ယောက် ဆရာဝန် ဖြစ်ချင်ခဲ့လျှင်တောင် သူမမှာ မိဘကျောထောက် နောက်ခံ တောင့်တင်းပုံမရပါ။ မတို့အဖေက အစိုးရ ဌာနတစ်ခုမှ အရာရှိဟောင်းကြီး တစ်ဦးဖြစ်ပြီး လွန်ခဲ့သော နှစ်နှစ်ခန့်ကပင် ကျန်းမာရေးကြောင့် ပင်စင်ယူလိုက် ရသည်ဟု ပြောကြသည်။ အမေ ကတော့ ကုန်စုံဆိုင်ကလေး ဖွင့်ထားသည်တဲ့။ မောင်လေးက ပထမနှစ် အဝေးသင်တက္ကသိုလ် တက်နေကာ ညီမလေးကတော့ ဒီနှစ်ဆယ်တန်း ဖြေရမည်ဟု ဆိုပါသည်။ “မရဲ့ ညီမလေးကို ဘာလို့ဒီမှာ မထားတာ လဲ”     မက ခပ်လျော့လျော့ ကလေးပြုံးကာ- “မတို့အိမ်ကနေ ဒီကို ကျောင်းလာတက်ဖို့က ဝေးလွန်းတယ်။ မောင်လေးကလည်း အလုပ်တစ် ဖက်နဲ့ဆိုတော့ အကြို၊ အပို့လုပ်မပေးနိုင်ဘူးလေ။ အိမ်နဲ့နီးတဲ့ ကျူရှင်တစ်ခုမှာ အချိန်ပိုင်းတက်နေ တယ်” “ဟင် ညလေးတို့လို ကျောင်းအိပ်ကျောင်း စား နေလိုက်ပေါ့” “ဟဲ့” ဆွေက ကျွန်မကို တံတောင်နှင့် တွက်ပြန် လေသည်။ “ညီမလေးတို့က အရမ်းကံကောင်းကြတာ။ မိဘတွေက တတ်လည်း တတ်နိုင်ကြတယ်။ သား သမီးတွေကိုလည်း ထူးချွန်စေချင်လို့သာ ဒီကို လာပို့ပေးထားကြတာ။ သူတို့ တာဝန်ကျေတယ်။ ညီမလေးတို့လည်း ကိုယ့်ဘက်က တာဝန်ကျေဖို့ ကြိုးစားကြ ဟုတ်လား” ဘယ်စကားပဲ ပြောပြော နောက်ဆုံးတော့ စကားပင်။ စာကြိုးစားဖို့သာ ဆိုနေပြန်တာကြောင့် ကျွန်မတို့တစ်တွေ စကားမဆက်ရဲကြတော့။ ကျွန်မတို့တစ်တွေ ဈေးထွက်ချင်ပြီဆိုလျှင် မကိုပဲ အပူကပ်ရကောင်းမှန်း သိနေကြပြီ။ ကျွန်မ တို့ကို ဈေးထွက်ခွင့်၊ အပြင်ထွက် လည်ပတ်ခွင့် လုံးဝခွင့်မပြုပါ။ နံနက်စာ မုန့်စားထွက်ရန် ခဏမျှ ကိုပင် နီးနီးနားနားမှာပဲ စားစေသည်။ ပြီး မပါမှ သာ အပြင်ထွက်လို့ရခြင်း ဖြစ်ပါသည်။ မက အပြင်ထွက်ရန် ၀ါသနာပါပုံမရ။ တစ် ခါလောက် နားပူနားဆာ ပြုမိလျှင် အင်းအဲနှင့် နေ့ရွှေ့ညရွှေ့လုပ်နေလေ့ရှိပါသည်။ မ အိုက်တင်ခံ နေသည်ဟု တချို့က ထင်ကြသည်။ “လိုက်ပို့ပါ မရယ်။ မုန့်ကျွေးမယ်လေ” သို့သော် မ က ကျွန်မတို့ ကျွေးသော မုန့်ကို တောင် လွယ်လွယ်နှင့် မစားပါ။ သူမမှ ကျွန်မတို့ ကျွေးသောမုန့်ကို မစားလျှင် ခုပဲ ငိုချလိုက်တော့ မှာလို၊ ညပိုင်းစစ်မည့် ကျက်စာတွေကို မကျက်ဘဲ ဆန္ဒပြကြတော့မှာလို နည်းမျိုးစုံအောင် ၀ိုင်းပြော ပြီး ကျွေးကြရလေသည်။ ကျွန်မတို့ထံမှ ကတိအမျိုးမျိုး တောင်းကာ ဈေးသို့ရောက်လျှင်တော့ သူမ ကျွန်မတို့အားလုံး ကို စိတ်ရှည်လက်ရှည် အလိုလိုက်လေ့ ရှိပါသည်။ တရားလွန်လာလေမှ နာရီလေးမြှောက်  တကြည့် ကြည့်ပြုကာ- “ဟေး ကျုပ်တို့ ထွက်လာကြတာ ကြာပြီ။ လက်စသတ်ပြီး ပြန်ကြရအောင်” ကျွန်မတို့ကလည်း စကားတစ်ခွန်းတည်း ဖြင့် ပြီးပြတ်သောသူများ မဟုတ်ပေ။ ဟိုဆိုင်ဝင် ဦးမယ်။ ဒီဟာဝယ်ဦးမယ်ဆိုကာ အချိန်ဆွဲတတ် ကြသူများ ဖြစ်သည်။ “မ ဒီအင်္ကျီလေးနဲ့ မနဲ့ လိုက်တယ်။ ယူပါလား” ပြုံးပြုံးလေး ခေါင်းခါလေ့မြဲ။ “ယူလိုက်ပါ။ မီးတို့က မကို လက်ဆောင် ပေးချင်လို့” ဆိုလျှင်တော့ မျက်နှာထားတင်းတင်းဖြင့် “အပိုတွေ မလုပ်ကြနဲ့။ လာ ပြန်ကြမယ်” မ မျက်နှာထားညိုလျှင်တော့ ကျွန်မတို့ အားလုံး လန့်ကြပါသည်။ “ရှင်တို့က မိဘပိုက်ဆံနဲ့ ကျုပ်ကို မျက်နှာ လုပ်ချင်ကြတယ်ပေါ့လေ” အပြန်လမ်း တစ်လျှောက်လုံးမှာ ၀ယ်ချင် တာ၊ လိုချင်တာမှန်သမျှ လိုတရနေသော ကျွန်မ တို့တစ်တွေ ကံကောင်းကြကြောင်း၊ မိဘတွေကို ကျေးဇူးတင်သင့်ကြောင်း၊ ကျေးဇူးတုံ့ပြန်နိုင်ရန် စာကိုသာ ကြိုးစားသင်ယူ သင့်ကြောင်းဖြင့် အပ် ကြောင်းထပ် စကားတွေကို နားအူမတတ် သော တဆင်ကြရတော့ပြီ။ ထိုကိစ္စကို ကြားလျှင်ကြားချင်း ကျွန်မတို့ တစ်တွေ မယုံကြည်နိုင်ခဲ့ပေ။ မကတော့ မျက်နှာ ကလေး ညို့ရီရီနှင့် သူမ၏တာဝန်ဝတ္တရားတွေ ကို တစ်ချက်ကလေးမှ မလစ်ဟင်း၊ မပျက်ကွက် စေခဲ့ရပါ။ ကျွန်မတို့၏ စာသင်ချိန်တိုင်း စာသင် ခန်းထဲ အထိလိုက်ပါပို့ပေးနေမြဲ။ အချိန်ဇယား အတိုင်း စာစစ်ပေးနေလေ့မြဲ။ မရှင်းလင်း၊ မကျေ ညက်သော သင်ခန်းစာ များကိုလည်း စိတ်ရှည် လက်ရှည် ရှင်းလင်းသင်ပြပေးလေ့မြဲ။ “ကျုပ်စိတ်တိုတယ်။ ရှက်စရာ သိပ်ကောင်း တာပဲ။ ရှင်တို့ကိုသာ မငဲ့ရရင် ခုချက်ချင်း အလုပ်  ထွက်ပစ်တယ်” မ ဒီကနေ ထွက်သွားတော့မှာကို ကျွန်မတို့ အားလုံးက လုံးဝ လက်မခံနိုင်ကြပါ။ ကျွန်မတို့ အတွက် အရာအားလုံးသည် မနှင့်သာ အသားကျ အဆင်ပြေလှသည်။ မကလွဲလို့အခြားတစ် ယောက်ကို ကျွန်မတို့ အလိုမရှိကြပေ။ “မ ဧကရီကိုရော စိတ်ဆိုးနေလားဟင်” မျက်နှာကလေး ငယ်နေရှာသော ဧကရီကို ငေးကာ ခပ်ဖွဖွ ပြုံးနေပြန်ရင်း- “ကျုပ်စိတ်တိုနေတာ ရှင်တို့ကို မဟုတ်ဘူး။ အလကားနေရင်း အမနာပ သတင်းပျံ့ရတဲ့အဖြစ် ကို။ ပြီး ဆရာမကြီးကလည်း မေးမေးမြန်းမြန်း မရှိဘူး။ ကျုပ်ကိုခေါ်တော့ အပြင်က သတင်းကို သူက အပြီး ယုံထားပြီးသား ဖြစ်နေပြီ။ ဆီးကြိုပြီး အပြစ်တင်တော့တာ” “အဲဒါ ဧကရီကြောင့်” ငိုမဲ့မဲ့ဖြစ်လာသော ဧကရီအား ချော့ရ ပြန် သေးသည်။ ဧကရီက ကျွန်မတို့အားလုံးထဲမှာ အချမ်း သာဆုံး၊ မြို့မျက်နှာဖုံး၏မြေး၊ အောင်မြင်တွင် ကျယ်သော လုပ်ငန်းရှင်ကြီး၏ တစ်ဦးတည်း သော ရှူမငြီးလေးဖြစ်လေသည်။ ချစ်စဖွယ် အပြုံးချိုချိုကလေးနှင့် စာလည်းတော်ပါသည်။  ဉာဏ်ကောင်းသော ကျောင်းသား၊ ကျောင်းသူ တွေ ထုံးစံအတိုင်း အပျင်းထူချင်သည်။ အပေါင်း အသင်းလည်း မင်သူဖြစ်ပြန်လေသည်။ ဧကရီ့ကို ဆိုလျှင် ဆရာ၊ ဆရာမတွေရော၊ ကျောင်းသား၊ ကျောင်းသူတွေကပါ နှစ်လိုခင်မင်ကြသည် ချည်းပင်။ ဧကရီသည် မကို ကပ်မခွာတမ်း ချစ်ခင် တွယ်တာသူဖြစ်သေးသည်။ မကတော့ မိန်း ကလေး အများကြားမှာ သူ့ကိုပိုတယ်။ ငါ့ကိုကျ ပစ်ထားတယ်စသော ကဂျီကဂျောင်စကားတွေ နှင့် စိတ်ဝမ်းမကွဲရလေအောင် ထိန်းထိန်းသိမ်း သိမ်း၊ မျှမျှတတဖေးမ ဆက်ဆံလေ့မြဲ။ ဒါပေမဲ့ ဧကရီက- “ဖေဖေ ရန်ကုန်ကအပြန် ဂျေဒိုးနပ်က ၀ယ် လာတာလေ။ မေမေက မဖို့ဆိုပြီး တစ်ဘူးသတ် သတ်ထည့်ပေးလိုက်တယ်။ မ မစားရင် ဧကရီက ဒီအတိုင်း အိမ်ပြန်ပေးလိုက်မှာ” အိမ်က လူကြီးတွေ၏ နာမည်သုံးကာ အကျပ်ကိုင် လာလျှင်တော့ မမှာ ငြင်းပယ်ဖို့ရန် ခက်ခဲရတော့သည်။ “ဧကရီကလေ ဒီအဆင်လေးကို မနဲ့ဆင်တူ ၀တ်ချင်နေတာ ကြာလှပြီ။ မေမေ့ကိုပြောတော့” “ဧကရီ မကိုချစ်ရင် အဲလိုတန်ဖိုးကြီးတွေ ၀ယ်မလာပါနဲ့။ မ မယူချင်ပါဘူး” “အင်းပါ။ နောက်မ၀ယ် ပေးတော့ဘူး။ ခုတစ်ခါတော့ မေမေက ၀ယ်ပေးလိုက်ပြီးနေပြီ လေ။ ယူထားလိုက်တော့နော်...