ဦးပိုင် လီမိတက် ဘာလဲ

ခင်ဦးသာ| December 1, 2012 | Hits: 830

2

  | |

Share on facebook Share on twitter Share on email

If you see this message, it means that your browser doesn't support frames or they are disabled.

နိုဝင်ဘာလ ၃၀ ရက်နေ့ ညနေက ရန်ကုန်မြို့ ဦးပိုင် လီမိတက်ရှေ့တွင် လက်ပံတောင်း သပိတ် အကြမ်းဖက် ဖြိုခွင်းမှုအတွက် ဆန္ဒပြပြီး တောင်းဆိုချက်များ ထုတ်ဖော်စဉ် (ဓာတ်ပုံ – ကောင်းညီဟန် / ဧရာဝတီ)

လက်ပံတောင်းတောင် ကြေးနီစီမံကိန်း ဖျက်သိမ်းရေး သပိတ်စခန်းဖွင့်ကာ ဆန္ဒထုတ်ဖော်နေကြသည့် သံဃာတော်များနှင့် ဒေသခံပြည်သူများအား နိုဝင်ဘာလ ၂၉ ရက်နေ့၌ အင်အားသုံး အကြမ်းဖက် ဆောင်ရွက်ခဲ့မှုတွင် စစ်တပ်ပိုင် မြန်မာ့စီးပွားရေး ဦးပိုင်လီမီတက်လည်း ပါဝင်ပတ်သက်နေသည်။
အဘယ်ကြောင့်ဆိုသော် လက်ပံတောင်းတောင် ကြေးနီစီမံကိန်းကို တရုတ်နိုင်ငံမှ ၀မ်ပေါင်ကုမ္ပဏီနှင့် ဦးပိုင်လီမိတက်တို့ အကျိုးတူ ပူးပေါင်းလုပ်ဆောင်နေခြင်းကြောင့် ဖြစ်သည်။ စစ်ဗိုလ်ချုပ်ကြီးများ ဦးစီးသည့် စီးပွားရေး ဦးပိုင်လီမီတက်သည် ကြေးနီစီမံကိန်းကြီး အပြင် မြန်မာနိုင်ငံ၏ အဓိကျသည့် စီးပွားရေးလုပ်ငန်း အများအပြားကိုလည်း ပိုင်ဆိုင်လုပ်ကိုင်လျက် ရှိသည်။
ထိုစီမံကိန်းသည် စစ်တပ်အတွက် အရေးပါသည့် စီမံကိန်းဖြစ်ပြီး စစ်တပ်မှ အငြိမ်းစားယူထားသည့် ရဲဘော်မိသားစုများအတွက် ဖြစ်ကြောင်းလည်း ကာကွယ်ရေး ၀န်ကြီး ဒု ဗိုလ်ချုပ်ကြီး ဝေလွင်က ပြီးခဲ့သည့် သီတင်းပတ်က ပြည်ထောင်စုလွှတ်တော် ၌ ဖြေဆို ခဲ့သေးသည်။
ထိုစီမံကိန်းသည် စစ်တပ်ပိုင် ဦးပိုင် လီမိတက်နှင့်တရုတ်နိုင်ငံတို့အကြား အကျိုးတူ ပူးပေါင်းလုပ်ဆောင်နေခြင်းကြောင့် မျက်နှာမပျက်စေလိုကြောင်း ဒု ဗိုလ်ချုပ်ကြီး ဝေလွင်က ကြေးနီစီမံကိန်းနှင့်ပ တ်သက်၍ ဖြေဆိုသွားသည်။
ဦးပိုင် လီမီတက်အား ၁၉၉၀ ပြည့်နှစ်တွင် ယခင်စစ်အစိုးရ၏ စစ်တပ်အကြီးအကဲများ ဦးဆောင်၍ ဖွဲ့စည်းတည်ထောင်ခဲ့ခြင်း ဖြစ်ပြီး ရည်ရွယ်ချက်မှာ တပ်မတော်သားများနှင့် မိသားစုဝင်များ၊ တပ်မတော် အငြိမ်းစားများ စားဝတ်နေရေး ပြေလည်စေရန်ဟု သိရသည်။ ဦးပိုင်၏ လက်ရှိ ဥက္ကဋ္ဌ မှာ စစ်ရေးချုပ် ဒု ဗိုလ်ချုပ်ကြီး ခင်ဇော်ဦး ဖြစ်ပြီး၊ လက်ရှိ ရွေးကောက်ပွဲ ကော်မရှင် ဥက္ကဋ္ဌ ဒု ဗိုလ်ချုပ်ကြီးဟောင်း ဦးတင်အေးလည်း ဦးပိုင် ဥက္ကဋ္ဌအဖြစ် တာဝန်ယူခဲ့သေးသည်။
ဦးပိုင် လီမိတက်သည်  ဗန္ဓုလ သယ်ယူပို့ဆောင်ရေး လုပ်ငန်း၊ ကျောက်မျက်၊ သတ္တု တူးဖော်ရေး လုပ်ငန်းများ၊ ရေနံတူးဖော်ရေး၊ သဘာဝဓာတ်ငွေ့ ရှာဖွေရေး၊ မွေးမြူရေး၊ စိုက်ပျိုးရေး၊ ရေလုပ်ငန်း၊ ခရီးသွားလုပ်ငန်းများ၊ ဆောက်လုပ်ရေးလုပ်ငန်းများ၊ ဘဏ်လုပ်ငန်းများ စသည်ဖြင့် လုပ်ငန်းအများ အပြားကိုလည်း ကုမ္ပဏီပေါင်း ၅၀ ၀န်းကျင်ဖြင့် လုပ်ဆောင်နေကြောင်း မောင်အောင်မျိုး ရေးသားသည့် Building the Tatmadaw: Myanmar Armed Forces Since 1948 စာအုပ်တွင် ဖော်ပြထားသည်။
ထို့အတူ ကြယ်ငါးပွင့်သဘောင်္လိုင်း၊ ပြည်တွင်းရေကြောင်းပိုင် လုပ်ငန်းတချို့၊ လောင်စာဆီ အရောင်းဆိုင်များ၊ ပြည်ပမှ ကားတင်သွင်းခွင့် ပါမစ်များနှင့် တခြားသော စီးပွားရေးလုပ်ငန်း အများအပြားကိုလည်း ပိုင်ဆိုင်ထားကြောင်း ၀ီကီလိ(ခ်) အင်တာနက်စာ မျက်နှာ၌ ဖော်ပြထားသည်။ အလားတူ ပြည်ပ ဆန်တင်ပို့မှု၏ ၄၀ ရာခိုင်နှုန်းကိုလည်း ဦးပိုင် လီမိတက်က တင်ပို့ခွင့် ရရှိထားသည်။
ဘီယာချက်စက်ရုံ၊ စီးကရက်စက်ရုံ၊ သောက်ရေသန့် ထုတ်လုပ်ရေး လုပ်ငန်းများ၊ သကြားစက်၊ ပလတ်စတစ် ထုတ်လုပ်သည့် စက်ရုံလုပ်ငန်းများလည်း လုပ်ကိုင်ထားသည်။ ထိုသို့ စီးပွားရေးလုပ်ငန်း အများစုကို လုပ်ကိုင်ဆောင်ရွက်နေသော်လည်း စစ်ဗိုလ်ချုပ်ကြီးများ ဦးစီးနေခြင်းကြောင့် ထိုလုပ်ငန်းများနှင့်ပတ်သက်၍ ပွင့်လင်းမြင်သာမှုလည်း မရှိပေ။
မြန်မာအစိုးရသည် ၂၀၁၁ ခုနှစ်မှစ၍ အခွန်တိမ်းရှောင်မှု ပပျောက်စေရန် ဆောင်ရွက်နေသော်လည်း နိုင်ငံတော် အဖွဲ့အစည်းများနှင့် စီးပွားရေး ဦးပိုင်လီမီတက်သည် အခွန်ပေးဆောင်ရန် မလိုအပ်ကြောင်း ပြည်တွင်း အခွန်များ ဦးစီးဌာန ညွန်ကြားရေးမှူး ဦးအောင်မိုးကြည်က ၂၀၁၁ ခုနှစ်  နှစ်ဆန်းပိုင်းတွင် ဧရာဝတီသို့ ပြောဆိုခဲ့သည်။
ဦးပိုင် လီမီတက်သည် စစ်အစိုးရလက်ထက် နိုင်ငံ၏ စီးပွားရေး လုပ်ငန်းအများအပြားကို ဦးစီးထားပြီး လက်ရှိ ဦးသိန်းစိန် အစိုးရ လက်ထက်တွင်လည်း ထိုလုပ်ငန်းများကို လက်ဝါးကြီးအုပ် ချူပ်ကိုင်ထားဆဲ ဖြစ်သည်။ စင်ကာပူနှင့် တရုတ်နိုင်ငံက ရင်းနှီးမြှုပ်နှံ ထားသည့် စီပွားရေး လုပ်ငန်းအများစုနှင့် အကျိုးတူ ပူးပေါင်းလုပ်ကိုင်နေကြောင်း ၀ီကီလိ(ခ်) ၌ ဖော်ပြထားသည်။
ကာကွယ်ရေး ၀န်ကြီး ဒု ဗိုလ်ချုပ်ကြီး ဝေလွင်ပြောသကဲ့သို့ ဦးပိုင်နှင့် ကြေးနီစီမံကိန်းသည် တပ်မတော် အောက်ခြေရဲဘော်များ၊ အငြိမ်းစား တပ်မတော်သားများ မိသားစုများ၏ သက်သာချောင်ချိရေးအတွက် ဖွဲ့စည်းထားခြင်းဟု ပြောဆိုနေသည့်တိုင် အမှန်တကယ် အကျိုးအမြတ် ခံစားနေသူများမှာ တပ်မတော်၏ ထိပ်ပိုင်း ခေါင်းဆောင်များသာ ဖြစ်ကြောင်း သိရသည်။
တပ်ရင်းတခုလျှင် ကျပ်ငွေသိန်း ၂၀၀ မှ ၃၀၀ စီ ထည့်ဝင်ရကြောင်း၊ ထိုသို့ ထည့်ဝင်နိုင်ရန်အတွက် အောက်ခြေရဲဘော်များက အစ တပ်မတော်သားများ၏ လစာထဲမှ စုငွေအဖြစ် လစဉ် ဖြတ်တောက်သည့်အတွက် လစာကျပ်ငွေ တသိန်းအောက်သာ ရရှိသည့် ရဲဘော် မိသားစုများမှာစားဝတ်နေရေး ကျပ်တည်းလေ့ရှိသည်ဟု စစ်တပ်အသိုင်းအ၀ိုင်းက ပြောသည်။
ဦးပိုင် လီမိတက်သည် ၂၀၀၇ ခုနှစ်တွင် ရင်းနှီးမှုရန်ပုံငွေ ကျပ်သန်းပေါင်း ၄၀၀၀၀ အထိခွင့်ပြုခဲ့ကြောင်း မောင်အောင်မျိုး၏ စာအုပ်၌ ရေးသားထားသည်။ ရှယ်ယာထည့်ဝင်ရသည့် တပ်ရင်းများအတွက် အကျိုးအမြတ်ငွေကို ရှယ်ယာအများစု ထည့်ဝင်သည့်သူများအား နှစ်စဉ်ထုတ်ပေးကြောင်းလည်း သိရသည်။

 

 

 

