မြန်မာအစိုးရက KIO အား လေကြောင်းမှ အပြင်းအထန် တိုက်ခိုက်
အစိုးရ လေကြောင်းတိုက်ခိုက်မှုကြောင့် ABSDF နှင့် KIA တပ်စခန်းများ အတွင်းရှိ အဆောက်အဦးတချို့ ဒုံးထိမှန် ပျက်စီးမှုရှိသော် လည်းလူ အသေအပျောက်မရှိကြောင်း ABSDF ကျောင်းသားတပ်မတော်မှ ဗိုလ်မှူးကျော်ကျော်က သျှမ်းသံတော် ဆင့်သို့ ပြောသည် ။
“ဒီမနက် ၁၀ နာရီလောက်မှာ ဂျက်တိုက်လေယာဉ် စုစုပေါင်း ၅ စီးနဲ့လာပစ်တယ်။ ၂ စီးက ၃ ကြိမ် ၊ ၃ စီးက ၃ ကြိမ်အားလုံး ၁၂ ကြိမ် တိုက် ခိုက်တယ်။ ပထမ ဒုံးနဲ့အရင်ပစ်တယ်။ ပြီးတော့စက်သေနတ်နဲ့ဆွဲတယ်။ အဲဒါပြီးမှ စခန်းပေါ် ပျံဝဲပြီး ဗုံးတွေကျဲတယ်။ ကျနော်တို့စခန်းက အ ဆောက်အဦး တစ်လုံးထိသွားတယ်။ နောက်လိုင်ဇာ - ဗန်းမော်ကားလမ်းက တံတား လည်း အတော်ထိခိုက်ပျက်စီးသွားတယ် ” ဟု သူက ပြောသည် ။
KIA တပ်မဟာ ၅ ၊ အလင်းဘွန်စခန်း ၊ လဂျာယန်အနီးရှိ ကျောင်းသားတပ်စခန်းနှင့် ဗန်းမော် - လိုင်ဇာကားလမ်း တစ် လျှောက် အချက် အ ခြာနေရာများ တိုက်ခိုက်ခံခဲ့ရကြောင်း သူက ဆက်ပြောသည် ။
“အခုလေကြောင်း ပျံသန်းမှုတွေက တရုတ်လေပိုင်နက်ထဲကို ၀င်သွားတာတွေ့ရတယ်။ တရုတ်ဆီ ခွင့်တောင်းပြီး တရုတ် ခွင့်ပြုချက်နဲ့ လာ တိုက်တာလို့လည်း သိရတယ် ။ အခုမြေပြင်တပ်တွေလည်း ကပ်လာပြီ။ ကျနော်တို့ဘက်က မ လွဲသာ မရှောင်သာ တိုက်ရမဲ့ အနေအထား ဖြစ်သွားပြီ။ မြေပြင်တိုက်ပွဲတွေမှာလည်း လေကြောင်းစစ်ဆင်ရေးတွေလည်း ထပ်လုပ်မဲ့ အ နေအထားရှိနေတယ်” ဟု ဆိုသည် ။
ထိုသို့ လေကြောင်းတိုက်ခိုက်နေချိန်မှ စ၍ ယခုသတင်းရေးသားနေချိန် မွန်းလွဲ ၂ နာရီခွဲခန့်အထိ ဒေါ့ဖုန်းယန်မြို့နယ် ခွဲ အတွင်းရှိ အစိုးရ တပ် ၏ ခန်းကိုင်အမြောက်စခန်းနှင့် နားလုံတပ် စခန်းများမှ အမြောက်များဖြင့် ABSDF နှင့် KIA စခန်းများ အား ဒလစပ်တိုက်ခိုက်နေ ကြောင်း လည်း သိရသည် ။
ယခုအခါ လိုင်ဇာမြို့နှင့် ၁၀ မိုင်ခန့်သာ ကွာဝေးသည့် အစိုးရတပ် နားလုံတပ်စခန်းသို့ ရောက်ရှိနေသည့် အစိုးရတပ်များ စတင်ချဉ်းကပ် လာ ရာ မကြာမီ နှစ်ဘက် မြေပြင်တိုက်ပွဲများဖြစ်ပွားရန် အလားအလာရှိနေကြောင်း ရှေ့တန်းရောက် ကျောင်းသား တပ်မှူး တစ်ဦးအဆို အရ သိရသည် ။
မြန်မာ့တပ်မတော် တွင် ဒုံးတပ်ဖွဲ့ကွပ်ကဲမှုဌာနချုပ် (ဒတခ) ၃ ခု၊ ဒုံးတပ်ရင်း (ဒတရ) ၁၀ ရင်းရှိ သည့်အနက် သျှမ်းပြည်နယ်အတွင်း ၂ ရင်း (နောင်ချိုနှင့် ကျိုင်းတုံ) နှင့် ကချင်ပြည်နယ် မိုးညှင်းမြို့ တွင် အမှတ် ၆၀၃ တပ်ရင်း ရှိပါသည်။
No comments:
Post a Comment