နော်။ မမှာရှိတဲ့ နက်ပြာပြောင် လုံချည်လေးနဲ့ဆို အရမ်းလိုက်မှာ” ဧကရီမှာ ရည်ရွယ်ရင်း မည်မည်ရရရှိပုံ မပေါ်ပါ။ ဒါပေမဲ့ သူမက မကို တအားတွယ်တာ လွန်းသည်။ သူငယ်ချင်းတွေ အားလုံးကြားမှာ သူ့ကို အနည်းငယ်လောက် ကလေးမျှ ပိုသာ၍ အရေးပေးစေချင်သည်။ မျက်နှာသာရချင်သည်။ သူမက သူမ၏ မိသားစုမှာလည်း အထွတ်တင် အရေးပေးမြှောက်စား ခံနေလာခဲ့သူ မဟုတ်လား။ “ဧကရီနော်။ နောက်တစ်ခါဆိုရင် မ စိတ်ဆိုးတော့မှာ” နှုတ်ကသာ ပြောနေသော်လည်း မ စိတ်ဆိုး မှာ မဟုတ်သည်ကို ဧကရီ သိပါသည်။ မသည် သူမ၏ကျောင်းသူမများအား လိုအပ်လျှင် မျက်နှာ အနည်းငယ်တည် တင်းမာကျော ထားရုံသာရှိကာ စိတ်ဆိုးခြင်းမရှိပါ။ ကျွန်မတို့တစ်တွေက မုန့်ဖိုးကလေးများ ဆုတ်ဆုတ်ခဲခဲ ရလာလျှင် တစ်ခုခု ၀ယ်ချင်၊ ခြမ်း ချင်ခဲ့ကြသည်။ ဒါပေမဲ့ အပြင်ထွက်ကာ လည် ပတ်ဝယ်ခြမ်းခွင့်က အလွန်အင်မတန် ရှားပါးလွန်း လှရာ။ “မပဲ သိမ်းထားပေးပါနော်။ ညလေးတို့တွေ ဈေးထွက်ဖြစ်မှ ပြန်ယူမယ်” မက စာရင်းစာအုပ်ကလေး တစ်ခုကို အများ မြင်သာအောင်ပင် ပြုလုပ်ကာ ငွေသိမ်းပေးထား တတ်ပါသည်။ စိတ်လိုလက်ရ ရှိချိန်တွေမှာ ငွေ စာရင်းကို အသံလွင်လွင်ကလေးနှင့် ဖတ်ပြသေး တတ်သည်။ ခုတော့ “Study Guide က ကျောင်းသားဆီမှာ ပိုက် ဆံချေးပြီး ပြန်မပေးဘူးတဲ့” ဒီသတင်းက ကျွန်မတို့ဝန်းကျင်မှာ တိတ် တိတ်ကျိတ်ကျိတ် ပျံ့လွှမ်းလာခဲ့ပြီ။ ယောက်ျား လေး စာသင်ဆောင်ဘက်တောင် ရောက်နေပြီမို့ အုပ်ချုပ်သူ ဆရာမကြီးက မကို ခေါ်ယူကာ ပြင်း ထန်စွာ သတိပေးလေပြီ။ “မ နော်၊ ဧကရီ အဲလို မပြောဘူး” ထိုစကား အဓိပ္ပာယ်သို့ရောက်အောင် ဧကရီ ပြောခဲ့မှာ မဟုတ်သည်က သေချာသလောက်ပါ ပင်။ သို့သော် သူ့အိမ်က- “မုန့်ဖိုးသုံးတာ ကြမ်းလှချည်လား” ဧကရီက ဘာသဘောရယ်မဟုတ်ဘဲ သူ့ အပြစ်လွတ်အောင် အလွယ်ပြောခဲ့လိုက်တာပင်။ “မကို ခဏပေးသုံးထားတယ်” မကလည်း ပထမဆုံးအကြိမ်အဖြစ် အမှန် တကယ် ယူသုံးဖြစ်သွား ခဲ့ပါသည်။ ထိုနေ့က လကုန်ခါနီးပြီမို့ မထံမှာ ငွေကြေးလက်ကျန်ခါလီ ကျနေချိန်ဖြစ်ပါသည်။ “ကျူရှင်လခ နှစ်လစာတောင် ကြွေးကျန် သေးတယ်တဲ့လေ။ ဒီတစ်လ ထပ်ပေါင်းရင် သုံး လတောင်ရှိပြီဆိုတော့ ကျူရှင်ဆက်မတက်ချင် တော့ဘူး လုပ်နေတယ်” “မကလည်း လဖြင့် မကုန်သေးဘဲနဲ့” “လမကုန်ခင် ကြိုတင် ၀မ်နင်ပေးထားတာ ပေါ့ဟယ်။ ခုက အဖေ ရောဂါပြန်ထလာလို့ လာ ပြောတာ။ ညနေအိမ်ကို ခဏပြန်လိုက်ဦးမယ်။ ခက်တာက အဖေ့ကို ဆေးထိုးပေးဖို့ ငွေမရှိလို့ လာပြောတာ။ မလက်ထဲမှာလည်း ငွေမကျန်တော့ ဘူး” “မ ဧကရီ့ပိုက်ဆံထဲက ယူသုံးလိုက်လေ” အဲဒီစဉ်ကတည်းက ဧကရီအလွယ်တကူ ပြောသော်လည်း မက တွေတွေဝေေ၀နှင့် ဆုတ် ဆိုင်းဆုတ်ဆိုင်း လုပ်နေသေးတာမို့- “ဟုတ်တယ်မ။ ယူသာသုံးလိုက်ပါ။ ထပ် လိုရင် ညလေးတို့အားလုံး အပ်ထားတဲ့က ထပ်ယူ သုံးလို့ရတယ်” ကြံရာမရသော အခြေအနေမို့ မလွှဲ ကင်းသာစွာ ဧကရီ့ငွေကို မ ယူသုံးလိုက်ရမှန်း ကျွန်မတို့ အားလုံး သိနားလည်ပါသည်။ “ဧကရီလေး ပိုက်ဆံ မ ပြန်ထည့်လိုက်ပြီ နော်” လခထုတ်ပြီးသည်နှင့် မက ဆိုလာလေ လျှင်- “ဟင်။ ပြန်မပေးနဲ့ဦးလေ။ ဧကရီဖြင့် ဘာမှ သုံးစရာမရှိပဲနဲ့။ တကယ်တမ်းမှာ မတစ်ယောက်တစ်လလုံး အသုံးအစွဲ ကျပ်တည်းနေတော့မှာကို ကျွန်မတို့ရော မကိုယ်တိုင်ပါ ကြိုတင် သိနေနှင့်ကြသည်ပင်။ “နော်။ ယူသုံးထားပါ မရယ်။ နောက်လကုန်ကျမှ ညလေးတို့အပြင် ထွက်ခွင့်ရရင် ပြန်ယူ မယ်လေ” ဒီလ လပတ်စာမေးပွဲမှာ ဧကရီတစ်ယောက် အဆင့်အနည်းငယ်ကျသွားခဲ့တာက ပြဿနာ စတင်လေသည်။ စာမေးပွဲမှာ အဆင့်ကျခဲ့သော အပြစ်နှင့်ဆက်နွှယ်ကာ မုန့်ဖိုးအသုံးစွဲကြမ်းသည် ဆိုသော နောက်ဆက်တွဲ ပြစ်မှုတစ်ခု ထပ်တိုးလာ တော့သည်။ “အရင်လက ပေးထားတာရော” “မကို အပ်ထားတယ်” “ဧကရီ ညည်းကို မယုံဘူးနော်။ ငါ ပြန်မေး ဦးမယ်” “မေးကြည့်လိုက်။ ခုလောလောဆယ် မ အသုံးလိုလို့ ခဏယူသုံး ထားတယ်” ဘူးတစ်ရာမဟုတ်ကြသော ပါးစပ်တစ် ပေါက်တို့သည် တစ်ယောက်ထံ မှတစ်ယောက် နားသို့ ဆင့်ကဲ ကူးပြောင်းလေလျှင် မူလဖြစ်ရပ်နှင့် လွဲချော် တိမ်းစောင်းလုပြီ။ “ကျွန်မကလေးတွေကို မေးကြည့်လို့ရပါ တယ်။ အဲလိုမျိုး လုံးဝမဟုတ်ပါဘူး။ ဒါပေမဲ့ နောက်တစ်ခါ မဖြစ်ရအောင် ကျွန်မ အတတ်နိုင် ဆုံး ဆင်ခြင်ပါ့မယ်ရှင်” မျက်နှာရဲရဲ၊ အသားတွေ တဆတ်ဆတ်တုန် ကာ လေသံကတော့ ထန်တင်းနေဆဲ။ သူမ ငိုမည် ထင်ထားသော်လည်း မျက်ရည်တစ်စက် တောင် မကျခဲ့သည်ကို အံ့သြလျက် မမေ့နိုင်ခဲ့။ မ၏ စကားအတိုင်းဆိုလျှင်တော့ ကျွန်မတို့ တစ်တွေသည် အမှတ်စက် တစ်ခုမှာ ဆုံစည်းမိခဲ့ ကြသော မျဉ်းဖြောင့်လေးတွေပေါ့။ သို့သော် ဆုံ မှတ်ကနေ ပြန်လည်ခွဲဖြာ ထွက်လာခဲ့ကြသည့်တိုင် ဘယ်တော့မှ ပြန်လည်မကြုံဆုံ နိုင်တော့မည့် မျဉ်းဖြောင့်များတော့ မဟုတ်ပါ။ အပူအပင်ကင်းတဲ့ ကလေးလေးဘ၀ကို ...တစ်ခါပြန်ပြီး ရချင်သေးတယ်...အပြစ်မသိ သေးတဲ့ ကလေးလေးဘ၀ကို တစ်ခါပြန်ပြီး ရောက်ချင်သေးတယ် မ ဆိုညည်းနေကျ ဒီသီချင်းလေးကိုတောင် ကျွန်မတို့တစ်တွေ၏ နှုတ်ဖျားမှာပါ စွဲစွဲမြဲမြဲ ဆိုညည်း တတ်နေခဲ့ကြပြီ။ ရှေ့လျှောက်ပြီးတော့ လည်း သည်သီချင်းလေး၏ အရသာကိုငြိတွယ် မှန်းမသိ ငြိတွယ်မိ ရဦးတော့မည် ထင်ပါရဲ့။ တစ်ဆိတ်ရှိ မျက်ရည်ရွှဲ၊ ပုလဲခတတ်ကြ သော ကျွန်မတို့အား ချော့မော့ဖေးမကာ အငိုတိတ် စေခဲ့တိုင်းမှာ- “မကလေ ဘယ်တော့မှ မငိုဘူးကွ။ ညီမ လေးတို့လည်း မငိုရပါဘူး။ သို့သော် အခွင့်သင့်လို့ ကျွန်မတို့တစ်တွေ ပြန်ဆုံခွင့်ရခဲ့လျှင် ကျွန်မတို့၏ စာမေးပွဲအပြီး နောက်ဆုံးနေ့ အိမ်အပြန်မှာ ကျွန်မတို့နှင့်အတူ ငို ကြွေးခဲ့သော မ၏မျက်ရည်တွေအကြောင်းကို ပြန် ပြောလျက် ကြည်နူးခွင့်လေး ရချင်မိသေးသည်။ သတိုး (Teen Magazine October 2012)