အိုဘားမားရဲ့ ရန်ကုန်ခရီးစဉ်အကြောင်း တစေ့တစောင်း

အောင်ဇော်

အမေရိကန်သမ္မတ အိုဘားမားရဲ့ခရီးစဉ်ကို ပြည်တွင်းပြည်ပက စိတ်ဝင်တစားနဲ့ လေ့လာစောင့် ကြည့် နေကြပါတယ်။ ရန်ကုန်က လက်ဖက် ရည်ဆိုင်တွေမှာ ရုံးတွေ ပလက်ဖောင်းတွေမှာ အမေရိကန်သမ္မတရဲ့ခရီးစဉ်အကြောင်း၊ ကြို ရောက်နေတဲ့ Secret Service လုံခြုံရေး အဖွဲ့ဝင်တွေအကြောင်း၊ အိုဘားမားကို သယ်ဆောင်လာမယ့် Air Force One လေယာဉ်ပျံနဲ့ သူစီးမယ့် မော်တော်ကားအကြောင်း တွေ လည်းပါဝင်ပါတယ်။

အိုးဘားမားခရီးစဉ်က မြန်မာပြည်ရဲ့ လက်ရှိဖြစ်ပေါ်နေတဲ့ နိုင်ငံရေး ပွင့်လင်းလာမှုကို ဘယ်လောက် အထောက်အကူဖြစ်မလဲ။ သမ္မတ ဦး သိန်းစိန်အစိုးရ လိုအပ်နေတဲ့ တရားဝင်ဖြစ်မှု Legitimacy ကို အပြီးအပိုင် ပေးလိုက်တာပဲလား၊ အမေရိကန်အစိုးရ အစဉ်အဆက်ပြော ခဲ့တဲ့ ဒီမိုကရေစီရေးနဲ့ လူ့အခွင့်အရေးကို လေ့လာပြီးပြောမှာလား၊ ဒါ့အပြင် မြန်မာနဲ့ မြောက်ကိုရီးယားစစ်ရေးအရ ဆက်ဆံမှုကို ဖြတ် တောက်ဖို့ကိစ္စ ထည့်သွင်းဆွေးနွေးမလား စတဲ့ သုံးသပ်ချက်တွေလည်း ရှိနေခဲ့ပါတယ်။ နိုင်ငံရေး အကျဉ်းသားတွေ ဘယ်တော့ ဘယ် လောက်ထပ် လွှတ်ပေးမလဲဆိုတဲ့ မေးခွန်းတွေလည်း ရှိပါတယ်။

အမေရိကန် ထိပ်တန်းသံတမန်တဦးကတော့ သမ္မတအိုးဘားမားရဲ့ မြန်မာပြည်ခရီးစဉ်က လုပ်ကိုလုပ်ဆောင်ရမယ့် ခရီးစဉ်ဖြစ်ပါတယ်၊ ဒါပေ မယ့် Controversial အငြင်းအခုံ မဖြစ်ဘူးလို့တော့ ပြောလို့မရပါဘူးလို့ ဆိုပါတယ်။ မနှစ်ကစပြီး မြန်မာနဲ့ အမေရိကန် ဆက်ဆံရေး ကပြန်ပြီး ကောင်းလာတယ်လို့ သုံးသပ်လို့ရပါတယ်။ ၂၀၁၁ ခုနှစ်ဒီဇင်ဘာလမှာ အမေရိကန် နိုင်ငံခြားရေးဝန်ကြီး ဟီလာရီကလင်တန် မြန်မာပြည်ကို လည်ပတ်ခဲ့တယ်။ မြန်မာအစိုးရဘက်က နာမည်ကြီး နိုင်ငံရေးအကျဉ်းသားတွေကို လွှတ်ပေးခဲ့တယ်။ တိုင်းပြည်အတွင်း မှာနိုင်ငံရေးပွင့်လင်း မှုတွေ ပိုပြီးရှိလာတယ်လို့ ဆိုရမှာပါ။ အမေရိကန်နဲ့ မြန်မာအစိုးရ ကြားမှာလည်း ပထမဆုံး ပူးတွဲပြီး လူ့အခွင့်အ ရေး ဆွေးနွေးဝိုင်း US-Burma Human Rights Dialogue ကို နေပြည်တော်မှာ မကြာခင်က ကျင်းပခဲ့ပါတယ်။ ဒေါ်အောင်ဆန်း စုကြည် တက်ရောက်ခဲ့ သလို မြန်မာ အစိုးရ ထိပ်ပိုင်း အရာရှိကြီးတွေနဲ့ စစ်တပ်အရာရှိကြီးတွေလည်း တက်ရောက်ခဲ့ကြပါတယ်။ အမေရိကန် ဘက် ကတော့ လူ့အခွင့်အ ရေးနဲ့ ပတ်သက်တဲ့ ဌာနက ထိပ်ပိုင်းအရာရှိတွေအပြင် အမေရိကန်စစ်ဘက်နဲ့ လုံခြုံရေးဆိုင်ရာ အရာရှိကြီး တွေလည်း ပါဝင်တက် ရောက်ခဲ့တာတွေ့ရပါတယ်။

ဒါဟာ မြန်မာ အမေရိကန်ဆက်ဆံရေးရဲ့အချိုးအကွေ့တခုဖြစ်ပြီး ဒီဆွေးနွေးပွဲကို အမေရိကန်ဘက်က အတော့်ကို ကျေနပ်ခဲ့တယ်လို့ သိရပါ တယ်။ ဒါ့အပြင် ရွေးကောက်ပွဲမှာ ပြန်ပြီး အနိုင်ရခဲ့တဲ့ သမ္မတအိုဘားမားရဲ့နိုင်ငံခြားရေးပေါ်လစီရဲ့အောင်မြင်မှုကို ပြန်ကြည့်မယ် ဆိုရင် အရှေ့တောင် အာရှမှာတော့ မြန်မာဟာ အတော့်ကို မျက်နှာရတဲ့ အောင်မြင်မှုလို့ အမေရိကန်တွေက သုံးသပ်ရှုမြင်ကြပါတယ်။ အိုဘားမား သမ္မတ ဖြစ်ပြီး ချမှတ်ခဲ့တဲ့ စည်းကမ်းတကျ တွေ့ဆုံနှိုင်းညှိတဲ့ မူဝါဒ Principled Engagement Policy အတိုင်း အရင်က မြန်မာ စစ်အစိုးရ နဲ့ရော ပြည်တွင်း ပြည်ပအတိုက် အခံတွေနဲ့ပါ ထိတွေ့ဆက်ဆံခဲ့တဲ့ ပေါ်လစီရဲ့ရလာဒ်လို့ ပြောလို့ရပါတယ်။

ဒါပေမယ့် မြန်မာပြည်မှာ ဖြစ်ပေါ်နေတဲ့ “Reform” “အပြောင်းအလဲ” ဆိုတာက အကန့်အသတ်နဲ့ပဲ သွားနေတာဖြစ်တယ်။ အိုဘားမားရဲ့ခရီး စဉ်က အခုအချိန်မှာ မသွားသင့်သေးတဲ့ ခရီးစဉ်ဖြစ်တယ်လို့လဲ ဝေဖန်သူတွေ ရှိနေ ပါတယ်။ မြန်မာအစိုးရက နိုင်ငံရေးအ ကျဉ်းသားတွေကို ဆက်ပြီး ဖမ်းဆီးထိန်းသိမ်းထားဆဲ ဖြစ်ပါတယ်။ နိုင်ငံတကာနဲ့ သူရဲ့အကြားမှာ အပေးအယူလုပ် ကစားရမယ့်အချိန်တွေမှာ ဒီနိုင်ငံရေးအ ကျဉ်း သားတွေကို ဓားစာခံတွေလို လွှတ်ပေးပြီးမျက်နှာကောင်းရအောင် လုပ် လေ့ရှိသူဖြစ်တယ်လို့ စွပ်စွဲခံရပေါင်းများခဲ့ပြီ ဖြစ် ပါတယ်။ ကချင်ပြည်နယ်မှာ တိုက်ပွဲတွေဆက်ဖြစ်နေချိန် ရခိုင်ပြည်နယ်မှာ လူမျိုးရေး ဘာသာရေး ပဋိပက္ခတွေတင်းမာနေဆဲအချိန်၊ အကန့်အသတ်နဲ့လုပ်နေတဲ့ နိုင်ငံရေး အပြောင်းအလဲလို့ စွပ်စွဲချက်တွေရှိနေတဲ့ အချိန်မှာ ဘာလို့မြန်မာပြည်ကို သွားရတာလဲလို့ သမ္မတအိုဘားမားကို မေးခွန်း ထုတ်ကြတာဖြစ်ပါတယ်။

မြန်မာပြည်အရေး လေ့လာရေးသမားဖြစ်တဲ့ ပရော်ဖက်ဆာ ဒေးဗစ်စတိုင်းဘက်ကတော့ သမ္မတအို ဘားမားကဒီဒေသတွင်းကကမ္ဘောဒီယား မှာကျင်းပတဲ့ အစည်းအဝေးကို တက်ဖို့လာရင်း သူရဲ့မဟာမိတ်ဖြစ်တဲ့ ထိုင်းနိုင်ငံကိုဝင်တယ်၊ ပြီးတော့ ပြုပြင်ပြောင်းလဲရေးတွေဖော်ဆောင် နေတဲ့ မြန်မာနိုင်ငံကို ၀င်တယ်။ တကယ်လို့များ အထက်ပါ တားမြစ်ချက်တွေကြောင့် အမေရိကန်သမ္မတက မြန်မာနိုင်ငံလိုမျိုး နိုင်ငံတွေကို မလည်ပတ်သင့်ဘူးဆိုရင် မ လည်ပတ်ဘဲ နေရမယ့် နိုင်ငံတွေ အတော်များများ ရှိသွားမှာပေါ့လို့ ဆိုပါတယ်။

အိုဘားမားရဲ့ခရီးစဉ်မှာ အမေရိကန်အစိုးရရဲ့ အသစ်ချမှတ်ထားတဲ့ အာရှပစိဖိတ်ဒေသတွင်း ဆိုင်ရာ မဟာဗျူဟာတွေနဲ့လဲ သက်ဆိုင် နေ တယ်လို့ သုံးသပ်ကြပါတယ်။ အီရတ်နဲ့ အာဖဂန်နစ္စတန်မှာ စစ်ပွဲတွေ အဆုံးသတ်ချိန်မှာ အမေရိကန်က အာရှပစိဖိတ်ကို ဗဟိုပြု (Pivot toward Asia) ဆိုတဲ့ ကြွေးကြော်သံနဲ့ ပြန်ပြီး သူရဲ့ ပစိဖိတ်ပါဝါကို ပြန်ယူမယ်လို့ ကြွေးကြော်ခဲ့တာ ဖြစ်ပါတယ်။ ဒီပေါ်လစီက စီးပွားရေး၊ စစ်ရေးနဲ့ နိုင်ငံရေးအရ သြဇာအာဏာ ဖြန့်ကျက်လာနေတဲ့ တရုတ်ကို ဦးတည်တာလို့ သုံးသပ်ကြပါတယ်။ ဒါပေမယ့် မြန်မာ အမေရိကန် ဆက်ဆံရေး ပြန်ကောင်းလာတာက တရုတ်နိုင်ငံရဲ့အကျိုးစီးပွားကို ထိခိုက်ဖို့ ဆုတ်ယုတ်ဖို့ မဟုတ်ပါဘူးလို့ အမေရိကန် ဘက်ကအတိအ လင်း ပြောကြားထားခဲ့ပါတယ်။ ဒါပေမယ့် တရုတ်နိုင်ငံကို အများကြီး မှီခိုခဲ့ရတဲ့ အရပ်သားအစိုးရအဖြစ် အသွင်ပြောင်း ထားတဲ့ စစ်အစိုးရ ခေါင်းဆောင်ဟောင်း ဗိုလ်ချုပ်ကြီးဟောင်းတွေကတော့ အမေရိကန်ကြောင့် တရုတ်နဲ့ ဆက်ဆံရေးကို အပျက်ယွင်းခံ မှာမဟုတ်ပါဘူး။ မြန်မာကတော့ အင်အားကြီး နှစ်နိုင်ငံစလုံးကို အဆင်ပြေ အောင် ဆက်ဆံသွားမယ်၊ အဲဒီနှစ်နိုင်ငံစလုံးဆီက ရမယ့် အ ခွင့်အရေးတွေကို ရအောင် ယူမှာပဲလို့ သုံးသပ်မိပါတယ်။