မြို့ကလေးက မြို့ကလေးကို ကုပ်တွယ်ပွေ့ဖက်လို့

Written by ယဉ်ယဉ်နု(မန္တလေး)

Friday, 26 October 2012 18:57

More Sharing ServicesShare | Share on facebook Share on myspace Share on google Share on twitter မြို့ကလေးဟာ အရင်တုန်းက နာမည်ကြီး ရုပ်ရှင်မင်းသမီး တစ်ယောက်ရဲ့ ပထမဆုံးကားမှာ နာမည်ကြီးဖူးတယ်။ အဲဒီဇာတ်ကားရဲ့ ဇာတ်ဝင်သီချင်းကို မြန်မာတစ်နိုင်ငံလုံးက သိကြတယ်။ သီချင်းနဲ့အတူ မြို့ကလေးလည်း ရွှင်ပျတဲ့ဝတ်စုံကို ခြုံလွှမ်းလို့။ မြို့ကလေးလည်း ဇာတ်ကားပြတဲ့ ရုံရှေ့မှာ မတ်တတ်ရပ်ရင်း ပြုံးပြုံးကြီး ကြည့်လို့ပေါ့။အဲဒါက လွန်လေပြီးသော အခါက ဖြစ်ပါတယ်။ “မြို့သူတွေက အပျိုကြီးတွေ များတယ်”ဒီမြို့ကို အလည်အပတ်ရောက်နေတဲ့ အညာသူ ကောင်မလေးဟာ ယောင်တောင်တောင်နဲ့ မြို့ထဲက တန်ဆောင်းတစ်ခုမှာ လုပ်တဲ့ ပရိတ်စုပေါင်း ရွတ်ပွဲကို ရောက်နေတယ်။ တန်ဆောင်းနဲ့ အပြည့် ယောဂီဝတ်စုံ ဆင်တူမြို့သူဖြူ ဖြူချောချောတွေကို တအံ့တသြ ငေးလို့ပေါ့။ အသားအရေတွေက ၀င်းဝင်း၊ မျက်နှာတင်းတင်း၊ ဟန်တစ်ခွဲသားနဲ့ အပျိုချောတွေလေ။ “ဟိုးထိပ်က ဖွားခင်က အသက် ၇၀ ကျော် အပျိုကြီး။သူ့နားက အုပ်စုအကုန်လုံး အပျိုကြီးတွေပဲ။ အလယ်နားက ဒေါ်ကျင်မြက ငါးဆယ်ကျော်၊ ခြောက်ဆယ် သူတို့လည်း အပျို ကြီးပဲ။ ဟိုနားက ခင်ခင်တို့ နွယ်နွယ်တို့ သုံးဆယ်ကျော်လေးဆယ် အုပ်စုကလည်း ကျွန်မတို့နဲ့တစ် ရွယ်တည်းတွေ၊ အားလုံး သန့်သန့်ရှင်းရှင်း အပျို ကြီးတွေပဲ” အတူတူ လိုက်ပို့တဲ့ အစ်မကြီးက လက်ညှိုး တညွှန်ညွှန်နဲ့ ပြပြပြီး ပြောတော့ ကောင်မလေးမှာ တအံ့တသြငေးလို့။ စိတ်ထဲမှာလည်း ကလိကလိ တကျိကျိနဲ့ မေးချင်လိုက်တာ။ တစ်မြို့လုံးလောက် နီးပါး အပျိုကြီးတွေ ဒီလောက်ပေါနေတော့ ဧကန္တ မြို့ကလေးသားတွေက မြို့ကလေးသူတွေကို မျက်စိထဲမှာ မရှိကြဘူးလားလို့ ကောင်မလေးက သူတို့မသိအောင် တိတ်တိတ်ကလေး တွေးနေမိ တယ်။ ဟုတ်မှာပါ။ ရှေ့ဆုံးမှာ ရေစက်ခွက် ရှေ့ချထိုင်တဲ့ ခေါင်းဖြူဖြူ၊ တိုက်ပုံဖြူဖြူနဲ့ လူ ကြီးဘေးမှာ ပုံ့ပုံ့ကလေးထိုင်နေတာ ရန်ကုန်သူ တဲ့။ မြို့ကလေးသားဘေးမှာ တကယ်တမ်း ရှိရမှာက မြို့ကလေးသူဖြစ်မှ သဘာဝကျမှာပေါ့လို့ ကောင်မလေးက ထင်တယ်။ ဒါပေမဲ့ ဘယ်လိုတိ တိကျကျ လွဲချော်မှုတွေ ဖြစ်နေတာလဲ မသိဘူး။ မြို့ကလေးသူတွေ အားလုံး လိုလိုကတော့ ဂုဏ်ယူစရာ အပျိုစင်စစ်စစ်တွေ ဖြစ်လို့လေ။ မနက်ဆိုရင် လေးနာရီ မထိုးခင်မြို့သူ အပျို ချောတွေက အပြေးပြိုင်ပွဲ ကျင်းပကြပြန်ရော။ သူတို့ရဲ့ပြိုင်ပွဲကို မြို့ကလေး ရောက်ခါစ ကောင် မလေးက တအံ့တသြ မနက်အစောကြီးထ စောင့် ကြည့်နေတယ်။ အိမ်တိုင်း၊ အိမ်တိုင်းက လေး နာရီမထိုးခင် ဆွမ်းတော်ပွဲတွေ ကိုယ်စီနဲ့ တံခါးဖွင့် ထွက်လာကြတဲ့ အပျိုတွေ လည်ပင်းမှာ၊ ပခုံးပေါ် မှာ၊ ယောဂီတဘက်၊အိန်္ဒိယတဘက်၊ တရုတ် ခြုံစောင်၊ ရောင်စုံတွေ တဖိတ်ဖိတ်နဲ့ ဆွမ်းပွဲလေး က ယွန်းဗျပ်တွေပါမယ်။ ငွေရောင်၊ ရွှေရောင်တွေ တလက်လက်နဲ့ သောက်တော် ရေခွက်တွေ၊ ဆွမ်း ပွဲတွေ၊ သစ်သီးဆွမ်းတွေ၊ မုန့်ဆွမ်းတွေ တဖျတ် ဖျတ် ခုန်လုနီးပါး သူတို့ပြေးကြတယ်။ “အယ်၊ နောက်ကျပါပြီတော်” “ညက အိပ်မပျော်လို့ မနက်အစောကြီး မနိုးတာ” သွားရင်းလာရင်း စကားပြောရင်း ခြေထောက်က ခြေကုန်သုတ်ကြတာ၊ ဘုရားကြီး တံခါးလေးနာရီ အဖွင့်ကိုမီအောင် အပြေးပြိုင်ကြ တယ်။ ပြီးတော့ ဘုရားကြီး ရှေ့မှောက်မှာ ဆွမ်းတော်ကပ်ကြတယ်။ ပြိုင်ပွဲဝင်စာရင်းမှာ မပါတဲ့ အညာသူကတော့ စိတ်ထဲက ရယ်ချင်ချင်ဖြစ်မိ တယ်။ ဘာလို့များ အလုအယက် ပြေးကြတာပါ လိမ့်။ ဖြည်းဖြည်း လျှောက်လည်းရသားနဲ့။ အတူ ပါ လာတဲ့ ဦးလေးက “တို့ မြို့သူတွေက ဒီလိုပဲဟ၊ ဘုရားက နောက်ကျရင် ဆွမ်းမကပ်ရဘူး လို့ မှာထားတာ ကျနေတာပဲ။ ပြောရတာလည်း ငရဲကြီးပါ့ဟာ”လို့ မှတ်ချက်ချ ပေးဖူးတယ်။ အညာသူ ကောင်မလေး ကတော့ သူ့စကားကို သတိမပြုမိဘူး။ နံနက်ရဲ့ ရောင်နီဦးအောက်မှာ ရက်ရက်စက်စက် လှနေတဲ့ ရှုခင်းတွေကို တမေ့တမြော ငေးနေမိတယ်။ ထန်း ပင်လေးတွေ စီတန်းနေတဲ့ ဘုရားလမ်းက ကောင် မလေးကို ဖမ်းစားလိုက်တာ။ဟိုးအဝေးတောင်စဉ် တောင်တန်းတွေရယ်၊ အညာမှာ မတွေ့နိုင်တဲ့ စိမ်းလန်းစိုပြည် ပတ်ဝန်းကျင်ရယ်၊ အမြဲတမ်း ရေကြည် စီးဆင်းနေတဲ့ စမ်းချောင်းလေးတွေရယ် က ကောင်မလေးကို အေးမြရွှင် လန်းစေလိုက် တာမှ မှန်စီရွှေချ တိုင်ကြီးတွေနဲ့ ခံ့ညားတဲ့ဘုရား ရင်ပြင်တော်ပေါ်မှာ အကြာကြီး မနေနိုင်ဘဲ ပတ် ၀န်းကျင်နဲ့တစ်သားတည်း နစ်မြုပ်သွားတယ်။ အောက်စီဂျင်အပြည့်နဲ့ လတ်ဆတ် သန့်ရှင်းတဲ့ ပင်လယ်လေဟာ ကောင်မလေးကို လန်းဆန်းအား ပြည့်စေတယ်။ “ကောင်မလေး ရှုခင်းတွေချည်း ငေးမနေနဲ့၊ ငါ ဗိုက်ဆာပြီ။ ဈေးထဲမှာ မုန့်ဟင်းခါး သွားစားရအောင်” “နေပါဦး ဦးလေးရာ။ ဒီမှာ ရှုခင်းတွေတောင် ကြည့်လို့ မ၀သေးဘူး” “ဘာဆန်းလဲ။ ရေနဲ့မြက်၊ အပင်နဲ့တောင်နဲ့ ဒါပဲ နိစ္စဓူဝ ကြည့်နေတာ ဥစ္စာ။ ဘာများထူးဆန်း လို့လဲ” “အမြဲစိမ်းနေ တာကိုက ထူးဆန်းနေတာ လေ။ သမီးတို့ဆီမှာဆို ဖုန်တွေနဲ့ အမြဲခြောက်သွေ့  နေတာ” ဦးလေးက ဘာတစ်ခွန်းမှ မပြောဘဲ ပခုံး တွန့်ပြီးလျှောက်သွားလို့ ကောင်မလေး လိုက်ခဲ့ရတယ်။ မြို့ထဲမှာ ကောင်မလေး သဘောကျတာ တစ်ခုရှိသေးတယ်။ အိမ်တိုင်းအိမ်တိုင်းရဲ့ အိမ် ရှေ့မှာရှိတဲ့ ရေဆိုးမြောင်းတွေဟာ ရေကြည် တသွင်သွင် စီးနေတဲ့ ဖြစ်ရပ်ပဲ။ တစ်ခါတလေ ငါးလေးတွေတောင် ကူးခတ် လာကြသေးတယ်။  ကောင်မလေးတို့မြို့က အမှိုက်တွေနဲ့ ပိတ်ဆို့ပြီး ပုပ်စော်နံနေတဲ့ ရေဆိုးမြောင်း တွေနဲ့တော့ ကွာပါ့။ အတွေးတွေနဲ့ လျှောက်လာတဲ့ ကောင်မလေးကို ဦးလေးက လက်ကိုဆွဲလိုက်ပြီး- “ဟိုမှာ အဲဒါဗိုလ်ကတော်ပေါ့” “ဟင်” “နင်ကလည်း အ လိုက်တာ၊ အဲဒါ ငါတို့မြို့ ရဲ့ ဗိုလ်ကတော်လေ။ ကြည့် ကြည့် ကလေးနှစ်ယောက်ကို လက်ဆွဲထားတာလေ” ကောင်မလေး ကြောင်တောင်တောင်ဖြစ် သွားတယ်။ နားမလည်တဲ့ မျက်လုံးနဲ့ ဦးလေးကို ပြန်ကြည့်မိတယ်။ ဗိုလ်ကတော်လည်း ဘာဆန်း လို့လဲ။ ကောင်မလေး အမြင်မှာတော့ ရိုးရိုးသာ မန်မိန်းမတစ်ယောက်၊ ကလေးတွေလက်ဆွဲပြီး ဈေးဝယ်လာတာပဲ။ ငေးကြည့်ရအောင် မထူး ဆန်းပါဘူး။ သူများနဲ့ ဘာတွေများကွာနေလို့လဲ ဆိုတဲ့စိတ်နဲ့ တစ်ချက်ပြန်ကြည့်မိတယ်။ အင် ဟုတ် သားပဲ၊ တစ်ခုခုတော့ သတိထားလိုက် မိသလိုပဲ လေ ဟုတ်တာပေါ့။ ဒီမိန်းမ လျှောက်လှမ်းလာပုံ က ဘုရင်ကတော်တစ်ပါး ကြွချီလာသလို ခမ်းနားလွန်းတယ်။ မျက်နှာကိုမော့ပြီး ထီမထင်တဲ့ ပုံစံနဲ့ ရင်ကိုချီထားတယ်။ ခြေလှမ်းမှန်မှန်နဲ့ လျှောက်လာလိုက်တာ သူ့ကိုလမ်းမှာ ရယ်ပြုံး နှုတ်ဆက်တဲ့ သူတွေကိုလည်း ဂရုမစိုက်ဘူး။ မာ နတစ်ခွဲသားမက တစ်တင်းပြည့်အောင် ရှိနေတဲ့ ပုံပဲလို့ ကောင်မလေး ကိုယ့်ဟာကိုယ် မှတ်ချက် ချရေးရင်း သူ့ကိုယ်ပေါ်မှာ တစ်စုံတစ်ခုထပ်တွေ့ လိုက်လို့ တအားအံ့သြသွားတယ်။ “အမယ်လေးတော် ရွှေတွေ”လို့ မအောင့် နိုင် မအည်းနိုင် ပါးစပ်က ထွက်သွားတော့မဲ့ အသံ ကို မနည်းဘရိတ် အုပ်လိုက်ရတယ်။ ရွှေတွေ၊ ရွှေတွေ လက်မှာတစ်ဖက်စီ လက်ကောက်ငါးရန် စီလောက်ရှိတယ်။ ဆွဲကြိုးက အနည်းဆုံးငါး ကျပ်သားလောက်ရှိပြီး ဗိုက်ပေါ်ကို တဘတ် ဘတ်ရိုက်နေတယ်။ ခေါင်းက ရွှေဘီးကုတ်က လည်း အကြီးကြီးပဲ။ ကောင်မလေး မှင်တက် ကြည့်နေတုန်း“ဈေးလာတာလား၊ စောစောက ဘုရားမှာ တွေ့လိုက်ပါတယ်”လို့ ရင်းရင်းနှီးနှီး နှုတ်ဆက်သံကြားတာနဲ့ လှည့်ကြည့်လိုက်တော့ အပျိုကြီး ဒေါ်ကြင်မြကို  ပြုံးရယ်နေတဲ့မျက်နှာ နဲ့ တွေ့လိုက်ရတယ်။ “ဟုတ်ကဲ့ မုန့်စားမလို့၊ သမီးလည်း ဒေါ် ဒေါ့်ကို ဘုရားမှာတွေ့ပါတယ်”လို့ ပြောရင်းသတိ ထားကြည့်မိတော့ ဒေါ်ကြင်မြလည်း စောစော ကလို ယောဂီလုံချည်၊ ယောဂီတဘက်နဲ့ မဟုတ် တော့ဘူး။ အင်ဒိုနီးရှား ပါတိတ်အ၀ါတောက် တောက်နဲ့လည်ပင်းမှာ၊ လက်မှာ၊ ခေါင်းပေါ်မှာ ရွှေတွေကို အိလို့။ ဒီတော့မှ ကောင်မလေးကျန်တဲ့  မြို့ကလေးသူတွေကို သတိထားကြည့်မိတယ်။အမယ်လေး၊ ဈေးလာကြတာ၊ ရွှေပြိုင်ပွဲကျင်းပ နေကြသလိုပဲ။ အနည်းဆုံး တစ်ယောက်ကို တစ်ဆယ်သားဆီ ကောင်းကောင်းကျော်ကြတယ်။ မုန့်ဟင်းခါးစားပြီး ပြန်လာတော့ ကောင်မလေး ဦးလေးကို စကားတစ်ခွန်း ပြောမိတယ်။ “ဦးလေး ရေ၊ မြို့ကလေးသူတွေ ဈေးလာစောင့်ပြီး ဓားပြ တိုက်ရအောင်”လို့ပေါ့။ ဦးလေးက တဟားဟား ရယ်တယ်လေ။ “တူဝရီးတွေ လက်ဖက်ရည်သောက်လာဦး ဟေ့” လမ်းဘေးအိမ် တစ်အိမ်က အော်ခေါ်လို့ ကောင်မလေးတို့ ၀င်လိုက်ရတယ်။ အိမ်ထဲရောက် မှ အပျိုကြီးဖွားခင်တို့ အိမ်မှန်းသိတယ်။ အိမ်ရှင် တွေက ရေနွေးကြမ်းအိုးချနေတုန်း ကောင်မလေး ထိုင်နေတဲ့ဖျာပေါ်ကို နှစ်နှစ်သား ၀၀တုတ်တုတ် ကလေးလေး တစ်ယောက် ဖင်ရွေ့ဖင်ရွေ့နဲ့ တိုး လာတယ်။ သူ့နောက်မှာ ဂါဝန်ဝဲ၀ဲလေးနဲ့ သုံးနှစ် သမီးလေး တစ်ယောက် မျက်လုံးကြောင်ကြောင် လေးနဲ့ ကြည့်လို့။ ကောင်မလေးက ကလေးချစ် တတ်တယ်။ လက်ခုပ်လေးတီးပြီး နှစ်နှစ်သား လေးကို လာပါဦးလို့လည်းခေါ် လိုက်ရောစွေ့ခနဲ ပေါင်ပေါ်ရောက်လာတယ်။ သုံးနှစ်သမီးလေးက ကောင်မလေးပေါင်နဲ့ အနီးဆုံးနေရာကို တိုးကပ် ထိုင်ပြီး ကောင်မလေးကို မော့ကြည့်လို့ ကောင် မလေး လက်တစ်ဖက်က ကောင်လေးပါးကိုပွတ် ရင်း လက်တစ်ဖက်က ကလေးမလေးကို ပွေ့ ဖက်မိသွားတယ်။ “မိဘမဲ့လေးတွေတော့ မိဘမဲ့လေးတွေ” အနားမှာ မုန့်ပန်းကန်ချရင်း လာထိုင်တဲ့ ဖွားခင်နဲ့ မိန်းမကြီးတွေ ကြားက အသံတစ်သံ ထွက်လာတော့ ကောင်မလေးရင်ထဲက ကျင်နေ အောင်နာသွားတယ်။ “ဟင် ဘာလို့ ဆုံးကုန်ကြတာလဲ” ကောင်မလေးရဲ့ တုန်တုန်ရီရီ အမေးကို တစ်ယောက်မှ မဖြေကြဘူး။ အသံတွေတိတ်နေ တယ်။ ခဏကြာမှာ ဦးလေးက လေသံခြောက် ကပ်ကပ်နဲ့- “ဟိုဒင်းဟာ သူ့မိဘတွေက မသေကြသေးပါဘူး။ ဒါပေမဲ့ ဒီမှာမရှိဘူး။ ဟိုတစ်ဖက်ကမ်း မှာသွား အလုပ်လုပ်နေကြတာ” “သြော် နိုင်ငံခြားမှာပေါ့။ ဒါဆိုသူဌေးပေါ့၊ ပြီးတော့ ပြန်လာကြမှာ မဟုတ်လား” အသံတွေ တိတ်သွားကြပြန်တယ်။ တစ်ယောက်မျက်နှာ တစ်ယောက် ကြည့်ပြီး မဖြေကြဘူး။ အကြာကြီးနေမှ- “အင်း ဒီမှာလည်း လုပ်စားမရ။ ဟိုဘက်မှာ ကျတော့လည်း လင်ရော၊ မယားရော ကုန်းကျုံး လုပ်နိုင်မှ စားလောက်ရုံရတာပါ။ သူဌေးဖြစ်ဖို့ နေနေသာသာ မွေးလာတဲ့ကလေးတောင် ကြီး ပြင်းအောင် မွေးမရလို့ ဒီဘက်ပြန်ပို့ရတာ ဆိုင်ကယ်ကယ်ရီနဲ့လေ” “ရှင် ဆိုင်ကယ် ကယ်ရီနဲ့” ကောင်မလေး နားထဲမှာ ခါးသီးသွားတယ်။ “ဟုတ်တယ် ကလေးမ။ ငါ့ချွေးမဆိုရင် လေးဆယ့် ငါးရက်သားလေးကို ပါးစပ်ထဲ အိပ်ဆေးအစက်ချ ထည့်ပြီး ကလေးပိုးဝတ်နဲ့ ဆိုင် ကယ်ကယ်ရီပေါ် တင်ပေးလိုက်ရတာ။ ဒီ ကလေးတွေဟာ ဆိုင်ကယ်နဲ့ မိုင်ပေါင်းများစွာ ခရီးကြမ်းနှင်ပြီး တို့ဆီရောက် လာတာအေ့” ကောင်မလေး ပါးစပ်အဟောင်းသား ဟ သွားတယ်။ ကြားလိုက်ရတဲ့ စကားတွေ က သံရည်ပူတွေလို နားဝကိုဖြတ်ပြီး အသည်း နှလုံးကို လောင်ကျွမ်းသွားတယ်။ ရင်ခွင်ထဲက ကောင်လေးကို သနား ကြင်နာခြင်းကြီးစွာနဲ့ ငုံ ကြည့်မိတော့ သူ ပါးလေးပွတ်ပေး နေတာကို ကြည်ကြည်နူးနူး ငြိမ်ခံနေတယ်။ ကောင်မလေး ကလည်း ကြောင်လေးတစ်ကောင်လိုပဲ ကွေး ကွေးလေး ပုလို့။ “ဖွားခင် ရှင့်မြေးတွေ ခေါ်ပါဦး။ ဧည့်သည် အနေခက်နေပြီ” “အို ရပါတယ်။ နေပါစေ” ဦးလေးက ရေနွေးကြမ်း တစ်ခွက်ငှဲ့ရင်း “ဒီက အဘွားတွေ၊ အဒေါ်တွေ၊ ကြီးဒေါ် တွေကလည်း အပျိုကြီးတွေလေ။ စားဖို့သောက်ဖို့ ရှာရတာက တစ်ဖက်ဆိုတော့ ဒီကလေးတွေကို ကျွေးနိုင်၊ မွေးနိုင်တယ်။ ထိန်းကျောင်းပြီး ပွတ် သီးပွတ်သပ် လုပ်ဖို့တော့ အချိန်မရဘူးဟာ။ အမေ့ ရင်ခွင်မှာ မနေရတဲ့ ကလေးတွေဆိုတော့ ဒီလိုယု ယပွေ့ ဖက်ထားမဲ့သူကို မျှော်နေကြတာလား” ဦးလေးရဲ့ မှတ်ချက်က ကောင်မလေးရင်ကို ထိုးခွဲလိုက်သလိုပဲ။ “ဒါနဲ့ မောင်ငယ်ရယ်၊ လေးရပ်ကွက်ထဲက ဆိုင်ကယ်ကယ်ရီနဲ့ ပို့လိုက် တဲ့ မလှရင်သားလေး ဆေးများသွားလို့တဲ့။ နှစ်ရက်ခွဲလောက် အိပ်ပျော် နေပြီး မနေ့ကမှ နိုးလာတာတဲ့။ သူ့အဒေါ်ဆို ငိုလိုက် ရယ်လိုက်ဖြစ်နေတာ။ အနားက လူတွေကဟ အပျိုကြီး အေးကြည်မ ကလေးမသေဘဲ နင် သေနေ ပါဦးမယ်လို့ ပြောနေရတယ်” သူတို့ အသံတွေဟာ အညာသူ ကောင်မ လေးနားထဲမှာ လျှံထွက်နေတယ်။ လူဆိုတာ ၀မ်းဝရုံတော့ ရတာပေါ့။ ၀မ်းဝရုံနဲ့ မတင်းတိမ်နိုင် ဘူးလို့ အပြစ်တင်လို့လည်း မဖြစ်။ ၀မ်းဝရုံအပြင် ခါးလှချင် ကြသေးတာ မဟုတ်လား။ ဟိုဘက် ကမ်းကို စွန့်စားသွားကြတဲ့ မိဘတွေကို ဒီမှာမနေ နိုင်ကောင်းလားလို့လည်း လက်ညှိုးမထိုးချင်ဘူး။ သူ့ရဲ့ပါးလေးကို ပွတ်ပေးမှုအောက်မှာ ငိုက်မြည်း နေရှာပြီဖြစ်တဲ့ ကလေးလေးကို မျက်ရည်လည်လည်နဲ့ ငုံ့ကြည့်မိတယ်။ မိဘရှိလျက် မိဘမဲ့နေ ကြသူလေးတွေ၊ မြို့လေးက ဆွေမျိုးတွေကို သူတို့ လက်လေးတွေနဲ့ အတင်းအဓမ္မကုပ်တွယ် ထားကြရရှာတာ။ မြို့လေးက အပျိုကြီးတွေက လည်း ဆီးကြိုပွေ့ဖက်လို့ပေါ့။ ဒီလက်ကလေး တွေ ခိုင်မြဲကြရှာပါ့မလား။ “ဒီလိုကလေးတွေ ဘယ်နှယောက်လောက် ရှိပြီလဲဟင်”ကောင်မလေး အသံက တိမ်တိမ် ကလေးရယ်။ “အိုး များပါ့။ ဟိုဘက်အိမ်မှာ ချိုသဲ။ တစ်အိမ်ကျော်မှာ ကိုတူး၊ လမ်းထိပ်အိမ်က ဇာဇာတို့မောင်နှမ၊ ပြီးတော့...” ဖွားခင်အသံကို ဥပေက္ခာပြုလိုက်တယ်။ ကောင်မလေး အတွေးထဲမှာ ညနေစောင်း တိမ် တောက်ချိန်ရောက်ရင် တစ်ယောက်ကို ကလေး ပိုးဝတ်နဲ့ ရင်ခွင်ထဲမှာ ထည့်မယ်။ ကျန်တဲ့ကလေး တွေ လက်ဆွဲမယ်။ စမ်းချောင်းလေးကို ကျော် မယ်။ လယ်ကွင်းလေးကို ပတ်မယ်။ တောင်တန်း တွေကို မျှော်ငေးကြည့်ကြမယ်။ ရတဲ့သီချင်းကဗျာ တွေ ရွတ်ကြမယ်။ ၀င်လုဆဲဆဲ နေလုံးကြီးကို နှုတ်ဆက်ကြမယ်။ မြို့ကလေးကို ရောက်တုန်း မြို့ကလေးကို ကုပ်တွယ်ပွေ့ဖက်ရမှာပေါ့။ ဒါမှ တာဝန်ကျေမယ်လို့ ကောင်မလေးထင်တယ်။ တွေးကြည့်ရုံနဲ့တင် ပျော်လိုက်တာကွယ်။ အိုကြည့် ဦး၊ ကလေးလေးက ကောင်မလေးပေါင် ပေါ်မှာ အိပ်ပျော်နေလိုက်တာ။ တခူးခူးများတောင် ဟောက်လို့ပါလား။ ယဉ်ယဉ်နု၊မန္တလေး၊ (Teen Magazine October 2012)

စွဲလန်းခဲ့ရသည်. နာကျင်ခဲ့ရသည်.