တရုတ်အစိုးရဘက်က မြန်မာ-အမေရိကန်ဆက်ဆံရေး ပြန်ကောင်းလာတာကို ကြိုဆိုတယ်လို့ ယဉ်ယဉ်ကျေးကျေးပြောဆိုတယ်။ ဒါ ပေမယ့် ပီကင်းအခြေစိုက် နိုင်ငံတကာလေ့လာရေးသုတေသီ ဇူဖန်းက အမေရိကန်အနေနဲ့ မြန်မာပြည်အပေါ် ကြွေးကြော်နေတဲ့ လူ့အ ခွင့်ရေး၊ ဒီမိုက ရေစီရေးလို့ ဆိုနေတာတွေက အပေါ်ယံ သကာရည်လောင်း ပြောနေတာသာ ဖြစ်တယ်။ အဓိက အမေရိကန်ရဲ့မဟာဗျူ ဟာအရ မြန်မာဟာ အိန္ဒိယသမုဒ္ဒရာကို ခုန်ပျံကျော်လွှားရောက်ရှိနိုင်တဲ့ တရုတ်ရဲ့ အနောက်ဘက် ထွက်ပေါက် တခုဖြစ်နေတာမို့ အမေရိ ကန်တွေ မြန်မာအပေါ် ဆက်ဆံရေးပြောင်းလဲလာတာလို့ သုံးသပ်ပါတယ်။

အမေရိကန် အိမ်ဖြူတော်က ကျင်းပခဲ့တဲ့ သတင်းစာရှင်းလင်းပွဲမှာတော့ မြန်မာက အရှေ့တောင်အာ ရှ အသင်းဝင် နိုင်ငံတနိုင်ငံဖြစ်တဲ့ အ တွက် အာဆီယံ အဖွဲ့ကြီးနဲ့ ပိုပြီး ပူးပေါင်းဆောင်ရွက်မယ်။ မြန်မာက ပထ၀ီနိုင်ငံရေးအရ အိန္ဒိယသ မုဒ္ဒရာနဲ့ထိစပ်နေပြီးသဘာဝတွင်းထွက် တွေ ကြွယ်ဝတဲ့နိုင်ငံဖြစ်တဲ့အတွက် အမေရိကန်နိုင်ငံအနေနဲ့ စိတ်ဝင်စားမှုရှိတဲ့အကြောင်း ကို လည်း ထည့်သွင်းပြောကြား သွားခဲ့ပါတယ်။ ဒါက အမေရိကန်အပါအ၀င် အနောက်နိုင်ငံတွေက မြန်မာကို တရုတ်ရဲ့သြဇာအောက်က တဖြည်းဖြည်းနဲ့ ဆွဲထုတ်တဲ့ မဟာဗျူဟာလို့ သုံး သပ်ကြပါတယ်။အဲဒီ သတင်းစာရှင်းလင်းပွဲမှာပဲ Myanmar လို့ မသုံးနှုန်းဘဲ အရင်လိုပဲ Burma လို့ဆက်ပြီး ခေါ်ဝေါ်သုံးနှုန်းသွား တာကို လည်း တွေ့ရပါတယ်။

မဟာဗျူဟာအရ မြန်မာနဲ့ဆက်ဆံရေး ပုံမှန်ဖြစ်အောင် ကြိုးစားတဲ့ အမေရိကန်ရဲ့အကျိုးစီးပွားကို အသာထားပြီး အိုဘားမားရဲ့ ရန်ကုန် ခရီး စဉ်ရဲ့ ရည်မှန်းချက်က လူ့အခွင့်အရေး၊ ဒီမိုကရေစီရေးနဲ့ ခရီးစဉ်ကို အချိန်တိုအတွင်း အကျိုးသက်ရောက်မှု များများရှိအောင် ကြိုး စားမယ့် သဘောတွေ့ရပါတယ်။ နေပြည်တော်ကို မသွားဘဲ ရန်ကုန်ကိုပဲ ရွေးခဲ့တယ်။ သမ္မတဦးသိန်းစိန်က သမ္မတအိုဘားမားကို ရန် ကုန်မှာတွေ့ရမှာပါ။ ဒါ့အပြင် ၁၉၈၈ ဒီမိုကရေစီအရေးအခင်းကို စစ်တပ်က ရက်ရက်စက်စက် ဖြိုခွင်းပြီးနောက်ပိုင်းမှာ ပိတ်ခဲ့တဲ့ သမိုင်းဝင် ရန်ကုန်တ က္ကသိုလ်ကို ရွေးချယ်ပြီး မိန့်ခွန်းပြောမှာဖြစ်ပါတယ်။ တိုင်းပြည်မှာ လိုအပ်နေတဲ့ ပညာရေးကိစ္စကို သူရဲ့သမိုင်းဝင်မိန့်ခွန်းမှာ ထည့်ပြောကြား မှာ အမှန်ပါပဲ။ လက်ရှိ တာဝန်ထမ်းဆောင်နေဆဲ အမေရိကန်သမ္မတရဲ့ မြန်မာနိုင်ငံကို လာတဲ့ ပထမဆုံး သမိုင်းဝင်ခရီး မှာ နယ်ချဲ့ကိုရော ပြည်တွင်းဖြစ် စစ်အာဏာရှင်တွေရဲ့ဖိနှိပ်မှုကို အမြဲတမ်းဆန့်ကျင်ခဲ့တဲ့ သမိုင်းဝင် ရန်ကုန်တက္ကသိုလ်မှာ လူ့အခွင့်အ ရေး၊ ဒီမိုကရေစီနဲ့ ပညာရေးအကြောင်းတွေကိုပြောမှာကိုတော့ သိပ်ဆန့်ကျင်စရာ မရှိဘူးလို့ပဲ မြင်မိပါတယ်။

လာဘ်စားမှုများကို ပြည်ထဲရေးဌာန ကိုင်တွယ်အရေးယူမည်

ရွှေအောင်

လာဘ်ပေးလာဘ်ယူမှုတွေကို ထိထိရောက်ရောက် အရေးယူဆောင်ရွက်နိုင်ဖို့ အထောက်အထား အချက်အလက် ပြည့်ပြည့်စုံစုံနဲ့ ဆက် သွယ် တိုင်ကြားနိုင်တယ်လို့ ပြည်ထဲရေးဝန်ကြီးဌာနက ဒီနေ့ နိုင်ငံပိုင် သတင်းစာတွေကနေ သတင်းထုတ်ပြန်လိုက်ပါတယ်။

ပြည်ထဲရေးဌာနရဲ့ ထုတ်ပြန်ကြေညာချက်ထဲမှာ အစိုးရရုံးဌာနတွေမှာ ငွေကြေး ဒါမှမဟုတ် ပစ္စည်း တောင်းဆိုပေးကမ်းမှုတွေ ရှိနေဆဲ ဖြစ်ပြီး ဒါတွေဟာ ဒီမိုကရေစီနိုင်ငံတော် တည်ဆောက်ရေးမှာ လက်ခံလို့မရတဲ့ ဆိုးဝါးတဲ့ အကျင့်စရိုက်တွေဖြစ်ပြီး တိုင်းပြည်နဲ့ လူမျိုး ဂုဏ်သိက္ခာကို ထိခိုက်စေတဲ့အတွက် ထိထိရောက်ရောက် တိုက်ဖျက်အရေးယူ ဆောင်ရွက်သွားရမယ်လို့ ဖော်ပြပါတယ်။

လာဘ်စားမှုတွေကို ပြည်သူတွေအနေနဲ့ ပြည်ထဲရေးဝန်ကြီးဌာန၊ ၀န်ကြီးရုံးနဲ့ အထူးစုံစမ်းစစ်ဆေးရေးဌာနတို့ကို ဆက်သွယ်တိုင်ကြား နိုင် ပြီး၊ ဆက်သွယ်နိုင်တဲ့ ဖုန်းနံပါတ်နဲ့ ဖက်စ်နံပါတ်တွေလည်း သတင်းစာမှာ ဖော်ပြထားပါတယ်။

တိုင်ကြားလိုသူတွေအနေနဲ့ ဘယ်လို အချက်အလက် အထောက်အထားတွေ တင်ပြတိုင်ကြားရမှာလဲလို့ ဆက်သွယ်မေးမြန်းတဲ့အခါ အဲ့ ဒီအ တွက် အသေးစိတ်ထုတ်ပြန်ဖို့ ပြင်ဆင်နေတုန်းပဲလို့ ပြည်ထဲရေး ၀န်ကြီးရုံး တာဝန်ရှိသူတဦးက ပြောပါတယ်။

သတင်းကြေညာချက်မှာ ဖော်ပြထားတဲ့ ဖုန်းနံပါတ်တွေကို ဆက်သွယ်တိုင်ကြားလို့ ရ မရ အခြေအနေနဲ့ပတ်သက်ပြီး အခုလို ပြောပါ တယ်။

“ဘယ်အချက်တွေကို တိုင်ကြားချင်တယ်ဆိုရင် အချက်အလက်တွေရေးလိုက်ပါ။ ပြီးရင် ဖက်စ်နံ ပါတ် ပေးပါမယ်၊ ဖက်စ်ထိုးပေးလိုက်ပါ။ စစ် ဆေးပြီးရင် အခြေအနေကို ပြန်ကြားပေးပါမယ်။”

တိုင်ကြားသူရဲ့ လုံခြုံရေးအတွက် စီမံထားမှု အခြေအနေနဲ့ ပတ်သက်ပြီး မေးမြန်းရာမှာ အခုလို ပြောပါတယ်။

“တိုင်တဲ့သူကိုလည်း ဖော်ထုတ်မှာ မဟုတ်ဘူး။ ဒီလူကတိုင်ပါတယ်လို့လည်း ပြောမှာမဟုတ်ပါဘူး။ မှန်တယ်ဆိုရင် စိစစ်ဖော်ထုတ်မယ်၊ သက် ဆိုင်ရာ ဌာနကို အကြောင်းကြားပြီးတော့ အရေးယူဖို့လုပ်မယ်။ လိုအပ်ရင် အထက်ဌာနကို တင်ပြမယ်။ ဘယ်သူတိုင်တယ်ဆိုတာ ကိုတော့ ဖော်ထုတ်ဖို့ မရှိပါဘူး။”

လာဘ်ပေးလာဘ်ယူမှုတွေကို အခုလို ၀န်ကြီးဌာနတခုတည်းက အရေးယူဆောင်ရွက်ရုံနဲ့ လုံလောက်မှု ရှိမရှိ၊ တိုင်ကြားသူတွေအတွက် ဥပဒေ အရ ဘယ်လိုအကာအကွယ်ပေး ဆောင်ရွက်သင့်သလဲ ဆိုတာနဲ့ ပတ်သက်ပြီး ရန်ကုန်မြို့က တရားလွှတ်တော်ရှေနေ့ ဦးကိုနီက အခုလို ပြောပါ တယ်။