အချိန်တွေ ကြာလာသည်နှင့် အမျှ ရင်ထဲမှာ နာကျင်ခဲ့သည့် ဒဏ်ရာတွေက တဖြည်းဖြည်း ပြေလျော့လာခဲ့သည်။ နံနက်ခင်း နေရောင်ခြည်တွေရဲ့ နွေးထွေးမှုတွေကို ပြန်ခံစားတတ်လာသည်။ လေပြေနုနုရဲ့ နူးညံ့မှုကလည်း ရင်ထဲမှာ အဓိပ္ပါယ်တွေ ရှိနေတတ်ပြန်ပြီ။

တစ်ချိန်က တစ်ယောက်သောသူ ပေးထားခဲ့တဲ့ ဒဏ်ရာတွေကို အချိန်ကပင် ကုစားခဲ့သည်မို့ ဘ၀ဟာ တဖန်ပြန်လည် အသက်ဝင် လာခဲ့ရသလိုလို..

မနက်အစောကြီး အိပ်ယာမှ ထပြီး လမ်းလျှောက်ထွက်ဖြစ်ခဲ့သည်။ အခုလို မနက်စောစော လမ်းထမလျှောက် ဖြစ်ခဲ့သည်မှာ နှစ်တွေပင် မနည်းလှတော့ပြီ။

x x x

လွန်ခဲ့သည့် ၅နှစ် အခုလို မိုးအကုန် ဆောင်းအကူး ကာလတွေမှာ မနက်ခင်းတိုင်းလိုလို ကောင်မလေး တစ်ယောက်နဲ့ အတူတူ လမ်းထလျှောက်ခဲ့ရသည်ကို အစားထိုးဖွယ်ရာ မရှိလောက်အောင် ပျော်ရွှင်နေခဲ့မိသည်။

နေ့စဉ် နံနက်တိုင်း လှပတဲ့ သူ့မျက်နှာလေးကို ငေးကြည့်ရင်း စကားတွေ ပြောရင်း အတူရှိနေခွင့်ရသည်မို့ သည်လို အခွင့်အရေးမျိုးကို ဘယ်အရာနှင့်များ လဲနိုင်ပါမည်နည်း။

တစ်နေ့.. ထိုတစ်နေ့မှစ၍ သူ ခါတိုင်းလို ရောက်မလာခဲ့.. ပထမတော့ အကြောင်းတစ်ခုခု ရှိမည်ထင်ခဲ့၍ စိတ်ထဲ ဟာတာတာ ဖြစ်ခဲ့ရုံသာ ရှိခဲ့သည်။

တစ်ရက်.. နှစ်ရက်.. သုံးရက်.. သူ လုံးဝ ရောက်မလာခဲ့တော့ ရင်ထဲမှာ တဖြည်းဖြည်း လေးလံလာသည်။ စိုးရိမ်စိတ်တွေနှင့် ပြည့်နှက်လာသည်။ ထိုရက်ပိုင်းက အိပ်မက်ဆိုးတစ်ခုကို ခဏခဏ မြင်မက်ခဲ့ရသည်။ ချစ်သူနှစ်ယောက်ကို ယမမင်းက ဧရာမ ဓားကြီး တစ်လက်နှင့် ခုတ်ပိုင်းနေသည့် မြင်ကွင်း..

လတွေ နှစ်တွေသာ ပြောင်းခဲ့ပေမယ့် ပြန်မဆုံဖြစ်ခဲ့တော့။ လအတန်ကြာမှ သိခဲ့ရသည့် သတင်းတစ်ပုဒ်က -

သူ.. အတူတူ လမ်းလျှောက်ခဲ့ဖူးတဲ့ သူ.. နွေးထွေးမှုတွေ ဂရုစိုက်မှုတွေ ပေးခဲ့ဖူးတဲ့ သူ.. သိပ်ချစ်ရတဲ့ သူ.. ကားအက်စီဒင့် တစ်ခုကြောင့် ရုတ်တရက် သေဆုံးခဲ့ရသည်တဲ့။ မူးမေ့လဲကျမတတ် နာကျင်ခဲ့ရသည့် သတင်းဆိုး..

ဘယ်အရာနှင့်မျှ မလဲနိုင်သည့် သူ့ကို ဆုံးရှုံးလိုက်ရပြီ။ အိပ်မက်တွေ၊ စိတ်ကူးတွေ လဲပြိုခဲ့ရသည်။ အနာဂတ်ဆိုတာလည်း ဆိတ်ငြိမ်မှု တစ်ခုအဖြစ် ပြောင်းလဲခဲ့ရသည်။ မျက်ဝန်းတစ်စုံမှာ ပူနွေးလျှက် ပါးပြင်ပေါ်မှာလည်း..

x x x

နှစ်အတန်ကြာမှ အခုလို မနက်စောစော လမ်းပြန်လျှောက်ဖြစ်ခဲ့ပေမယ့် အတိတ်က အရိပ်တွေက နေရာတိုင်းမှာ.. အခုချိန်ထိတိုင် သူ ဘေးမှာ ရှိနေသလိုလို.. စကားတွေ လာပြောနေသလိုလို.. အေးစက်ပြီး ချစ်စရာ ကောင်းလွန်းတဲ့ သူ့မျက်နှာလေးကိုပဲ မနေ့တစ်နေ့ကလို ပြန်ပြန် မြင်ယောင်နေမိသည်။ နားဝင်ချိုခဲ့ဖူးတဲ့ သူ့အသံလွင်လွင်က နားထဲမှာ ကြားယောင်နေဆဲ။ နောက်ဆုံး သူ့ကိုယ်က ရေမွှေးနံ့ပင် ယနေ့တိုင် မပျောက်မပျက်..

လေကောင်းလေသန့် ရှူရှိုက်ရင်း တစ်ချိန်က အတူထိုင်ခဲ့ဖူးတဲ့ နေရာလေးမှာ အချိန်တော်တော်ကြာအောင် ထိုင်ပြီး တစ်စုံတစ်ခုကို နက်နက်နဲနဲ စဉ်းစားနေခဲ့မိသည်။ ထိုင်လျှက် အသက်မဲ့နေသူ တစ်ယောက်ကဲ့သို့ မလှုပ်မယှက် အချိန် တော်တော်ကြာအောင်ပင်။

နေရောင်က အစောပိုင်းကလို နွေးထွေးမှု ပေးရုံမကတော့.. နေရောင်နှင့် တိုက်ရိုက် ထိတွေ့နေသည့် သူ့ ခန္ဓာကိုယ် အစိတ်အပိုင်းတို့က ပူလောင်မှုကိုပင် ခံစားနေရပြီ။

ထိုင်နေရာမှ ထရပ်လိုက်သည်။ ရပ်လိုက်သည်နှင့် တပြိုင်တည်းမှာပင် အသိတစ်ခု အမြင်တစ်ခုကို ခံစားလိုက်ရသည်။ တဆက်တည်း ဆုံးဖြတ်ချက် တစ်ခုကိုပါ ချလိုက်သည်။

အတိတ်ဆိုတာ ပြီးဆုံးခဲ့ပြီ။ အတိတ်နဲ့ နေထိုင်နေလို့ ဘ၀က မည်သို့မျှ ထူးလာမည် မဟုတ်၊ အမြဲတမ်း ရှုံးနိမ့်နေသူ တစ်ယောက်သာ ဖြစ်နေတော့မည်။ သိပ်ချစ်ခဲ့သည့် ချစ်သူကိုလည်း မေ့ပစ်လိုက်တော့မည်။ တကယ်တော့ အတိတ်ဆိုတာ ..





 သွေးပျက်ခဲ့ဖူးတဲ့ ညတစ်ည

ကြောက်လန့်ခြင်း.. စိုးထိတ်ခြင်း.. အားငယ်ခြင်း.. အဖော်မဲ့ခြင်းတို့နဲ့အတူ မှိန်ပြပြ မီးလုံးလေးရဲ့ အလင်းရောင်အောက်မှာ တစ်ယောက် တည်း၊ အိပ်ယာ ကုတင်တစ်ခုပေါ်မှာ ဖြစ်တာကြောင့် ခြင်ထောင်အစတို့ကို အောက်က ခင်းထားတဲ့ ဖျာအောက်ထဲ အတင်းထိုးသွင်းထားပြီး စောင်ကို ခေါင်းမြီးခြုံကာ ဟိုအတွေး ဒီအတွေးတွေနဲ့ တွေးတွေးရင်း ကြောက်စိတ်တွေက ပိုပိုဆိုးဝါးလာခဲ့တယ်။ တိတ်ဆိတ်ငြိမ်သက် လွန်းလှတဲ့ ညတစ်ညမှာ အဖော်လည်းမရှိ ရှည်လျားလွန်းတဲ့ ဘားတိုက်တစ်ခုထဲ ရောက်နေခဲ့ရသူက ကျွန်တော်…

ခပ်ရှည်ရှည်ပုံစံ ရှိတဲ့ ရဲတန်းလျား ဘားတိုက်တစ်ခု ဖြစ်တာကြောင့် အဆုံးမှာ ဘာရှိမလဲလို့လည်း မကြည့်ရဲခဲ့ပါဘူး။ အဲ့ဒီ အဆောက်အဦ ထဲမှာ လူဆိုလို့ ကျွန်တော်တစ်ယောက်တည်း… အဖော်ဆိုလို့ တစ်ယောက်မှ မရှိ။ လွန်ခဲ့တဲ့ နာရီဝက် လောက်ကတော့ ရဲသားလေး တစ်ယောက်နဲ့ အတူ စကားထိုင်ပြောနေခဲ့သေးတယ်။ အဲ့ဒီတုန်းက ကျွန်တော် မကြောက်သေး..

သူက သရဲကြောက်တတ်လား မေးတော့ ကျွန်တော်က ရိုးရိုးပဲ ဖြေလိုက်မိသည်။ အလွန်အကျွံ ကြောက်တာမျိုးတော့ မရှိပါဘူးလို့။ သိပ်မကြောက်တတ်ပါဘူးလို့.. အခုတော့ ခက်ချေပြီ.. ဘယ်အချိန်ကျမှ ပြန်လာမယ်မှန်း မသိတဲ့ ရဲတပ်ကြပ်ကြီးကို မျှော်ရင်း ရသမျှ ဘုရားစာတွေ. ဂါထာတွေနဲ့ တိတ်ဆိတ် ခြောက်ခြားလွန်းတဲ့ ညတစ်ညကို အံ့ကြိတ်ကာ ရင်ဆိုင်နေခဲ့ရသူက ကျွန်တော်..

ဘားတိုက်လို့ ဆိုသော်ငြား ရဲတွေ နေတဲ့ ဘားတိုက်လို့ ဆိုတာထက် ပစ္စည်းအဟောင်းတွေကို စုပုံထားတဲ့ စတိုလို့ ပြောတာက ပိုမှန် ပါလိမ့်မယ်။ ကျွန်တော်မရောက်လာခင်က ကျွန်တော်မျှော်နေမိတဲ့ ရဲကြပ်ကြီးရယ်.. ဂျူတီကျလို့ ကင်းစောင့်နေရတဲ့ လက်မောင်းတစ်ရစ်နဲ့ ရဲသားတစ်ယောက်ရယ်၊ နှစ်ယောက်တည်း နေကြတဲ့ ဘားတိုက်ကြီး… သူတို့ ဘယ်လိုနေကြလဲ မသိပေမယ့် ကျွန်တော့်အတွက်ကတော့ ခြောက်ခြားလွန်းလှတဲ့ နေရာဒေသ တစ်ခုဖြစ်ခဲ့ပါတယ်။

အလင်းရောင် ရှိစဉ်အခါ ညနေပိုင်းကတည်းက မှောင်မဲ စုတ်ပြတ်နေခဲ့တဲ့ ဒီရဲတိုက်ကြီးက အခုလို ညအချိန်အခါမှာတော့ ပြောရက်စရာ မရှိတော့… ဘေးကပ်ရက် ဘားတိုက်နှစ်ခုမှာကလည်း လူတစ်ယောက်မှ မနေ… ဘားတိုက် ၂ခုကျော် နံပတ်တစ် ဘားတိုက်မှာတော့ ခရီးကြမ်း လေ့ကျင့်ရေး ဆင်းနေကြတဲ့ ရဲသား ၇ယောက်။ ကျွန်တော် နေရတာက နံပတ်လေး ဘားတိုက်… စုစုပေါင်း ဘားတိုက် ၈ခု ရှိပေမယ့် လူနေတာ ၂ခုထဲရယ်။

အစောပိုင်းက ပြန်ခါနီးမှာ ကြောက်တတ်လားလို့ မေးသွားခဲ့တဲ့ ရဲသားနဲ့ စကားတွေ ဖောင်ဖွဲ့ပြောနေချိန်ကို ပြန်စဉ်းစားလိုက်မိတယ်။ ရက်စက် လိုက်ပါပေ့။ သူဘာတွေ ပြောသွားခဲ့တယ် မှတ်သလဲ.. သူကြားဖူးသမျှ ဒီဘားတိုက်ကြီးတွေ အနားမှာရှိတဲ့ သရဲတစ္ဆေတွေ အကြောင်း.. စုံလို့

“ညီလေး ညဘက်ဆို အိမ်သာထဲ မသွားနဲ့.. သရဲက ဘေးက လာလာပြီး ထိုင်နေတတ်တယ်။ အစ်ကိုတို့ဆိုရင် ဘယ်တော့မှ ညဘက် အိမ်သာထဲ မ၀င်ဘူး၊ ၀င်ရင်လည်း အဖော်ခေါ်သွားတယ်။ တစ်ယောက်တည်း သွားလို့ကတော့ သရဲက ကိုယ့်ဘေးမှာ လာထိုင်နေပြီလို့သာ မှတ်လိုက်တော့၊ ဘေးကို ရောက်ပြီးဆိုတာနဲ့ ကြက်သီးတွေ တဖြန်းဖြန်း ထလာတော့တာပဲ။ ကိုယ့်ဘေးမှာ သရဲတစ္ဆေတွေ လာကပ်တဲ့ အခါမျိုးမှာ ကြက်သီးထတတ်တယ်လေ..” တဲ့.. ကြည့်ဦး.. မရက်စက်လွန်းပေဘူးလား.. ညဘက် အိမ်သာထဲ မ၀င်ရဲအောင် လုပ်ခဲ့ပုံများ ပြောင်မြောက်လွန်းလှပါပေ့..

“ညဘက် ညဘက်ဆိုရင် အိပ်နေတဲ့သူတွေကို ခြေထောက်ကနေ လိုက်လိုက်ဆွဲချတာ.. အိပ်လို့ကို မရပါဘူး၊ ဆရာကြီးတို့လည်း ခဏခဏ အဆွဲခံရဖူးတယ်၊ ဒါပေမယ့် ဆရာကြီးက လုံးဝကို မကြောက်တတ်ဘူး” တဲ့.. လုပ်ပြန်ပြီ၊ မ ပုံကတော့… ဒါကြောင့်လည်း ကျွန်တော် ခြင်ထောင်ကို ဖျာအောက် တင်းနေအောင်ထည့်ထားပြီး စောင်ကို ခေါင်းမြီးခြုံထားတာပေါ့…

“အရင်တုန်းက ဒီဘားတိုက်မှာ ရဲတစ်ယောက်ရဲ့ မိန်းမတစ်ယောက် ကိုယ်ဝန်ကြီးနဲ့ သေသွားခဲ့ဖူးတယ်။ အဲ့ဒီ မိန်းမကလေ လုံးဝမကျွတ်ဘူး၊ ဒီဘားတိုက်တွေဆီကို ဟိုးလှမ်းမြင်နေရတဲ့ လယ်ကွင်းဆီကနေ လမ်းလျှောက်ပြီး ပြန်ပြန်လာလေ့ရှိတယ်။ ဗိုက်ကပူနေတယ်ဆိုပေမယ့် ခေါင်းက ဘယ်တော့မှ ပါမလာဘူး.. သူလာလိုက်တိုင်း ခေါင်းပြတ်ကြီး အတိုင်းပဲ” တဲ့.. ကောင်းပါပေတယ်. မောင်မင်းကြီးသားရယ်.. ပြောကောင်းတိုင်း လျှာအရိုးမရှိတိုင်း ပြောခဲ့လိုက်တာ. လှမ်းမြင်နေရတဲ့ လယ်ကွင်းတွေတောင် မကျန်ဘူး၊ မနူးမနပ်အရွယ် ကျွန်တော့် အတွက်တော့ ခြင်ထောင်ဘေးတောင် မျက်လုံးဖွင့်ပြီး မကြည့်ရဲခဲ့ဘူး။

“ဒီဘားတိုက်တွေမှာ အစားအစာတွေ ချက်ပြုတ်စားလို့မရဘူး ညီလေးရ. ချက်ပြီဆိုရင် သရဲတွေ တစ္ဆေတွေ အရမ်းကို သောင်းကြမ်း တော့တာပဲ။ တစ်ခါတုန်းကဆိုရင် ရဲသားတွေ အမဲသားဟင်း ချက်စားကြတာ အကုန်လုံး အိုးပစ်ခွက်ပစ် ထွက်ပြေးရတဲ့ အထိပါပဲ” အဓိပ္ပါယ် ရှိလား မရှိလား မတွေးခဲ့မိပါဘူး. ပြောသမျှတွေကလည်း အဆိုးတွေကြီးပဲ.. သူပြောနေတုန်းကတော့ သြော်. အဲ့လိုလားပေါ့.. သူပြန်သွားတော့မှ ကိုယ့်မှာ လိပ်ပြာလွင့်မတတ်ကြီး ဖြစ်ကျန်ခဲ့လိုက်တာ၊ ကိုယ်တော်ကတော့ မပြန်ခင် ပြောသွားလိုက်သေးတယ်။ ညီလေး မကြောက်တတ်ဘူး မဟုတ်လား၊ တစ်ယောက်တည်း နေရဲတယ် မဟုတ်လား ဘာညာနဲ့။ ကျေးဇူးတော့ တင်ပါရဲ့၊ ဘာလို့လဲ သိလား၊ တမင်သက်သက် ပြန်လာပြီး မခြောက်လို့သာပေါ့.. မဟုတ်ရင် အဲ့ဒီနေရာမှာ ဘာတွေများ ဖြစ်ခဲ့ဦးမလဲ ဆိုတာ မပြောတတ် မတွေးတတ်လောက်တော့အောင် ပါပဲ။

ဒီလိုနဲ့ အမှောင်လွှမ်းနေတဲ့ စုတ်ပြတ်ပြတ် ဘားတိုက်တစ်ခုထဲမှာ ညဦးပိုင်းတစ်ခုကို ကြောက်လန့်စွာ ရင်ဆိုင်နေခဲ့ရတဲ့ ကျွန်တော်ဟာ သစ်ရွက်ကြွေသံကိုတောင် ကြောက်လန့်နေခဲ့ရပါတော့တယ်။ ဘေးနားမှာ အရိပ်တွေ ပေါ်လာမှာ၊ သေချာဖိထားတဲ့ ခြင်ထောင်ကို ဆွဲလှန်ပြီး ခြေထောက်တွေကို လာဆွဲချမှာ၊ စသဖြင့် အရာရာတိုင်းကို တွေးကြောက်နေခဲ့ မိပါတယ်။ နောက်ဆုံး ကျွန်တော်ရင်ဆိုင်ခဲ့ရတဲ့ ကြောက်လန့်မှု တစ်ခုကတော့ “ဒုန်း.. ဒုန်း.. ဒုန်း..၊ ဒုန်း.. ဒုန်း.. ဒုန်း..”၊ ကြောက်လန့်စိတ်က အထွဋ်အထိတ်ကို ချက်ချင်း ရောက်ရှိ သွားခဲ့တယ်။ အဲ့ဒီ ကြောက်လန့်စိတ်နဲ့အတူပဲ ကျွန်တော်ရဲ့ စိုးရိမ်ပူပန်ခဲ့ရတဲ့ အခိုက်အတန့်လေးဟာ နိဂုံးချုပ်လို့ ပြီးဆုံးသွားခဲ့ပါတော့တယ်။

x x x

ကျွန်တော် ကျေးဇူးတင်လိုက်တဲ့ ဖြစ်ခြင်း…၊ နားထဲမှာ ကြည်ညိုလိုက်တဲ့ ဖြစ်ခြင်း… နောက်ကျတယ်ဆိုပေမယ့် ပြန်ရောက်လာပေးတဲ့ ရဲကြပ်ကြီးကိုရော. သူ့အခန်းထဲ ရောက်မှ သူရွတ်ဖတ်ပူဇော်နေတဲ့ ဘုရားစာတွေကိုရောပေါ့… စိတ်ထဲမှာ ကြည်လင်လာတယ်။ ကြောက်စိတ်တွေ လွှင့်ပါးသွားခဲ့တယ်။ အားတွေ ပြန်လည် ပြည့်တင်းလာခဲ့တယ်။ အဲ့ဒီနောက်မှာတော့ ကျွန်တော် နှစ်ခြိုက်စွာပဲ အိပ်ပျော်သွားပါတော့တယ်။

x x x

အထက်ပါ အဖြစ်အပျက်တွေကတော့ ကျွန်တော် ဆယ်တန်း အောင်ပြီးခါစက ဗိုလ်လောင်းသင်တန်း ၀င်ခွင့်အတွက် လှော်ကား ရဲတပ်ရင်း(၁)မှာ သွားရောက် လေ့လာခဲ့စဉ်အခါက ကြုံတွေခဲ့ရတာပါ။ ၄ရက်လောက် နေဖို့သွားတဲ့ ကျွန်တော့်အတွက်တော့ အဲ့ဒီညက လှော်ကားခရီးစဉ်ရဲ့ ပထမဆုံးနဲ့ နောက်ဆုံးည ဖြစ်ခဲ့ပါတယ်။ ဘာလို့လဲဆိုတော့ နောက်တစ်နေ့ နေ့လည်ပိုင်း ရဲကြပ်ကြီးအခန်းထဲမှာ စာတွေ့ဆည်းပူစဉ် သူ့စားပွဲပေါ်မှာ တင်ထားတဲ့ စစ်စိမ်းရောင် မျက်နှာသုတ်ပုဝါ အုပ်ထားတဲ့ အရာတစ်ခုကို မြင်တွေ့ခဲ့ရလို့ပါပဲ။ အဲ့ဒီအရာကိုဖွင့်ဟ မကြည့်ဖြစ်ခဲ့ပေမယ့် တမြန်နေ့ညနေပိုင်း စကားအပြောကောင်းခဲ့သူ ရဲဘော်လေးရဲ့ စကားသံက နားထဲမှာ ပြန်ပြန် ကြားယောင်လို့သာ နေခဲ့ပါတော့တယ်။

“ဆရာကြီးရဲ့ စားပွဲပေါ်မှာ သေသွားတဲ့ သူ့မိန်းမ အရိုးခေါင်းကို တင်ထားတယ်”