“ပြည်ထဲရေး ၀န်ကြီးဌာနက လာဘ်လာဘ်ယူကိစ္စတွေကို ဖော်ထုတ်အရေးယူပေးဖို့တာဝန်ရှိတယ်။ တချိန်တည်းမှာ မှန်မှန်ကန်ကန် သတင်း ပေးသူတွေကိုလည်း ကာကွယ်ပေးဖို့ တာဝန်ရှိတယ်။ ဘာလို့လဲဆိုတော့ အုပ်ချုပ်ရေး အာဏာ ပိုင်ဆိုတာ နိုင်ငံတော်ငြိမ်ဝပ်ပိပြားရေး၊ အေး ချမ်းသာယာရေးကို တာဝန်ယူရတဲ့ အဖွဲ့ဖြစ်တယ်။ လာဘ်ပေးလာဘ်ယူဆိုတာ ဥပဒေချိုး ဖောက်တဲ့ ကိစ္စ၊ လာဘ်ပေးလာဘ်ယူမှုကို မဖြစ် အောင် ဟန့်တားဖို့ရော၊ အကာအကွယ်ပေးဖို့ရော ဒါဟာ သူတို့ လုပ်ရမယ့် တာဝန်ပဲ။ တကယ် ထိထိရောက်ရောက် အလုပ်လုပ်တာကို လိုချင် ပါတယ်၊ ထိထိရောက်ရောက်လည်း အရေးယူပေးပါ။ တိုင်တဲ့သူကိုလည်း ကာ ကွယ်ပေးပါ။ အဲလိုမဟုတ်ဘဲ အပြောပဲ ပြောနေမယ်ဆိုရင်ဒီ ကိစ္စက တော်တော်တော့ ပြောဖို့ခက်ပါတယ်။ လာဘ်ပေးလာဘ်ယူ အများ ဆုံးလုပ်နေတာက ဘယ်အ၀န်းအ၀ိုင်းလဲဆိုတာ မေးလိုက်ရင်ကို အဖြေကပေါ်နေပါပြီ။ ဒါက ဆက်စပ်မှုရှိနေပါတယ်။ ဆိုပါတော့. အုပ် ချုပ်ရေးဆိုင်ရာ ၀န်ထမ်းတွေ၊ တရားရေးဆိုင်ရာ ၀န်ထမ်းတွေ၊ လာဘ် စားလို့ရတဲ့နေရာမှာ ရှိနေတဲ့သူတွေ။ တချိန်တည်းမှာ အရေးယူ ရမယ့်သူတွေကလည်း သူတို့ပဲဖြစ်နေတယ်လေ။ အုပ်ချုပ်ရေးဝန်ထမ်း ဆိုတာ အများကြီး. စည်ပင်ရှိမယ်၊ ရဲတပ်ဖွဲ့ရှိမယ်၊ လူဝင်မှုကြီးကြပ် ရေး ရှိမယ်ဗျာ။ နေရာတိုင်းက သူတို့ရဲ့ လုပ်ပိုင်ခွင့် အာဏာကို လာဘ်ငွေယူပြီး တ လွဲသုံးနိုင်တာပဲ။ ဒါကြောင့် လာဘ်ပေးလာဘ်ယူ ကိစ္စ ဟာ တော်တော်ကို ကျယ်ကျယ်ပြန့်ပြန့် ဆွေးနွေးတိုင်ပင်လုပ်ရမယ်။ မူဝါဒတွေ ကောင်း ကောင်းချမှတ်ပြီး လုပ်ရမယ်။ ဘက်ပေါင်းစုံ တ ရား ရေးနဲ့ အုပ်ချုပ်ရေးပူးပေါင်းပြီး လုပ်ရမယ်။ အဓိကက ထိပ်ပိုင်းက မူဝါဒချမှတ်ပေးသူတွေ ကောင်းကောင်းမွန်မွန် မူဝါဒချမှတ်ပေးပြီး သူတို့ချမှတ်ပေးတဲ့ မူဝါဒ စည်းကမ်းတွေကိုလည်း တိတိကျကျ အောက်လူတွေ လိုက်နာအောင်၊ အပေါ်က ဥပဒေလုပ်ပေးလိုက်မယ်. အောက်ကလူတွေ လိုက်နာတာ မလိုက်နာတာ သူတို့ကိစ္စဆိုပြီးထားမယ်ဆိုရင် တရားဥပဒေစိုးမိုးရေးဟာ ဖြစ်လာမှာမဟုတ်ဘူး။”

ပြည်ထဲရေးဝန်ကြီးဌာနအနေနဲ့ ကတော့ အခုလို လာဘ်ပေးလာဘ်ယူကိစ္စ တိုင်ကြားချက်တွေကို လွန်ခဲ့တဲ့ ၂၀၀၆ ခုနှစ်ကတည်းက လက်ခံ ဆောင်ရွက်ပေးနေတာလို့ တာဝန်ရှိသူက ပြောပါတယ်။

ခေတ်ကာလအချိန်နဲ့ လိုက်လျောညီထွေရှိပြီး နိုင်ငံတကာစံနဲ့ ကိုက်မယ့် အဂတိလိုက်စားမှု တိုက်ဖျက်ရေး ဥပဒေ လွှတ်တော်မှာရေးဆွဲ နေ ပြီး လာဘ်ပေးလာဘ်ယူမှု ကင်းရှင်းအောင် ဆောင်ရွက်ရာမှာ ပြည်သူလူထုရဲ့ အကူအညီ ရယူဖို့ အထူးလိုအပ်တယ်လို့ ပြည်ထဲရေး ဌာန ကြေညာ ချက်မှာ ဖော်ပြထားပါတယ်။

ကမ္ဘာ့နိုင်ငံတွေရဲ့ အကျင့်ပျက်ချစားမှုတွေကို စောင့်ကြည့်လေ့လာတဲ့ နိုင်ငံတကာ ပွင့်လင်းမြင်သာမှုအဖွဲ့ Transpararency International ကတော့ မြန်မာ၊ မြောက်ကိုရီးယား၊ ဆိုမားလီးယားနဲ့ အာဖဂန်နစ္စတန်နိုင်ငံတွေကို လာဘ်စားမှု အဆိုးရွားဆုံးတိုင်းပြည် တွေအဖြစ် နှစ်စဉ် ထုတ်ပြန်တဲ့ အစီရင်ခံစာတွေမှာ ဖော်ပြထားပါတယ်။

လက်ပံတောင်း ဖြိုခွင်းမှု ပြည်တွင်း ပြည်ပ သံဃာများ ဆန္ဒဖော်ထုတ်

ကျော်ခ

လက်ပံတောင်းတောင် ကြေးနီးစီမံကိန်း သပိတ်စခန်းများကို အစိုးရက အကြမ်းဖက်ဖြိုခွဲမှုနှင့် ပတ်သက်ပြီး ပြည်တွင်းပြည်ပရှိ ရဟန်းသံ ဃာ များက လက်ရှိအစိုးရကို ဆန္ဒထုတ်ဖော်မှုများပြုလုပ်ကြပြီး ဆက်လက်လုပ်ကြရန်လည်း ရှိကြောင်း သတင်းရရှိသည်။

သပိတ်စခန်းများရှိ သံဃာတော်များနှင့် ဒေသခံလူထုကို အကြမ်းဖက်ဖြိုခွင်းခံရမှုနှင့်ပတ်သက်၍ ရန်ကုန်၊ မန္တလေး၊ ချောက်မြို့ များအပါ အ ဝင်ထိုင်းနိုင်ငံ ဘန်ကောက်ရောက် မြန်မာသံဃာတော်များကလည်း အစိုးရ၏ လုပ်ဆောင်ချက်ကို ရှုတ်ချလိုက် ကြပြီး တာဝန်ယူ ဆောင် ရွက် ပေးရန် အသီးသီးတောင်းဆိုလိုက်ကြသည်။

မန္တလေးမြို့ပေါ်တွင် သီတင်းသုံးနေကြသော မြို့ခံ သံဃာတော် အပါး တစ်ရာကျော်နှင့် လူပုဂ္ဂိုလ်များခန့်က ယနေ့မွန်းလွဲပိုင်း ၁ နာရီမှ ၂ နာ ရီကျော်ထိ ချမ်းအေးသာစံမြို့နယ်၊ အိမ်တော်ရာဘုရားဝန်းအတွင်း ထိုင်သပိတ်ပုံစံဖြင့် ဆန္ဒဖော်ထုတ်ခဲ့ကြောင်း ဦးဆောင်ဆရာတော် များက ဧရာဝတီသို့ မိန့်ကြားသည်။

“၂၉ ရက်နေ့မနက်ပိုင်းက မီးလောင်ဗုံးတွေ၊ မီးသတ်ပိုက်တွေ၊ မျက်ရည်ယိုဗုံးတွေနဲ့ အကြမ်းဖက်ဖြိုခွဲခံ ရတဲ့အပေါ်မှာ ထိခိုက်ဒဏ်ရာရသွား တဲ့ သံဃာတော်တွေနဲ့ ပြည်သူတွေအတွက် ဦးပဉ္ဇင်းတို့က ကန့်ကွက်ရှုတ်ချတယ်ပေါ့နော်၊ ဒီအ ကြမ်းဖက်မှု အပေါ်မှာ တာဝန်ရှိတဲ့ပုဂ္ဂိုလ် တွေကနေပြီးတော့ အားလုံးကျေနပ်သည်ထိအောင် ပွင့်လင်းမြင်သာမှု ရှိရှိဖြေရှင်းပေးရမယ် ဆိုပြီးတော့ ဦးပဉ္ဇင်းတို့ ဒီမှာထိုင်ပြီးတော့ တောင်း ဆိုတာပါ” ဟု ဦးဆောင်ဆရာတော် ဦးသောဘိတ က မိန့်သည်။

လက်ရှိ ဦးသိန်းစိန်အစိုးရအနေဖြင့်လည်း ဒီမိုကရေစီအစိုးရဖြစ်ကြောင်း အသွင်သွင်ပြောဆိုထားသကဲ့ ပွင့်လင်းမြင်သာမှု ရှိသော ဒီမိုက ရေစီ လမ်းစဉ်ကိုသွားမည့် အစိုးရတစ်ရပ်ဖြစ်လိမ့်မည်ဟုလည်း ယုံကြည်ထားကြောင်း၊ လက်ပံတောင်းတောင် နှိမ်နင်းမှုကို အရေးယူ ဆောင်ရွက် ပေးခြင်း၊ တိုင်းသိပြည်သိ တောင်းပန်ခြင်း၊ ဒေသခံလူထု၏ အခက်ခဲများကို ငဲ့ကွက်ခြင်း မရှိပါက မန္တလေး သံဃာတော်များ အနေဖြင့် အစိုး ရကို ဆက်လက်ဆန္ဒဖော်ထုတ်သွားရန်ရှိကြောင်း ဆက်လက်မိန့်ကြားသည်။

ရန်ကုန် သံဃာတော်များကလည်း မြို့လည်ရှိ ဆူးလေဘုရားအရှေ့ဘက် မုခ်တွင် စတင် စုရုံးကာ ဦးပိုင် ကုမ္ပဏီထိ လက်ပံတောင်း အ ကြမ်း ဖက်နှိမ်နင်း ခံရမှုကို မြင်သာထင်သာရှိအောင်ထုတ်ဖော်၍ တရားဥပဒေအရ အရေးယူပေးရန်၊ ဒဏ်ရာ ရရှိသူ ရဟန်း ရှင်ပြည်သူ များကို အ စိုးရက အန္တရယ်ကင်းစွာ တာဝန်ယူကုသပေးရန်၊ လက်ပံတောင်းတောင်အရေး ဆန္ဒပြမှုဖြင့် ဖမ်းဆီးခံ ထားရသူများပြန်လွှတ် ပေးရေးနှင့်ဝမ် ပေါင်ကုမ္ပဏီကို မြန်မာနိုင်ငံမှ အမြန်ဆုံးထွက်ခွာသွားရေးကို ဦးသိန်းစိန် အစိုးရမှ တာဝန်ယူလုပ်ဆောင်ပေးရန် တို့ကို တောင်းဆိုကြသည်။

“အပ်တိုတစ်ချောင်းမှ မရှိတဲ့ ပုဂ္ဂိုလ်တွေကို အကြမ်းဖက်နှိမ်နှင်းတယ်၊ ဒီမိုကရေစီလို့ပြောပြီးတော့ အာ ဏာရှင်စရိုက်တွေကို ကျင့်သုံးနေ တယ်ဆိုတာကို မြန်မာကရော၊ ကမ္ဘာကရောသိအောင် ဦးပဉ္ဇင်းတို့ ဖော်ထုတ်ရပါလိမ့်မယ်” ဟု ဦးဆောင်ဆရာတော် ဦးပါမောက္ခက ဧရာဝတီ သို့ မိန့်ကြားးသည်။

အလားတူ မကွေးတိုင်း ချောက်မြို့ပေါ်ရှိ စာသင်တိုက်များမှ သံဃာတော်များ၊ မြို့ခံလူပုဂ္ဂိုလ်များက ကန့်ကွက်ရှုံ့ချပွဲတခုကို မြို့ပေါ်ရှိ အေး စေတီ ဘုရားဝန်းထဲတွင် စုပေါင်းပြုလုပ်ခဲ့ကြသည်။ ချောက်မြို့နယ် သံဃာတော်များအနေဖြင့် အဆိုပါဖြစ်ရပ်များနှင့်ပတ်သက်၍ ဒေါ်အောင် ဆန်းစုကြည်၏ ညှိနိုင်းမှု၊ အစိုးရ၏ ကိုင်တွယ်ဖြေရှင်းပုံကိုစောင့်ကြည့်လေ့လာသွားဦးမည်ဟု ဆိုသည်။

“ဒေါ်အောင်ဆန်းစုကြည်ကလည်း ဒီအပေါ်မှာ စောင့်ကြည့်သွားမယ်၊ ကြားဝင်ပြီး စေ့စပ်သွားမယ်ဆိုတဲ့ စကားကို ပြောထားတာ ကြောင့် သူ့ကို ယုံကြည်အားကိုးတဲ့ အနေနဲ့ ဘယ်လိုကြားဝင်စေ့စပ်မှာလည်း ဆိုတဲ့ အပေါ်မှာ ဦးပဉ္ဇင်းတို့ စောင့် ကြည့်သွားမယ်၊ အကြမ်းဖက်မှုအပေါ် အစိုးရရဲ့ ကိုင်တွယ်မှုအပေါ်လည်းစောင့်ကြည့်သွားမယ်၊ နောက်ဆုံး ဦးပဉ္ဇင်းတို့ တောင်းဆိုချက် တွေကို ဘာမှ လုပ်မပေးဘူးဆိုရင် နိုင်ငံအ ဝန်းမှာရှိတဲ့ မြို့နယ်အလိုက် သံဃာတွေကနေပြီးတော့ ဒီထက် ပြင်းထန်တဲ့ အရေးယူမှုတွေ ဆန္ဒပြမှုတွေ လုပ်ဆောင်သွားဖို့ ရှိပါတယ်” ဟု ဦးဆောင်ဆရာတော် ဦးရေဝတ က ဧရာဝတီသို့ မိန့်သည်။

တချိန်တည်းမှာပင် မြန်မာ့ အိမ်နီးချင်း ထိုင်းနိုင်ငံတွင်ရောက်ရှိနေသော သံဃာအချို့က ဘန်ကောက်မြို့ရှိ မြန်မာ သံရုံးရှေ့တွင် ယနေ့မွန်း လွဲပိုင်းက အစိုးရအနေဖြင့် အကြမ်းဖက်မှုများ ရပ်တံ့ပေးရန်၊ ဒေသခံပြည်သူများ၏ တောင်းဆိုချက်လိုက်ရောပေးရန်၊ အကြမ်းဖက် မှုအတွက် စုံစမ်းစစ်ဆေးပြီး အရေးယူဆောင်ရွက်ပေးရန်၊ ဒဏ်ရာရ ရဟန်းရှင်နှင့် ပြည်သူများကို အစိုးရက တာဝန် ယူပေးရန်၊ သဘာဝ ပတ်ဝန်းကျင် ပျက်စီးမှုများကို ကုလသမဂ္ဂနှင့် နိုင်ငံတကာ ပတ်ဝန်းကျင် ထိန်းသိန်းရေးအဖွဲ့များက အရေးယူပေးရန် တောင်းဆိုကြသည်။

မြန်မာသံရုံးရှေ့တွင် ဆန္ဒပြ သံဃာတော်များက ၎င်းတို့၏ တောင်းဆိုချက်များကို ကမ္ဘာလုံးဆိုင်ရာ ကုလသမဂ္ဂရုံး၊ ထိုင်းနိုင်ငံဆိုင်ရာ မြန် မာ သံရုံး၊ မြန်မာနိုင်ငံဆိုင်ရာ ပြည်နယ်နှင့်တိုင်း အစိုးရအဖွဲ့ဝင်များ၊ ကိုယ်ပိုင်အုပ်ချုပ်ခွင့်ရ တိုင်းနှင့် ပြည်နယ်များကို ပေးပို့သွားမည်ဖြစ် ကြောင်း သိရသည်။

“ပြည်တွင်း၊ ပြည်ပမှာရှိတဲ့ သံဃာတော်တွ၊ လက်ပတောင်း တောင် ဒေသမှာ လက်တွေ့ခံစားနေကြရတဲ့ ပြည်သူတွေရဲ့ဒုက္ခတွေ၊ အ ကြမ်း ဖက်ဖြိုခွင်းခံရတဲ့ သံဃာတွေရဲ့ ဆန္ဒတွေ ဒီဆန္ဒတွေကို ဦးပဉ္ဇင်းတို့က တောင်းဆိုတာဖြစ်တဲ့အတွက် ကြောင့် အစိုးရ အနေနဲ့ကတော့ ဒီမိုက ရေစီလမ်းကြောင်းကို သွားနေတယ် ဆိုရင် ပြည်သူတွေရဲ့ ဆန္ဒကို လိုက်ရောပေးရလိမ့်မယ်လို့ ဒီလိုပဲ ယုံကြည်ပါတယ်၊ ပြည်သူတွေရဲ့ဆန္ဒ ကိုမှ မလိုက်ရောနိုင်ဘူးဆိုရင် သူတို့ဒီမိုကရေစီကိုသွားနေတယ်ဆိုတာ ဘယ်လိုမှ မဖြစ်နိုင် ဘူးလေ” ဟု ဦးဆောင် ဆရာတော်အရှင်တေ ဇက ဧရာဝတီသို့ မိန့်သည်။

အိန္ဒိယနိုင်ငံ နယူးဒေလီမြို့တွင်လည်း အိန္ဒိယရောက် သံဃာတော်များနှင့် မြန်မာ့ဒီမိုကရေစီအင်အားစုများက လက်ပံတောင်းအကြမ်း ဖက် မှုကို ရှုတ်ချကြောင်း ဆန္ဒထုတ်ဖော်မှုများ ပြုလုပ်ရန်ရှိကြောင်း သိရသည်။

လက်ပံတောင်းအရေး အေးဆေးမသွားဘဲ ပြည်တွင်း ပြည်ပရှိ သံဃာတော်များအနေဖြင့် ထပ်မံဆန္ဒဖော်ထုတ်သွားရန် ရှိကြောင်း ဧရာဝ တီ က စုံစမ်းသိရှိရသည်။

၂၀၀၇ ရွှေဝါရောင်တော်လှန်ရေးတွင် အဦးဆုံးဆန္ဒထုတ်ဖော်ခဲ့သော ပခုက္ကူသံဃာများကလည်း လက်ပံတောင်း ကြေးနီစီမံကိန်းရပ်ဆိုင်း ရေး အပါအဝင် ဦးပိုင်ကုမ္ပဏီ၏ ဥပဒေချိုးဖောက်လုပ်ဆောင်မှုများကို ဆန့်ကျင်သွားမည်ဖြစ်ပြီး အစိုးရအနေဖြင့် ဆောင်ရွက်ပေးနိုင်ခြင်း မရှိ ပါက နိုင်ငံလုံးဆိုင်ရာ သံဃာ့ သပိတ်ဆင်နွှဲသွားမည်ဟု ပခုက္ကူ ဆရာတော် ဦးလက္ခဏ က ဧရာဝတီသို့ မိန့်ကြားသည်။

အကြမ်းဖက်မှုများနှင့် ပတ်သက်ပြီး ယနေ့မနက်ပိုင်းတွင်လည်း စစ်ကိုင်းမြို့ပေါ်ရှိ ဇောတိကရွာမ စာသင်တိုက်ရှိ သံဃာ အပါး ၁၂၀၀ ကျော် က တိုင်းဝန်ကြီးချုပ် ဦးသာအေး လာရောက်ကပ်လှူသောဆွမ်းကို လက်မခံဘဲသပိတ်မှောက်လိုက်ကြောင်း ပြည်တွင်း ပြည်ပ သတင်းဌာန များကဖော်ပြကြသည်။

သူပုန်ကျောင်းသားတဦးရဲ့ မာရသွန်ခရီး (၅၀)

ထက်အောင်ကျော်

ပဉ္စမအကြိမ် ညီလာခံအပြီး အသစ်တက်လာတဲ့ ဗဟိုကော်မတီဝင်များ ခွပ်ဒေါင်းအလံကိုင်ပြီး သစ္စာဆိုနေစဉ်

ပဉ္စမအကြိမ်ညီလာခံနဲ့ ဇလားဒုက္ခသည်စခန်း

ဒီလို ဒုက္ခသည်လျှောက်မှုကိစ္စတွေ အငြင်းပွားလို့ ကောင်းတုန်းမှာပဲ ပဉ္စမအကြိမ်ညီလာခံ ခေါ်ယူလာတဲ့အတွက် ထိုင်းနိုင်ငံမြောက်ပိုင်းရှိ မယ် စရိယန်းမြို့နယ်နဲ့ သံလွင်မြစ်ကြားရှိ ဇလားဒုက္ခသည် စခန်းဆီသွားဖို့ ကျနော်တို့ ပြင်ဆင်ရပါတယ်။ ကျနော်မှတ်မိသလောက်ဆိုရင် ကိုမင်း အောင်က ကိုယ်စားလှယ်အဖြစ် အရွေးမခံတော့ပါ။ ကျနော်ကတော့ တပ်ကိစ္စမလုပ်ဘဲ သတင်းထောက်အလုပ်ချည်း လုပ်နေလို့ ရဲဘော်တွေ က ကျနော့်ကို ကိုယ်စားလှယ်အဖြစ် မရွေးတော့ပါ။ နောက်တခါ ကျဆုံး-နှုတ်ထွက် ဦးရေများသွားတဲ့အတွက် တပ်ရင်း ၁ လူဦးရေဟာ ၇၀၀န်း ကျင်လောက်ပဲကျန်ပြီး အရင်က ကိုယ်စားလှယ် ၁၀ ကျော် ခွဲတမ်းရနေရာကနေ အခုတော့ ကိုယ်စားလှယ် ၆ ဦးပဲ ရပါတော့ တယ်။