•  ပြိုပျက်ခဲ့တဲ့ အိပ်မက်တစ်ခု အကြောင်း 
•  
•  ဟိုးအဝေးကြီးကို လှမ်းမျှော်ကြည့်လိုက်တော့ မြင်လို့မဆုံး ကြည်လင်စွာ လှပနေတဲ့ စိမ်းစိမ်းစိုနေတဲ့ လယ်ကွင်းတွေသာ အမြင်အာရုံထဲ တိုးဝင်လို့ လာခဲ့တယ်။ ညင်သာစွာ တိုးဝှေ့တိုက်ခတ်နေတဲ့ လေပြေညင်းလေးတွေကြားမှာ မလှုပ်မရွေ့ ဘဲ ခပ်တွေတွေကလေး ရပ်နေမိတယ်။ သူ တွေးနေမိတာက သူ့အတိတ်… သူ စဉ်းစားနေမိတာက သူ့ရဲ့ အတိတ်က ကောင်မလေး တစ်ယောက်အကြောင်း… သူ နောင်တရနေတာလား… သူ လွမ်းဆွတ်ကြေကွဲနေတာလား… ဒါမှမဟုတ် သူ ဘာကို ခံစားနေရလဲဆိုတာ သူကိုယ်တိုင်လည်း နားမလည်နိုင်တော့…
  
  x x x
  
  သိပ်ချစ်ကြတဲ့ ချစ်သူတွေရယ်လို့ အများက သတ်မှတ်ခံရလောက်အောင် သူတို့ နှစ်ဦး သိပ်ကို ချစ်ခဲ့ကြပါတယ်။ တစ်ယောက်ကို တစ်ယောက် သိပ်ပြီး ဦးစားပေးခဲ့ကြသလို တစ်ယောက်နဲ့ တစ်ယောက်လည်း အရမ်းကို တွယ်တာခဲ့ကြပါတယ်။ ခင်မင်မှုကနေစခဲ့တဲ့ အချစ်တစ်ခု၊ သူငယ်ချင်းတွေ ကြားမှာ သူတို့ နှစ်ယောက် သိပ်ကို ချစ်တတ်ခဲ့ကြတာပေါ့။
  
  အတူသွား အတူလာ အတူစားရင်း နှစ်အတန်ကြာ အတူတကွ ကျော်ဖြတ်ခဲ့ကြပြီးတဲ့ နောက်မှာတော့ သူတို့နှစ်ယောက်ကို မြှားနတ်မောင်က လိုလားဟန်မပြတော့။ နတ်ဆိုးက ၀င်ခဲ့ချေပြီ။ အားလုံးက သူတို့နှစ်ဦး လက်ထပ်ကြတော့မယ်လို့ မျှော်လင့်ခဲ့ကြပေမယ့် လက်တွေ့တကယ့်ဘ၀မှာတော့ သူတို့နှစ်ယောက်ကြားမှာ နားလည်မှုတွေ ပေါ့လျော့လို့ လာခဲ့တယ်။ နားလည်မှုတွေ တိုးလာရမယ့်အစား တကယ်တမ်း တိုးပွားလာခဲ့တာက မာနနဲ့ အတ္တ…
  
  နောက်ဆုံးတော့ သူတို့ ဝေးခဲ့ရပြီလေ၊ ဘယ်လိုမှ ညှိနှိုင်းလို့ မရတော့တဲ့ အဆုံးမှာတော့ တစ်ယောက်နဲ့ တစ်ယောက် မျက်ရည်တွေ ကြားမှာပဲ လမ်းခွဲဖို့ ဆုံးဖြတ်ခဲ့ကြတယ်။ အခုဆိုရင်ပဲ နှစ်အတန်ကြာခဲ့ပြီလေ…
  
  x x x
  
  တစ်ခါတစ်လေတော့ ရင်ထဲက အလွမ်းတွေက သစ်လွင်နေတုန်းပဲ၊ တစ်ခါတစ်လေ မနေ့တစ်နေ့ကမှ ဖြစ်ပျက်ခဲ့သလို ခံစားနေရဆဲပါပဲ၊ တစ်ခါတစ်လေမှာတော့လည်း သူ့အိပ်မက်ထဲကို ရောက်ရောက်လာတတ်တယ်။ ဒါပေမယ့် ဘယ်လိုပဲ ဖြစ်ဖြစ် အခုချိန်မှာ တစ်ယောက်တစ်လမ်းစီ လျှောက်နေကြပြီလေ… ဦးတည်ချက်ချင်း မတူညီတဲ့ ဘ၀ခရီးလမ်းတွေကို ကိုယ့်နည်းကိုယ့်ဟန်နဲ့ ဖြတ်သန်း နေကြပြီလေ… သူတို့ တကယ့်ကို ဝေးခဲ့ကြလေပြီ…
  
  x x x
  
  အချိန်အတန်ကြာအောင် တစ်ယောက်တည်း ခပ်တွေတွေကလေး စဉ်းစားနေခဲ့ပြီးကာမှ လက်ရှိ သူရွေးချယ်ထားတဲ့ ဘ၀ရဲ့ ခရီးကို ဆက်လျှောက်ဖို့ သူ ရပ်ထားခဲ့တဲ့ ကားဆီကို တစ်လှမ်းချင်း ဆွေးမြေ့စွာ လျှောက်လာခဲ့တယ်။ သူ့ရင်ထဲမှာ ဆုတောင်းနေမိတာက “တချိန်က ငါ့ချစ်သူ ပျော်ရွှင်နိုင်ပါစေ”…
  
  x x x
  
  ရင်နဲ့ ခံစားခဲ့ရတာ မဟုတ်ပေမယ့် အမြင်နဲ့ ခံစားခဲ့ရတဲ့ အဖြစ်အပျက်လေးပါ။  

စိတ်ကူးထဲ ရောက်လာတဲ့ ကလေးများအကြောင်း

“ဖောင်း.. ဒိုင်း.. ဒိုင်း.. ဒိုင်း..”
ဟိုက်..! ဒုက္ခ ဘယ်လိုဖြစ်တာပါလိမ့်..? အခု ဘယ်နှလပိုင်းပါလိမ့်.. သြဂုတ်လ.. ဟာ..! ဘယ်လိုဖြစ်ကြတာလဲ.. အခုမှ သြဂုတ်လ ၂၆ ရက်နေ့.. သီတင်းကျွတ်ဖို့ တစ်လ၊ တစ်လခွဲတောင် လိုသေးပေမယ့် လမ်းထဲမှာရှိတဲ့ ကလေး ကြီးငယ် အရွယ်စုံတို့ကတော့ ဗျောက်အိုးသံ တစ်ဖောင်းဖောင်း.. တစ်ဒိုင်းဒိုင်းနဲ့ ဆော်ကုန်ကြချေပြီ..။

ဝါဆိုလပြည့်နေမှသည် သီတင်းကျွတ် လပြည့်နေ့တိုင်အောင် ၀ါတွင်း ၃လတာ ကာလအတွင်း သတင်းသီလ စောင့်တည်ခဲ့ကြပြီး “၀ါလကင်းလွတ် သတင်းကျွတ်” ဆိုသည့်အတိုင်း သီတင်းကျွတ် လပြည့်နေ့မတိုင်ခင် အဖိတ်နေ့ရယ်.. လပြည့်နေရယ်. လပြည့်ကျော် တစ်ရက်နေ့ရယ် စုစုပေါင်း ၃ရက်ကို သတင်းကျွတ် မီးထွန်းပွဲတော် အဖြစ် ဟိုးယခင်ကတည်းက ကျင်းပခဲ့ကြတာ ဖြစ်ပါတယ်။ သတင်းကျွတ် မီးထွန်းပွဲတော် ဆိုတဲ့အတိုင်းပင် မိမိတို့ နေအိမ် တိုက်တာ ခြံဝင်းများတွင် ဆီမီးများထွန်းညှိ ပူဇော်လေ့ ရှိကြတာ မြန်မာတို့ရဲ့ ချစ်စရာ ရိုးရာ အလေ့အထလေး တစ်ခုပင် ဖြစ်ပါတယ်။ နောက်ထပ် ချစ်စရာ ရိုးရာဓလေ့လေး တစ်ခုက သီတင်းကျွတ်ကာလရောက်တိုင်း မိဘ၊ ဆရာသမားတွေ အပါအ၀င် အသက်ကြီးသူ လူကြီးသူမများအား လိုက်လံ ကန်တော့လေ့ ရှိကြတာပဲ ဖြစ်ပါတယ်။

စာသင်ကျောင်းတွေကလည်း သီတင်းကျွတ်ပွဲတော် ကာလအတွင်း ကျောင်း ၁၀ရက် ပိတ်ပေးတတ်တာမို့ ကျောင်းပိတ်ရက်နဲ့ သတင်းကျွတ် ပွဲတော်ဟာ ကလေးသူငယ်တွေ အားလုံးက အမြဲတမ်း မျှော်လင့်နေတတ်တဲ့ ပွဲတော်တစ်ခုပဲ ဖြစ်ပါတယ်။

သတင်းကျွတ် ကျောင်း ၁၀ရက်ပိတ်တယ်ဆိုတာက ကျောင်းလပတ်စာမေးပွဲအပြီး (ကျွန်တော်တို့တုန်းက ပထမအစမ်း စာမေးပွဲပေါ့. အခုတော့ ဘယ်လိုခေါ်လဲ မပြောတတ်တော့)မှာ ပိတ်ပေးတာပါ။ စာမေးပွဲ ဖြေဆိုအပြီး ပျော်ပွဲရွှင်ပွဲမှာ လွှတ်လွှတ်လပ်လပ် ပျော်နိုင် အောင်လို့ ရက်ရှည် ပိတ်ပေးတာပါ။

ကျွန်တော်တို့ ငယ်ငယ်တုန်းကဆိုရင်လည်း သီတင်းကျွတ်ပွဲတော်မှာ ပျော်ဖို့ရွှင်ဖို့အတွက် ကျောင်းသွားတဲ့အခါ ရတဲ့ မုန့်ဖိုးတွေကို မစားရက် မသောက်ရက် စုထားလေ့ရှိပြီး သီတင်းကျွတ် ရောက်ပြီ ဆိုရင်တော့ မီးရှူးမီးပန်းတွေ၊ ဗျောက်အိုးတွေ ၀ယ်ပြီး သူငယ်ချင်း အပေါင်းအသင်း တွေနဲ့အတူ ပျော်ခဲ့ပါးခဲ့ကြပါတယ်။

မှတ်မှတ်ရရပါပဲ.. ကျွန်တော် ၆တန်း ၇တန်းလောက်က ထင်တယ်။ ကော့သောင်းမှာ နေစဉ်ကပေါ့.. သီတင်းကျွတ် မတိုင်ခင် ကြိုစုထားတဲ့ ပိုက်ဆံ ၂၆၀နဲ့အတူ ကျွန်တော့်ရဲ့ လက်ကိုင်အိတ်ကလေး ပျောက်လို့ ငိုယိုခဲ့ဖူးပါတယ်။

အဲ့ဒီတုန်းကပေါ့.. ဆေးရုံကနေ မောမောပန်းပန်း ပြန်ရောက်လာတဲ့ ကျွန်တော့အဖေဟာ ကျွန်တော် ငိုနေတာကိုလည်း တွေ့ရော ဒေါသထွက်ထွက်နဲ့ သူ့အင်္ကျီအိတ်ကပ်ထဲ ပါသမျှ ပိုက်ဆံတွေ အကုန်လုံးနဲ့ ပေါက်ပြီး ကျွန်တော်ကို ဆူခဲ့ဖူးပါတယ်။ အလုပ်မှာ စိတ်ပင်ပန်းလာလို့ ထင်တယ်၊ ပုံမှန်အားဖြင့်ဆိုရင် ကျွန်တော့် အဖေရော အမေပါ. စကားနဲ့သာ နားဝင်အောင် ပြောတတ်ကြတာမို့ အဲ့ဒီလို အဆူခံရတာကိုပဲ စိတ်ထဲ စွဲထင်နေခဲ့ပါတော့တယ်။

အဲ့ဒီတုန်းက ပျောက်ခဲ့တဲ့ ငွေ ၂၆၀ဆိုတာက များတဲ့ ပမာဏမဟုတ်ခဲ့ပေမယ့် ကျွန်တော့်တို့ အတွက်ကတော့ သီတင်းကျွတ် ပွဲတော်မှာ ပျော်ဖို့ လုံလောက်တဲ့ ပမာဏပါ.. ကျွန်တော်ထင်တယ်.. အဲ့ဒီတုန်းက ၅၀၀ ကျပ်တန် ငွေစက္ကူတွေ မပေါ်သေးသလို ကျောင်းသွားလို့ တစ်နေ့ရတဲ့ မုန့်ဖိုးက ၅ကျပ် ၁၀လား ရှိသေးတာ။