ကျန်နေတဲ့ ရင်း ၁ ရဲဘော်အများစုဟာ တပ်ရင်း ၁ အခြေစိုက်စခန်းတွေဖြစ်တဲ့ ဟွာဟင်ဖက်က စ ခန်းသစ်နဲ့ စန်ခရဘူရီဖက်က ကလော့ကာ နီ စခန်းတွေနဲ့စာရင် ဗဟိုဌာနချုပ်ရှိ ဌာနခွဲအသီးသီးမှာ တာဝန်ထမ်းနေသူ ဦးရေကတောင် ပိုများနေတဲ့သဘောမျိုး ဖြစ်သွားပါတယ်။ ဘာပဲ ဖြစ်ဖြစ် KNU က အပစ်အခတ် ရပ်စဲရေး လုပ်သွားရင်၊ ဒါမှမဟုတ် အရေးပေါ်အခြေအ နေ တခုခုဖြစ်လာရင် တောင်ပိုင်းဒေသ ABSDF နောက် ဆုံး စုရပ်စခန်းအဖြစ် ရည်ရွယ်ပြီး ကျနော်တို့ ရှာဖွေခဲ့တဲ့ ဟွာဟင်က စခန်းသစ် ဟာ ဒီနေ့ မင်းသမီးစခန်းခွာစစ်မှာ အသုံးတည့် သွားပါတယ်။ မင်းသမီးဒေသက ဆုတ်လာတဲ့ တပ်ရင်း ၁ နဲ့ တပ် ရင်း ၇ အပြင် အရင် ထပ်စကဲဖက်ရှိ ကိုမိုးသီးဇွန်တို့ဖက်က တပ်တွေပါ စခန်းသစ်အထိ လာရောက် စုရုံးကြတယ်လို့သိရပါတယ်။ ဒါကြောင့် စခန်းသစ်ဟာ ၂၀၀၀ ပြည့်လွန်နှစ်တွေအထိ တောင်ပိုင်းဒေသရဲ့ နောက်ဆုံး ABSDF စ ခန်းအဖြစ် ရပ်တည်နိုင်ခဲ့ပါတယ်။ (တောင်ပိုင်းဒေသဆိုတာဟာ ဘုရားသုံးဆူ၊ မွန်နယ်မြေ အောက်ဖက်က တနင်္သာရီတိုင်းကို ဆိုလိုတာ ဖြစ် ပါတယ်။ ဒီနေ့ အင်တာနက်သတင်းတွေမှာ သုံးနေကြသလို မာနယ်ပုလော အခြေစိုက် အဖွဲ့အားလုံးကို တောင် ပိုင်းလို့ခေါ်ပြီး ကချင်ပြည် နယ် အခြေစိုက်အဖွဲ့တွေကို မြောက်ပိုင်းလို့ ခေါ်ခြင်းကို အဲ ဒီကာလက ကျနော်တို့ မကြားဖူးပါ)။

အဲဒီ နောက်ပိုင်းမှာတော့ တပ်ရင်း ၁ ရဲဘော်အားလုံးကို စန်ခရဘူရီဖက်ရွေ့ပြီး အခုချိန်အထိ မွန်နဲ့ ကရင်နယ်စပ်မှာ တပ်ရင်း ၁ မှူး ကို သိန်း လွင် ဦးဆောင်တဲ့အဖွဲ့က လှုပ်ရှားနေဆဲလို့ သိရပါတယ်။ ဗဟို ဖက်သွားတဲ့အခြေနေကို ပြန်ကောက်ရမယ်ဆိုရင် တပ်ရင်း ၁ ကနေ ရွေးချယ် ခံရတဲ့ ကိုယ်စားလှယ် ၆ ဦးထဲမှာ ဒေါက်တာနိုင်အောင်၊ ကိုကျော်ကျော်၊ ကိုမျိုးဝင်း၊ ကိုဌေးအောင်၊ ကိုခင်မောင်ဝင်း စသဖြင့် ဗဟိုကလူ ချည်း ၅ ဦးပါဝင်ပြီး တပ်မှူးတွေထဲက ဆရာအောင်မြင့် တဦးပဲ ပါတယ်လို့ ကျနော်အမှတ်ရနေတယ်။ ကိုယ်စားလှယ်ထဲ မပါ တော့တဲ့ ဗဟိုကော်မီတီဝင်ဟောင်း ကိုမင်းအောင်နဲ့ ကျနော်ကတော့ ညီလာခံမတိုင်မီ ကျင်းပမယ့် ဗဟိုကော်မတီ အစည်းဝေးတက်ဖို့ ဇလားစခန်းဆီ ရောက်သွားတဲ့ သ ဘောပါ။

မယ်စရိယန်းမြို့နဲ့ ဇလားစခန်းအကြား ကားလမ်းကြမ်းဟာ ဆိုးဝါးတဲ့အပြင် တောင်ကျော်-တောဖြတ် သွားရတဲ့အတွက် အတော်အန္တ ရာယ် များပါတယ်။ ကျနော်တို့လိုပဲ တခြားတပ်ရင်း၊ စခန်း အသီးသီးက ကိုယ်စားလှယ်တွေ၊ ဗဟိုကော်မတီဝင်တွေ၊ တပ်မှူးတွေလည်း ဇလားစခန်း ဆီ ရောက်လာကြပါတယ်။ ဗဟိုကော်မတီ အစည်းအဝေး ကျင်းပတဲ့နေရာဟာ ဇလားစခန်းရှိ ကျောင်းသားတွေ နေထိုင်ရာ ရပ်ကွက်ရဲ့ အ နောက်ဖက် လျှိုမြောင်လေးကြားထဲက အင်ဖက်မိုး၊ မြေစိုက်၊ အစည်းဝေးခန်းမမှာ ဖြစ်ပါတယ်။ တောကြီးမျက်မည်းထဲက တောင်နံရံ ၂ ခုကြား ရှိ စမ်းချောင်းတလျှောက် ဖြစ်သလိုဆောက်ထားတဲ့ ဒီစခန်းထဲမှာ လူဦးရေ ၁ သောင်းကျော်ရှိပြီး ရွာတန်းအရှည်က ၄-၅ မိုင်လောက် ရှိမယ်လို့ ကျနော် ထင်ပါတယ်။ လုံခြုံရေးဂိတ်ရှိတဲ့ စခန်းအ၀င်ဝကနေ ကျောင်းသားရပ်ကွက်ရှိတဲ့ နေရာလောက်ပဲ ကျနော်ရောက်ဖူးပြီးစခန်း ဟိုဖက် ထိပ်အထိ မရောက်ဖူးလိုက်ပါ။

ကျောင်းသားရပ်ကွက်ရဲ့ရှေ့စမ်းချောင်းလေးဘေးမှာ ခပ်ကျဉ်းကျဉ်း ဘော်လီဘော သို့မဟုတ် ပိုက်ကျော်ခြင်းလည်း ကစားလို့ရတဲ့ ကွင်း တ ခုရှိပါတယ်။ အဲဒီကွင်းရဲ့ ဟိုဖက်ထောင့်မှာ စီးပွားရေး အမြင်ရှိတဲ့ ကျောင်းသားဟောင်း တဦးပိုင်တဲ့ ဗီဒီယိုရုံ၊ အဲဒီနေရာ နှစ်ခုကြားက နေ တောင်ကုန်းလေးပေါ် လမ်းလျှောက်တက်လာမယ်ဆိုရင် သစ်တိုင်၊ ၀ါးကြမ်းခင်း၊ ၀ါးထရံကာ၊ အင်ဖက်မိုးနဲ့ ဆောက်ထားတဲ့ အ်ိမ် ထောင် သည်လိုင်းတဲအိမ်ငယ်တွေ အစီအရီ။ ကလေးငိုသံ၊ ခွေးဟောင်သံ၊ ၀က်အော်သံတွေ၊ BBC, VOA, RFA, DVB ရေဒီယိုအသံတွေနဲ့ဆူညံလို့ပေါ့။ ၁၀ မိနစ်လောက်လျှောက်ပြီးတဲ့အခါ တောင်နံရံမှာ ကပ်ဆောက်ထားတဲ့ ဗဟိုအလယ်တန်းကျောင်းကို တွေ့ရမှာဖြစ်ပါ တယ်။ ABSDF ရဲ့မျိုး ဆက်သစ် ကျောင်သားဦးရေ ၅၀ ကျော်ရှိတဲ့ အဲဒီကျောင်းဆောင်နေရာကနေ အောက်ကိုပြန်ကြည့်မယ်ဆိုရင် စမ်း ချောင်းလေးတလျှောက် ကွေ့ကောက်၊ ကြပ်ညှပ်နေတဲ့တဲအိမ် အမိုးတွေ၊ မီးခိုးတန်းတွေ၊ တဖက်ခြမ်းက တောင်နံရံတွေကို လှမ်းမြင်နေရ ပါတယ်။

ဒီစာသင်ကျောင်းနဲ့ မျက်နှာချင်းဆိုင် အခြားတဖက် တောင်နံရံမှာတော့ အတွင်းရေးမှုး ၁ ကို စိုင်း မြင့်သူရဲ့ ရုံးခန်းနဲ့ ဗဟိုဆက်သွယ်ရေးဌာန။ အဲဒီဘေးမှာ အတွင်းရေးမှုး ၂ ကိုမျိုးဝင်းရဲ့ ရုံးခန်းနဲ့ အစည်းဝေးခန်းတခု။ သူတို့နှစ်ဦးရဲ့ရုံးခန်းကိုပဲ ဒီမှာတွေ့ရပြီး ဥက္ကဌ ၂ ဦးနဲ့ အထွေထွေ အတွင်းရေးမှူးတို့ရဲ့ ရုံးခန်းကိုတော့ မတွေ့ရပါဘူး။ ထိုင်းနဲ့ နိုင်ငံတကာဆီ တာဝန်နဲ့ ခရီးသွားနေရတာ များတာကြောင့် ဆက်သွယ်ရေးခက်ခဲ တဲ့ ဒီလိုဒုက္ခသည်စခန်းမှာ သူတို့ ရုံးခန်းမထားတာ ဖြစ်မယ်လို့ ယူဆရပါတယ်။ အဲဒီ အတွင်းရေးမှူး ၂ ရုံး အောက်ဖက်မှာတော့ ဗဟိုရုံးအဖွဲ့မှူး ကိုမြင့်အောင်ရဲ့ တဲအိမ်နဲ့ ကျနော်တို့ ကိုယ်စားလှယ်အားလုံး ညာဥထီး (ငါးပိရည်) နဲ့ ၀ါးတီးဖွင့်ရာ ဗဟိုစားဖိုဆောင်၊ ဒီနေရာကနေ အပေါ် ဘက် ဆက်တက်သွားမယ်ဆိုရင် ဦးထွန်းကျော်ရုံးထိုင်တဲ့ ဗဟိုတရား ရေးဌာန၊ ဒီလိုရှိသမျှ တဲငယ်ပေါင်းစုံကိုကျော်ပြီး အဝေးကနေလှမ်း မမြင်နိုင်တဲ့ ခမ်းလှမ်းလှမ်းက တောအုပ်လေးထဲ ၁၅ မိနစ်လောက် ထပ်တက်သွားမယ်ဆိုရင်တော့ ဗဟိုကော်မတီ အစည်းဝေးကျင်းပ မယ့် သို့မဟုတ် ပဉ္စမအကြိမ်ညီလာခံ ကျင်းပမယ့် မြေစိုက် ခန်းမငယ် တခုကို တွေ့ရမှာဖြစ်ပါတယ်။

အင်း … ဒီဇလားဒုက္ခသည်စခန်းမှာနေတဲ့ လူတွေကိုလည်း ဒုက္ခသည်အဖြစ် ခေါ်ကြပေမယ့် ရှေ့မှာ ကျနော်ပြောခဲ့တဲ့ ဘန်ကောက်နဲ့ မနီ လွိုင် စခန်းရောက် နိုင်ငံရေးဒုက္ခသည်နဲ့ အဓိပ္ပာယ်မတူပြန်ပါဘူး။ နောက်တခါ ဒီစခန်းရှိ ABSDF တပ်ဖွဲ့ဝင် ကျောင်းသားတွေ ကိုယ်တိုင် လည်းဒုက္ခ သည် ခွဲတမ်းရဆန်ကို စားနေကြပေမယ့် သူတို့ကိုယ်သူတို့ ဒုက္ခသည်လို့ ခံယူမထားကြပါဘူး။ အခြေနေအရ တခြားနေစရာ မရှိလို့ ဒီစခန်း မှာ ခဏလာနေတဲ့ သဘော၊ အခြေနေပေးတာနဲ့ မြန်မာနယ်ဖက်ပြန်ပြီး တော်လှန်ရေး ဆက်လုပ်မယ်လို့ ခံယူထားသူတွေ ဖြစ်ပါတယ်။ ပိုရှင်း အောင်ပြောရရင် နယ်စပ်ရှိ ဒုက္ခသည်စခန်းထဲက ကျောင်းသားတွေက ယာယီ ဒုက္ခရောက်နေသူတွေဖြစ်ပြီး တတိယ နိုင်ငံထွက်ဖို့လမ်းကို မရွေးချယ်သေးသူတွေ၊ ဘန်ကောက်နဲ့ မနီလွိုင်ဒုက္ခသည် စခန်းထဲက ကျောင်းသားတွေကတော့ တတိယနိုင်ငံ ထွက်ဖို့ ဆုံးဖြတ်ထား ပြီးသူ တွေလို့ ပြောနိုင်မယ်ထင်ပါတယ်။

“ဘာလို့ နိုင်ငံခြားထွက်မှာလဲကွာ၊ ဒီမှာနေရလို့ ရသလောက် ဆက်နေရမှာပေါ့။ နယ်စပ်မှာဆက် နေနေတာကိုက ရန်သူစစ်အစိုးရကို မကျေ နပ်ဘူး၊ စစ်အစိုးရကို အာခံနေတယ်ဆိုတာကို ပြသနေခြင်း တမျိုးပါပဲ” ဆိုပြီး ဇလားစခန်းရှိ တက်ကြွတဲ့ ဗဟိုကော်မီတီဝင်တဦးက ကျနော့်ကို ပြောပါတယ်။ ဒါပေမယ့် ပြီးခဲ့တဲ့ ၅ နှစ်ခန့်ကတော့ အဲဒီ ဗဟိုကော်မီတီဝင်ကို တတိ ယနိုင်ငံတခုမှာ အမှတ်မထင် ကျနော် တွေ့လိုက်ရပါ တယ်။ “ဘယ်လိုလဲ … ရဲဘော်ကြီး။ ဒဿနတွေ ပြောင်းသွားပြီလား” လို့ ကျနော်က နောက်နောက်ပြောင်ပြောင် မေးလိုက်မိပါတယ်။ “မ ပြောင်း ပါဘူး၊ မြန်မာနိုင်ငံဆီ မပြန်ဘဲ တတိယနိုင်ငံမှာ နေနေတာကိုက ရန်သူစစ်အ စိုးရကို မကျေနပ်ဘူး၊ စစ်အစိုးရကို အာခံနေတယ် ဆို တာကို ပြသနေခြင်း တမျိုးပါပဲ” လို့ သူကဖြေပါတယ်။

လမ်း ၃ သွယ် အငြင်းပွားမှုနဲ့ ရေရှည်နိုင်ငံရေး အမြင်ရှိသူများ

”ဒုက္ခသည်” အဓိပ္ပာယ်ဖွင့်ဆိုချက် ငြင်းခုန်မှုကနေ ”ကျောင်းသား” အဓိပ္ပာယ် ဖွင့်ဆိုချက် ငြင်းခုန်မှုဘက် လှည့်ရအောင်ပါ။ “ကျောင်းသားဆို တာ အသက်အရွယ် ကန့်သတ်ချက်ရှိတယ်။ တသက်လုံး ကျောင်းသားလုပ်နေလို့ ဘယ်ဖြစ်မလဲ” ဆိုတဲ့ ဆွေးနွေးချက်။ အဲဒီ ဗဟိုကော်မီအ စည်းဝေးမှာ ငြင်း ခုန်ကြတာကို ကျနော်မှတ်မိနေပါတယ်။ ဆိုလိုတာကတော့ သက်တန်း ၁၀ နှစ်ကျော်ရှိလာပြီဖြစ်တဲ့ ABSDF ဗဟိုကော်မတီ ၀င်တွေထဲမှာ တချို့လူတွေက မိသားစုတွေနဲ့၊ ကလေးတွေနဲ့ ဖြစ်နေပြီ။ တချို့က ဆံပင်ဖြူတွေ တချောင်းနှစ်ချောင်းမက အချောင်းပေါင်းများ စွာ ထိုး ထွက်နေပါပြီ။ အသက်အရွယ်ကလည်း ၄၀ ကျော် ၅၀ တန်းဖြစ်နေပြီဆိုတော့ ကျောင်းသားဆိုတဲ့ အမည်အစား တခြားအမည်တခုခု ကို ပြောင်းရင်ကောင်းမလားဆိုပြီး အဲဒီပုဂိုလ်တွေက စတင်စဉ်းစားလာတာပါ။ အဲဒီအချိန်မှာ အသက် ၃၀-၀န်းကျင်သာရှိ သေးတဲ့ကျနော် တို့ ကတော့ ဒီလူတွေရဲ့ တင်ပြချက်ကို ၀ိုင်းဟားပေါ့။

ဒါပေမဲ့ အသေအချာ ဆွေးနွေးတဲ့အခါမှာတော့ သူတို့ရဲ့တင်ပြချက်ဟာ အသက်ကြီးလာတာ တခုတည်း မဟုတ်ဘဲ ပြောင်းလဲလာနေတဲ့ ကမ္ဘာ့နိုင်ငံရေး။ မြန်မာ့နိုင်ငံရေး။ ပထ၀ီနိုင်ငံရေး အခြေအနေတွေနဲ့ ဆက်စပ်နေပါတယ်။ အထူးသဖြင့် လက်နက်ကိုင် တော်လှန်ရေး လုပ် ငန်းစဉ် ကို အားမပေးချင်တော့လို့ အလှူငွေဖြတ်မယ်ဆိုပြီး ခြိမ်းခြောက်နေတဲ့ အနောက်တိုင်းအလှူရှင်တွေရဲ့ ဖိအားနဲ့ အပစ်ခတ်ရပ်စဲရေး လုပ်သွားတဲ့ တိုင်းရင်းသားအဖွဲ့တွေရဲ့ အနေထားတွေက အဓိကနေရာက ပါဝင်တယ်လို့ ကျနော်ထင်ပါတယ်။ ဒီဆွေးနွေးချက်ကို လမ်း ၃ သွယ်ဆွေးနွေး ချက်လို့ အများကခေါ်ကြပြီး ABSDF အဖြစ် ဆက်ရပ်မလား။ နိုင်ငံရေးပါတီတခုအဖြစ် အသွင်ပြောင်းမလား။ ဒါမှမဟုတ် နိုင်ငံရေးလုပ်ချင် သူတွေ ABSDF ကနေ နုတ်ထွက်ပြီး ပါတီသစ် ထောင်ချင်ထောင်၊ ရှိပြီးသားပါတီတွေထဲ ၀င်ချင်ဝင် စသဖြင့် ဆွေးနွေး ကြပါတယ်။ ဒါပေမယ့် ဒီဆွေးနွေးချက်ဟာ ချက်ချင်းဆုံးဖြတ်လို့ မရနိုင်ဘဲ အချိန်ယူလုပ်ဆောင်မှ သင့်တော်မယ့် ကိစ္စဖြစ်တာကြောင့် ဒီဗဟိုကော်မတီ အစည်းဝေးမှာ မဆုံးဖြတ်သေးဘဲ ပဉ္စမအကြိမ်ညီလာခံ သက်တမ်းအတွင်း တက်လာမယ့် ဗဟိုကော်မီတီအသစ်က ဆက်လက်ဆောင်ရွက်ဖို့ ကျနော်တို့ ဆုံးဖြတ်ခဲ့ပါတယ်။

မဟာမိတ်ကိစ္စ၊ တပ်တွေ နေရာချထားရေးကိစ္စ၊ ခေါင်းဆောင်ပိုင်းတွေ တာဝန်ကျေမှု ရှိ မရှိ ကိစ္စတွေ ဆွေးနွေးတဲ့အခါမှာ အတော်ပွဲဆူခဲ့ ပါ တယ်။ ၂ ဖက် ပြန်လည်ပေါင်းစည်းထားတာ ၂ နှစ် ကျော်နေပြီဆိုပေမယ့် တသားတည်း မဖြစ်သေးဘူးလို့ ကျနော်စိတ်ထဲ ခံစားရပါ တယ်။ အဆိုတခု တင်လိုက်ရင် အဲဒီအဆိုမှာ ပါဝင်တဲ့ အကြောင်းအရာထက် အဲဒီအဆိုကို ဘယ်ဘက်ကလူ (ဒေါက်တာ နိုင်အောင် ဘက်က လူလား၊ မိုးသီးဇွန်ဘက်က လူလား) တင်သလဲဆိုတာက ပိုအရေးကြီးသလို ဖြစ်နေခဲ့ပါ တယ်။ တခါ ဥက္ကဌအပါဝင် ဗဟိုကော် မတီဝင်တချို့ မိန်းမယူ တဲ့ကိစ္စတွေကိုလည်း တော်လှန်ရေး ခေါင်းဆောင်တွေ မိန်းမယူသင့် မယူသင့် ငြင်းခုန်ခဲ့တာကို ကျနော်မှတ်မိနေ ပါတယ်။ ဒီလို ငြင်းရင်းခုန် ရင်းနဲ့ ဖေဖော်ဝါရီလ ၇ ရက်နေ့မှာ စတင်တဲ့ အစည်းဝေးဟာ ၁၈ ရက်နေ့မှ ပြီးတဲ့အတွက် ၁၂ ရက်တိတိ ကြာ သွားခဲ့ပါတယ်။

အမှန်အတိုင်း ၀န်ခံရမယ်ဆိုရင် သတင်းထောက်ရူး ရူးနေတဲ့ကျနော်ဟာ တခြားရဲဘော်တွေလို ဗဟိုကော်မတီ တာဝန်နဲ့ စခန်းတာဝန် တွေ ကို သိပ်စိတ်မ၀င်စားတော့ပါဘူး။ ဗဟိုကော်မတီ အစည်းဝေးအတွင်း လမ်း ၃ သွယ်ကိစ္စကို သူများတွေ အသည်းအသန် ငြင်းနေ ချိန်မှာ ကျနော် က အဲဒါတွေထက် ဘန်ကောက်ပို့စ် သတင်းစာဆီ ပို့ထားတဲ့ ရတနာဓာတ်ငွေ့ ပိုက်လိုင်းအကြောင်း ဆောင်းပါး ဒီတပတ် ပါ မပါ၊ ဒီဗီဘီအ တွက် ပို့ထားတဲ့သတင်းတွေ ပုံမှန်ပါ မပါဆိုတာတွေကို ပိုစိတ်ဝင်စားနေတဲ့အချိန် ဖြစ်ပါတယ်။

ကျနော်အပါဝင် ဒီလို ခေါင်းရှောင်ပြီး ထွက်သွားသူတွေကို ”အချောင်သမား” တွေအဖြစ် တချို့ ခေါင်းဆောင်တွေက အမြင်စောင်းမှုတွေ ရှိခဲ့ ပါတယ်။ ”မင်းကတော့ အနေအစားချောင်တဲ့ သတင်းထောက်ပဲ ဆက်လုပ်ပေါ့ကွာ” ဆိုပြီး ဗဟိုထိပ်ပိုင်း ခေါင်းဆောင်တဦးက ကျနော့်ကို နောက်သလိုလိုနဲ့ နှိပ်ကွပ်ခဲ့တာကို မှတ်မိနေဆဲဖြစ်ပါတယ်။ ဒါပေမယ့် ဘာမှမတတ်နိုင်။ သတင်းထောက် လုပ်ခြင်းဟာလည်း တော်လှန်ရေး ကို တခြားပုံစံတခုနဲ့ ဆက်လုပ် တယ်။ လွတ်လပ်စွာ ပြောဆိုခွင့်၊ သတင်းလွတ်လပ်ခွင့် တွေဟာလည်း ABSDF ရည်ရွယ်ချက် ၄ ခုထဲက ဒီမို ကရေစီ ရရှိရေးထဲမှာပါ တယ် လို့ ကိုယ်ဖာသာ ရှေ့နေလိုက်ပြီး ဗဟိုကော်မတီ အစည်းဝေးပြီးတာနဲ့ ဇလားစခန်းကနေ ကျနော်ထွက် လာ ခဲ့ပါတယ်။