အဲ့ဒီနှစ် သတင်းကျွတ်မှာ ပျောက်သွားတဲ့ ပိုက်ဆံ ၂၆၀ကို ကျွန်တော့်အဖေကပဲ ပြန်ပေးခဲ့ပါတယ်။ အဲ့ဒါကြောင့်လည်း ကျွန်တော် ပျော်ခဲ့ ရပါတယ်။ ဒါပေမယ့် အချိန်တွေလွန်မှ သိလိုက်ရတာ တစ်ခုကတော့ ကျွန်တော်ပျောက်သွား ပိုက်ဆံအိတ်ကလေးက နဂို မပျောက်ခင်က သိမ်းထားတဲ့ မွေ့ယာကြားကနေ ပြန်တွေ့လိုက်ရတာပါပဲ။ ကိုယ့်ဖာသာ စေ့စေ့စပ်စပ် မရှာခဲ့ဘဲ အော်ငိုဖို့သာ ကြိုးစားခဲ့တဲ့ ကလေးဘ၀က အမှားတစ်ခုပါ။ အလုပ်ကနေ မောမောပန်းပန်း ပြန်လာကြတဲ့ မိဘတွေကို စိတ်ရှုပ်စေရအောင် ဘာမှ မစဉ်းစား မဆင်ခြင်ဘဲ လုပ်ခဲ့မိတဲ့အထိ သီတင်းကျွတ်ပွဲတော်ဟာ ကျွန်တော့်တို့အတွက် အဓိပ္ပါယ် ရှိခဲ့ဖူးပါတယ်။

အခု လမ်းထဲက ကလေးတွေရဲ့ ဗျောက်အိုးဖောက်သံတွေ အဆက်မပြတ် ကြားနေရတော့ အတိတ်ကို သတိရမိတယ် ဆိုတာထက် ကျွန်တော် အံ့အားသင့်နေမိတယ် ဆိုရင် ပိုပြီး မှန်ပါလိမ့်မယ်။ တခြားတော့ မဟုတ်ပါဘူး။ သီတင်းကျွတ် ပွဲတော်ရောက်ဖို့ တစ်လကျော် တစ်လခွဲလောက် လိုနေသေးပေမယ့် အခုကတည်းက ကြိုပြီး ပျော်နေကြတဲ့ ကလေးတွေကြောင့်ပါ။ ကျွန်တော်တို့တုန်းကဆိုရင် တစ်နှစ်မှာ ၃ရက်ပဲပျော်ခဲ့ ကြတာပါ။

အခုတော့ ခေတ်ကပဲ ပြောင်းသွားတာလားမပြောတတ်။ မီးရှူး၊ မီးပန်း၊ ဗျောက်အိုးရောင်းကြတဲ့သူတွေကလည်း အစောကြီးကတည်းက ဈေးကွက်ထဲ သွင်းလာကြချေပြီ။ နီးစပ်ရာ နေရာတိုင်း လိုလိုမှာလည်း အလွယ်တကူ ၀ယ်လို့က ရနေပြီ။ ကလေးတွေကလည်း ဗျောက်အိုးဖောက်သံကို အဆက်မပြတ် စေလောက်အောင်ပင် ပျော်ပါးနေကြလေပြီ။ တစ်ဖက်က ပြန်စဉ်းစားကြည့်ရင် ၀ါတွင်းကာလမှာ သီတင်းသီလ စောင့်တည်နေကြတဲ့ သူတွေကိုပင် အနှောင့်အယှက် ဖြစ်စေပြန်ပါတယ်။

စဉ်းစားမိတယ်။ ဒီ တန်ဖိုး မပေါလွန်းလှတဲ့ မီးရှူး၊ မီးပန်း၊ ဗျောက်အိုးတွေကို သတင်းကျွတ်ပွဲတော် တစ်လခွဲကျော် အလိုကတည်းက တဖောင်းဖောင်း.. တဒိုင်းဒိုင်းနဲ့ တစ်လမ်းလုံး၊ တစ်ရပ်ကွက်လုံး ဆူညံအောင် ဆော့ကစားနေကြတဲ့ ဒီကလေးတွေရဲ့ မိဘတွေ တစ်နေ့တစ်နေ့ သူတို့ ကလေးတွေကို မုန့်ဖိုးတွေ ဘယ်လောက်တောင် ပေးနေကြလို့လဲ… ဒါမှမဟုတ်… ကလေးတွေကပဲ မိဘတွေ မသိအောင် ပိုက်ဆံတွေ အလွယ်တကူ ရနေကြလို့လား…

ဘယ်လိုပဲဖြစ်ဖြစ် အခုလို အလွန်အကျွံ ပျော်ပါးနေကြတဲ့ ကလေးတွေရဲ့ ပညာသင်ယူမှုနဲ့ စာရိတ္တပိုင်းကို အနည်းနဲ့ အများဆိုသလို ထိခိုက်စေနိုင်တယ်ဆိုတာနဲ့ ၀ါတွင်းကာလမှာ သီတင်းသီလ စောင့်တည်နေကြတဲ့ သူတွေကိုလည်း အနှောင့်အယှက် ဖြစ်လို့နေတယ် ဆိုတာ စဉ်းစားမိရင်း…

တယ်လီဖုန်းမြည်သံရဲ့ နောက်ကွယ်

မနေ့က ရုံးမှာ အလုပ်မရှုပ်တရှုပ် ဖြစ်နေစဉ်မှာ စားပွဲပေါ်က ဖုန်းမြည်သံကြောင့် လုပ်လက်စ အလုပ်ကို ရပ်ကာ ဖုန်းကိုကိုင်လိုက်သည်။

"ဟယ်လို"
"x x x x x "
"ဟုတ်ကဲ့"
"x x x x x"
"x x x x x x x"

စကားပြောပြီးတော့ ဖုန်းကို ပြန်ချလိုက်သည်။ အတွေးနက်နက် တစ်ခုက ခေါင်းထဲကို တန်းဝင်လာခဲ့သည်။ သြော်.. x x x x x

-------------------------------------------------------------

ဒီနေ့မနက် ကြက်တောင် သွားရိုက်ပြီး အပြန် လမ်းမှာ ဖုန်းဝင်လာလို့ ကိုင်လိုက်မိသည်။ ဖားကန့်က လာသည့်ဖုန်း။

ဖားကန့်ဆိုတာက ကျွန်တော်တို့ရဲ့ အဖေနဲ့ အမေတို့ လက်ရှိ အလုပ်သွားလုပ်နေကြတဲ့ နေရာ။ သားချည်းပဲ လေးယောက် မွေးထားတဲ့ အဖေနဲ့ အမေတို့ အသက်လည်း ၆၀နီးနေပြီ၊ အခုထိ အလုပ်လုပ်နေကြရဆဲ။ ကျွန်တော်တို့ သားတွေ အနေနဲ့ မိဘကို တင်ကျွေးထားဖို့ မဆိုနှင့်ဦး၊ တစ်ဖက်တစ်လမ်းကတောင် မယ်မယ်ရရ မထောက်ပံ့နိုင်ကြသေး၊ လက်ကလေး ဖြန့်ရတဲ့ အဖြစ်ကသာ ပိုများနေဆဲ။

ကျွန်တော်တို့ သားလေးယောက်လုံး ကိုယ့်ခြေထောက်ပေါ် ကိုယ် မားမားမတ်မတ် တကယ်မရပ်တည်နိုင်ကြသေးတာမို့ အဖေ၊ အမေတို့ အသက်ကြီးပေမယ့် ဟိုး ဝေးလံခေါင်းပါးလွန်းတဲ့၊ လမ်းခရီး ကြမ်းတမ်းလွန်းတဲ့ ဖားကန့်လို နေရာမျိုးမှာ ဆက်ပြီး အလုပ်လုပ်နေကြ ရတာပါ။

ကျွန်တော့်အသက် ၂၆ နှစ်ပြည့်ခဲ့ပြီ။ တိတိကျကျ ပြောရရင်တော့ ပြီးခဲ့ တစ်လတိတိက ၂၆နှစ် တိတိ ပြည့်ခဲ့ပြီးပြီ။ ကျွန်တော် ၀န်ခံပါ တယ်။ ကိုယ့်ကိုယ်ကို အားမရဘူး။

ဖုန်းထဲမှာ အဖေက ပြောတယ်။ “အမေ့ဆီ ဖုန်းဆက်ပြီးပြီလားတဲ့.. ” ၊ ဒီတော့မှ မနေ့က ညနေက အဖေဖုန်းဆက်တဲ့ ကိစ္စ ခေါင်းထဲ ပြန်ဝင် လာခဲ့တယ်။ သြော်.. ဟုတ်သားပဲ.. ဒီနေ့ အမေ့မွေးနေ့မို့ ဖုန်းဆက်ကြဖို့ မနေ့က အဖေ သေချာမှာထားရက်နဲ့ မေ့နေလိုက်ခြင်း။ “ဟုတ်ကဲ့.. ခဏနေ အိမ်ပြန်ရောက်တာနဲ့ အမေ့ဆီကို ဆက်လိုက်ပါ့မယ်” .. အဖေ့ကို ပြန်ပြောလိုက်ပြီး အိမ်ပြန်ရောက်တော့ အမေ့ဆီကို ဖုန်းဆက် ခဲ့တယ်။ “အမေ.. Happy Birthday ပါ...” ထုံးစံအတိုင်း အမေက Thank You လို့ ပြန်ပြောတယ်။ အဲ့ဒီနောက် ကျွန်တော့်ညီကို လွှဲပေးလိုက်တယ်.. သူလည်း အမေ့ကို Birthday Wish လုပ်တယ်။ ကျွန်တော်ကတော့ ရုံးအမီလေး အပြေးအလွှား ထွက်လာခဲ့တယ်။

လမ်းရောက်တော့ ကျွန်တော် စဉ်းစားနေမိတယ်။ ပြီးခဲ့တဲ့ လက ကျွန်တော့်မွေးနေ့တုန်းက အဖေရော. အမေပါ.. သူတို့ဖာသာ ဖုန်းဆက် ကြပြီး Birthday Wish လုပ်ပေးခဲ့ကြတယ်။ ဒီတစ်နှစ်တည်း မဟုတ်ပါဘူး.. အမြဲတမ်း နှစ်တိုင်းပါပဲ.. သူတို့ မွေးနေ့တွေမှာသာ ကျွန်တော် တို့က မေ့နေတတ်ကြတာ.. ကျွန်တော်တို့ အလှည့်မှာတော့ သူတို့ ဘယ်တော့မှ မမေ့ခဲ့ကြပါဘူး.. မှတ်မိနေဆဲပါ.  အဖေ့မွေးနေ့ မတိုင်ခင်က တစ်ခါ.. အဖေများနေ့ မတိုင်ခင်က တစ်ခါ အမေက ကျွန်တော့်ဆီ ဖုန်းဆက်ပြီး အဖေ့ကို Wish လုပ်ကြဖို့ ပြောခဲ့ပါသေးတယ်။

သေချာစဉ်းစားကြည့်တော့ ကျွန်တော် ပိုပြီး နားလည်ခဲ့ပါတယ်။ ဘာလို့ သူတို့ အခုလို အပြန်အလှန် ဂရုတစိုက်နဲ့ လိုက်ပြီး စဉ်းစားပေး ကြတာလဲပေါ့.. ပထမတော့ ဒါကို ရိုးရိုးပဲလို့ ထင်ထားခဲ့ပေမယ့် ဒီနေ့မနက် ကျွန်တော့်ခေါင်းထဲ အလင်းတစ်စက် ၀င်ရောက်လာခဲ့ပါတယ်။

“သားတွေ သူတို့ဆီကို ဂရုတစိုက် ဖုန်းဆက်ကြတဲ့အခါ.. Wish လုပ်ကြတဲ့အခါ သူတို့ ဘယ်လောက်တောင် ကျေနပ်ဝမ်းသာ ကြရသလဲ ဆိုတာကို သူတို့ အချင်းချင်းကသာ အသိဆုံးတွေမို့ ဖြစ်မှာပါ” တစ်နည်းအားဖြင့် “ဒီသားတွေဟာ သူတို့အတွက် ဘယ်လောက်အထိ အဓိပ္ပါယ်ရှိကြလဲဆိုတာပါပဲ”

Happy Birthday ပါ အမေ...