ခေါင်းဆောင်မှု အပြောင်းအလဲနဲ့ NDD ပေါ်လာခြင်း

ဖေဖော်ဝါရီလ ၂၆ ရက်နေ့မှာတော့ စီစဉ်ထားတဲ့အတိုင်း ပဉ္စမအကြိမ် ညီလာခံကို ကျင်းပခဲ့တယ်လို့ သိရပါတယ်။ အောက်ခြေစခန်းတွေ၊ ဗဟို ကော်မတီတာဝန်တွေနဲ့ ကင်းကွာသွားတဲ့ ဘန်ကောက်အခြေစိုက် DVB သတင်းထောက် ကျနော်ဟာ ABSDF အကြောင်း အသေး စိတ် အခြေ နေတွေကို သိပ်မသိတော့ပါဘူး။ ရဲဘော်တွေနဲ့ တွေ့မိ၊ မေးမိသမျှ အချက်လက်တွေ၊ မှတ်တမ်းတွေအရဆိုရင် ပဉ္စမအကြိမ် ညီလာခံမှာ ကိုနိုင် အောင်၊ ကိုမိုးသီးဇွန် အပါဝင် ခေါင်းဆောင်ဟောင်းတွေ အများစုပဲ ဗဟိုကော်မတီအဖြစ် ပြန်အရွေးခံခဲ့ရပါတယ်။

ဥက္ကဌအဖြစ် ဒေါက်တာ နိုင်အောင်၊ ဒုဥက္ကဌအဖြစ် ကိုမိုးသီးဇွန်၊ အထွေထွေ အတွင်းရေးမှုးအဖြစ် ကိုအောင်သူငြိမ်း၊ အတွင်းရေးမှူး (၁) အဖြစ် ကိုစိုင်းမြင့်သူ၊ အတွင်းရေးမှူး ၂ အဖြစ် ကိုလှဌေးတို့ ရွေးချယ်ခံရပါတယ်။ ဗဟိုဦးဆောင် ကော်မတီဝင်တွေ အဖြစ်ကတော့ ကိုအောင်နိုင် (အ နောက်ပိုင်း /မြောက်ပိုင်း)၊ ကိုခင်မောင်ဝင်း (နိုင်ငံခြားရေး)၊ ကိုမျိုးးဝင်း (စည်းရုံး/ပြန်ကြား)၊ ကိုဌေးအောင်၊ ကိုကျော်ကျော်နဲ့ ကိုဝင်းနိုင် ဦးတို့ ဖြစ်ပါတယ်။ ဗဟိုကော်မတီဝင်တွေ အဖြစ်ကတော့ ကိုသံခဲ (အနောက်ပိုင်း)၊ ကိုမြတ်သူ (စည်းရုံးရေးဌာန)၊ ကိုဆလိုင်းယောအောင် (ဘဏ္ဍာရေးဌာန တာဝန်ခံ)၊ကိုအောင်ခိုင် (ဘဏ္ဍာ ရေးဌာန ဒု တာဝန်ခံ)၊ ကိုဇော် ဝင်းလွင် (ထောက်ပံ့ရေးဌာန)၊ ကိုကျော်ကိုကိုဝင်း (နယ်မြေအလုပ် အဖွဲ့၊ တောင်ပိုင်း)၊ ကိုမင်းမင်း (နယ်မြေအလုပ်အဖွဲ့၊ တောင်ပိုင်း)၊ ကို သိမ်းဆန်း (နယ်မြေ အလုပ်အဖွဲ့၊ တပ်ရင်း ၂၊ ၃)၊ကိုခင်မောင်ဆွေ။ ကို အောင်နိုင်ဦး-(နိုင်ငံခြားရေး-အတွင်းရေးမှုး)။ ကိုဆန်နီ-(နိုင်ငံခြား ရေး တွဲဘက်အတွင်းရေးမှူး)၊ ကိုခင်ကျော် (စစ်ရုံးချုပ်တာဝန်ခံ)၊ ကိုဝင်း မင်း (နယ်မြေအလုပ်အဖွဲ့၊ တပ်ရင်း ၈၊ ၉)၊ ကိုလွမ်းဏီ (ပြန်ကြား ရေးဌာန)၊ ကိုကျော်သူရိန် (ပညာရေးဌာန)၊ ကိုဇော်လွင်စိုး၊ ကိုထွန်းထွန်း အောင် (အရံ ဗဟိုကော်မတီဝင်)၊ ကိုမောင်မောင်ကြီး (ဗဟိုဌာန ချုပ်ရေးရာ) နဲ့ ကိုဇော်ကိုနိုင် အပါအ၀င် စုစုပေါင်း ဗဟိုကော်မတီဝင် ၃၀ ဦး ဖြစ်ပါတယ်။

ဒီကော်မတီ သက်တမ်းကာလအတွင်း ရှေ့မှာပြောခဲ့တဲ့ လမ်း ၃ သွယ်ကိစ္စကို ဆက်လက်ဆွေး နွေးခဲ့ပြီး တပ်ရင်းအဆင့် အောက်ခြေအ ဆင့် အထိ အသေးစိတ်ချပြခဲ့ကြောင်း၊ အဲဒီနောက် ရဲဘော်တဦးချင်းစီရဲ့ ဆန္ဒတွေကို လွတ်လပ်စွာ ခံယူဆုံးဖြတ်ခဲ့တယ်လို့ သိရပါတယ်။ အဲဒီလို ဆန္ဒခံယူပွဲမတိုင်မီ အကြောင်း အမျိုးမျိုးကြောင့် ဥက္ကဌ ဒေါက်တာ နိုင်အောင်၊ ဒုဥက္ကဌ ကိုမိုးသီးဇွန် အပါအ၀င် ထိပ်ပိုင်းခေါင်း ဆောင်တချို့ တာဝန်ကနေ နုတ်ထွက်ကြပြီး အတွင်းရေးမှူး ၁ ကိုစိုင်းမြင့်သူက ယာယီဥက္ကဌအဖြစ် အသွင်ကူးပြောင်းရေး ကြားကာလတ ခုကို တာဝန်ယူ ခဲ့တယ်လို့ ဗဟိုကော်မတီဝင်ဟောင်းတွေက ပြောပြခဲ့ပါတယ်။

ဒီလိုနဲ့ ၂၀၀၀ ခုနှစ် နှောင်းပိုင်းမှာ ထွက်ပေါ်လာတဲ့ ဆုံးဖြတ်ချက်အရ တပ်ဖွဲ့ဝင်အများစုဟာ ABSDF အဖြစ် ဆက်ရပ်ဖို့ ဆုံးဖြတ်ခဲ့ ကြောင်း၊ ဒါပေမယ့် တချိုကတော့ NDD (Network for Democracy and Development ) ဒီမိုကရေစီနဲ့ ဖွံ့ဖြိုးတိုးတက်ရေး ကွန်ရက်အဖွဲ့အဖြစ် အသွင်း ပြောင်းခဲ့ကြောင်း။ အနည်းအကျဉ်းကတော့ ABSDF ကနေ ပြီးနူတ်ထွက်ပြီး လူ့ဘောင်သစ် ဒီမိုကရက်တစ်ပါတီထဲ ၀င် သွားတယ်လို့ သိရ ပါ တယ်။

အဲဒီလို အသွင်ပြောင်းသွားသူတွေထဲမှာ ဒေါက်တာ နိုင်အောင်က NDD ရဲ့အတွင်းရေးမှူးချုပ်ဖြစ်လာပြီးသူနဲ့အတူကိုစိုင်းမြင့်သူ၊ကို ကျော်ကျော်၊ ကိုဌေးအောင်၊ ကိုခင်မောင်ဝင်း၊ ကိုအောင်နိုင် အပါဝင် ABSDF ခေါင်းဆောင်ဟောင်း အတော်များများ ပါသွားပါတယ်။ ကို မိုးသီး ဇွန်း အပါအ၀င်တခြား ထိပ်ပိုင်းခေါင်းဆောင် တချို့ကတော့ လူ့ဘောင်သစ် ဒီမိုကရက်တစ်ပါတီ၊ တနည်းအားဖြင့် ABSDF မှာ တာဝန် မ ထမ်းခင် ကတည်းက အရင် သူတို့ရဲ့ မိခင်ပါတီထဲ ပြန်ဝင်သွားကြတယ်လို့ သိရပါတယ်။

ကျနော်တို့ တပ်ရင်း ၁ က ပုဂ္ဂိုလ်တွေဖြစ်တဲ့ ဆရာအောင်မြင့်၊ ကိုကျော်ထင်၊ ကိုမြင့်အောင် စသဖြင့် အတော်များများလည်း NDD ဆီပါသွား တယ်လို့ သိရပါတယ်။ ABSDF ရဲဘော်တွေ ရာနဲ့ချီပြီး NDD ဆီ ပါသွားပေမယ့် နိုင်ငံရေး အလံ ၂ ခု သွားတယ်ဆိုပေမယ့် ရဲဘော်အား လုံးဟာ မူလနေရာမှာပဲ အတူတူ ဆက်နေနေပြီး သူ့တာဝန် သူလုပ်၊ ကိုယ်တာဝန်ကိုယ်လုပ်နဲ့ ဘာမှ အချင်းချင်းကြား ပြဿနာ မရှိတဲ့အပြင်အချင်းချင်း တောင် အပြန်အလှန် ကူညီပေးကြတယ်လို့ ကျနော်မေးမြန်းခွင့်ရခဲ့တဲ့ ၂ ဖက် အဖွဲ့ဝင်တွေက ပြောပါတယ်။

အဲဒီနောက်ပိုင်း ၂၀၀၁ ခုနှစ် မတ်လ ၂၃ ရက်နေ့မှာ ကျင်းပတဲ့ ဆဌမအကြိမ် ညီလာခံ မှတ်တမ်း ဓာတ်ပုံထဲမှာတော့ ဒေါက်တာ နိုင် အောင်၊ ကိုမိုးသီးဇွန်နဲ့ အရင် ခေါင်းဆောင်ဟောင်းတွေကို မမြင်ရတော့ပါဘူး။ ဥက္ကဌအသစ် ဖြစ်လာတဲ့ ကိုသံခဲ၊ ဒုဥက္ကဌ ကိုကျော်ကိုကို၊ အထွေထွေ အတွင်းရေးမှူး ကိုမျိုးဝင်း၊ အတွင်းရေးမှူး ၁ ကိုဝေလင်းဇင်၊ အတွင်းရေးမှုး ၂ ကိုသိန်းဆန်းတို့ ဦးဆောင်တဲ့ ၁၇ ဦးပါ ဗဟို ကော်မတီသစ် တက်လာခဲ့ပါတယ်။

ဗဟိုအလုပ်မှုဆောင် ကော်မတီဝင်တွေအဖြစ် ကိုလွဏ်းဏီနဲ့ ကိုဆန်နီ၊ ဗဟိုကော်မတီဝင်တွေအဖြစ် ကိုဆလိုင်းယောအောင်၊ ကိုကျော်သူရ၊ ကိုနေမျိုး၊ ကိုချင်း၊ ကိုမင်းမင်း၊ ကိုမြင့်ဦး၊ မနန်းရင်၊ ကိုအေးမင်းနိုင်၊ အရံဗဟိုကော်မတီဝင်အဖြစ် ကိုမိုးကျော်ဦးနဲ့ ကိုစိုးထွတ်တို့ ဖြစ်ပါတယ်။ အဲဒီချိန်ကစပြီး နောက်ပိုင်း ကျင်းပတဲ့ညီလာခံတွေမှာ ကိုသံခဲကပဲ ဥက္ကဌအဖြစ် ဆက်လက် အရွေးခံရတဲ့အတွက် အခုအချိန်အထိ ကိုသံခဲက ဥက္ကဌအဖြစ် ဆက်လက်တာဝန်ယူပြီး ABSDF ကို ဦးဆောင်နေကြောင်း သိရပါတယ်။ ။